مشكلة الاسبوع :تحطمت نفسيااااااااااااااااا ( من التأتأه )

تحطمت نفسيااااااااااااااااا
السلام عليكم ورحمه الله وبركاته ..
اتمنى تساعدوني والله حالتي النفسيه تتدهور وتتحطم يوم بعد يوم ...

طبعا انا الوحيده بين خواتي الي مش متزوجه و عندي اخت مطلقه عايشه معنا وبقيه خواتي كلهم متزوجات وعايشين بيت ازواجهن واخواني بس بقى منهم اثنين والبقيه متزوجين ..طبعا خواني الاثنين الكبير فيهم اغلب اوقاته الدوام او النت او برا ..والثاني كله برا مانشوفه الا مره في اليوم الا وهو اخر الليل وناااااادرا نشوفه العصر ولا المغرب ناادرا مب دايما بتقولون المشكله شو هي ؟؟ المشكله ياخواتي فيني انا من صغري بس ما كانت باين فيني بس الحين وضحت ..يعني انا من صغري كنت اعاني من تأتأة ( الكلام المتقطع ) بس كنت صغيره يعني شي طبيعي في كل الاطفال هذا الشي ..بس طبعا انا كبرت الحين والله صرت استحي اطلع عند الناس كرهت الناس بسببها ( التأتأة ) والله والله العظيم انهم يطنزون ويضحكون علي قدامي !!! بسبب الي فيني لا والمشكله انهم من الاهل احس والله ياخواتي مب احساس هذا للي صاير معاي الناس صارت اتجاملني واتشوفني بنظره شفقه ياحليلها ماتعرف تتكلم مثلنا .. وايامنا هذي يحتاج انسان جرئ ويعرف يتكلم علشان يقدر يحصل الي يبغاه ..اقرب مثال حرمه اخوي كانت عاااااااااااديه اول ويضحكون عليها بس الحين كلهم يحبونها ليش ؟؟؟؟؟ علشان اسلوب كلامها فيها دلع على شويه جد يعني اسلوبها في الكلام حلو ...في البدايه حاولت اتعلم من حرمه اخوي بعض الاشياء والله يجزيها الجنه ان شاء الله ما قصرت معاي بس يوم رجعت البيت واتكلمت بنفس اسلوب حرمة اخوي << هذي مش زوجته )) اخوي الكبير واختي حطموني حاولت ثاني مره وحطموني حاولت اكثر من مره بس ماقدرت فاضطريت ارجع لاسلوبي في الكلام واني اصبر على هالشي ...وحاولت ادخل مع الناس علشان افضفض اللي في خاطري ممكن تكون من الكتمان بس للاسف اخوي الكبير حرمني اني احل هالمشكله
(بوضح لكن اكثر)

انا من سنه ونص كان عندي موبايل ونت وكنت مرتاااااحه نفسيا لان هالشئين ممكن يكون دافع لي اني اتخلص من هالمشكله يعني يوم ادخل مع الناس واتعود على الكلام يكون سهل لي وما اخاف من المجتمع ..لان اذا ماعرف حد وفجاه تعرفت على وحده طبعا مابعرف شو بقول وبتزيد عندي التاتاه بسبب التوتر والنفسيه ( اتكلم عن نفسي ) ... وفجاه امي جت عندي قالت لي وين الموبايل ؟؟ قلتها ليش ؟ قالت وينه ؟؟ وعطيتها وخذتها بدون سبب مقنع ..وحسيت باول فشل وعدم الثقه بنفسي وحاولت اعرف السبب لكن لا حياه لمن تنادي ....وبعد كم من يوم اخوي الكبير خذ الكمبيوتر ..وبعدهاا خلاااااااااااااص تحطمت نفسيا ..وكرهت كل اللي من حولي وكرهت الدراسه..ونزل مستواي الدراسي كثيييييييييير عن اول والله كنت من الشطار لكن الحين .. ..وصار تقريبا شهرين او يمكن ثلاث اشهر ما اكلمت اخوي الكبير واختي لان هم سبب تعاستي وفشلي وماقدر اطلع من الدايره الي هم مسوينها لي ..وللعلم بعض الاشياء اختي تحرض اخوي علي بعض الاحيان اوكي معاي لكن البعض لا للاسف اتبالغ فيني ..
وتذكرت شي انا بصراحه الصيف اللي طاف رحت عند اختصائيه النطق بس والله مانفع معاي ابد ساعدوني الله يخليكم
-----------------


هذه رسالة وصلتني من احد الاخوات ,, وتطلب من الجميع المساعدة والنصح لها للتخلص من هذه المشكلة