حطيه في الروضة حينبسط مع الاطفال وانت حتهتمي بحالك

السلام عليكم

حبيبتي كل اليهال جيه...حركين مشاغبين عنيدين ...والام والاب ياثرون عليهم بعد لو كل يوم مشاكل وضرابه والخ..وبدوره يتعلم..وبيقلدكم

تعرفين سوبر ناني ؟؟ كد شفتيه ..الصراحه برنامج روعه

شوفي شو تسوين

اول شي حاولي تبعدين عنه الحلوييييييييات والجبس والباسكوت والخ..من الاشياء ما منها فايده يوديها بمكان بعيد عنه ما يعرفها...لان السكر هو اللي يخليه حركة مفرطه ..وعطيه بدلها وجبات صحيه خفيفه

انزين ثاني شي لا تتهاوشون انتي وريلج جدام ولدج لان هو بطبعه يحب يقلد..كل اللي يشوفه ويسمعه
حتى بيعصب وبيضرب ..وبيسب وياثر على نفسيته

طاقته وين يبددها؟؟ لزم تدوريله على شي...مثل من يقوم خليه يشوف التلفزون..يلعب بالعابه يرسم يلون يطلع برا وتلعبيه على الدراجه جدام الحوش ..بهذي الحاله بتخف حركة لان بددها باللعب واشياء ثانيه...او حتى يوم تطبخين عطيه صحون بلاستيك او اي شي حتى ما يجرحه وقوليله رتبها يرتب سريره ينظف البيت معاج خليه يسوي اي شي ومدحيه

اذا سوا شي زين مدحييييييييييييييه هذي هيه السياسه لانهم يحبون المديح..وخبري ابوه ان سوا اليوم شي زين وهو بعد خليه يمدحه...علميه كيف ما يوصخ المكان قوليله لزم تعق الزباله هنا وهكذا بيتعلم

لا تعطينه كل شي يريده و سوي جدول وكل ما يسوي شي زين حطي له نجمه واذا سوا شي مو زين شيالها عنه..ومن يكتمل مثلا العدد لنفرض عشر عطيه مكافاه حقه وخبريه ليش وبسبب شو؟

يوم تروحين السوق فهميه قوليله لزم ما تركض وهناك اخطار والناس الي حاوليك مثلا بيزعلون اذا شافوك جيه لزم تكون ولد مؤدب وشطار والخ

وافكار ثانيه اذا عندج سويها وياه

حاولي لين ما تنجحين ......واهم شي فهميه لزم يسمع كلامج وكلام ابوه

والله يهديه ويجعله ذريه صالحه يارب

تحياتي:)

والله نفس اللي يصير لي بطلت اطلع بسببه الله يخليه لي بطلت اروح اي مكان حتى يوم اطلعه امشيه والله احس زوجي بيطق في عرق انعزلت عن الناس بسببه بس والله فكره انه ادخله رياض اطفال.

اختي الواثقة من نفسها ....

اهلا وسهلا فيك اختي ..

ترى ابوه بالعكس مهتم فيه وعلى طول يقعد وياه ويتحمل مسؤوليته يعني يأخذه الألعاب الحديقة المنتزه .. يطلع وياه بيت ابوه .. بس بعض المشاكل اللي يسويها يتضايق منها ويحط اللوم علي يعني يوم يدخل ويشوف العابه منثرة في الصالة يتضايق لانه من النوع اللي يبي البيت على طول مرتب .. هذا مثال .. بس هو للصراحه ما يقصر وياه .. بس يعاتبني انا اذا سويت مشكلة في غيابه .

مشكورة على رأيك ..