هذه رساله وصلت من احدى الاخوات
تقول صاحبة الرساله
بسم الله الرحمن الرحيم ....السلام عليكم ورحمة الله وبركاته
اخواتي العزيزات ....ارجو مساعدتي في مشكلتي وراح احاول اختصر فيها...انا اول وحده تتزوج في بيتنا وعلاقتنا مع الناس سطحيه جدا لذلك ما عندي اي خبره قويه عن الزواج او المشاكل اللي تصير بين الازواج فكنت راسمه في خيالي عالم رومانسي وجميل للزواج وبحكم انه كل اللي يشوفني يعجب بأخلاقي وابتسامتي اللي ما تفارق شفاتي وبنعومتي (مع العلم اني مو جميله حيل وحنطاوية البشره وضعيفه ) بس سبحان الله دايما الروح الحلوه تعطي لصاحبها الجمال الخارجي..تزوجت وبدات حياة التعاسه والشقاء من اول يوم كان يعيب علي بضعفي واني سمرا شوي واني دلوعه واني واني واني كلام فيه اهانه وذل..كنت اسكت وكان يموت من القهر بس انا بطبعي ما عرف ارد على احد لا اصرخ ولا اشتم وقلت يمكن يبي يفرض شخصيته علي حتى وصلنا شهرين من زواجنا واعترفلي انه انصدم فيني مو هذا الشكل الللي كان يبيه وانه وده يطلقني بس يخاف ما يلقى وحده مثل اخلاقي طبعا بكيت وانصدمت وحسيت اني راح اموت خاصه اول رجل يدخل حياتي قلته كيفك راح اتعب شوي عشان انساك بس الله كريم.. هو سمع الجمله هذي مني تمسك فيني زياده وقال خلاص لا انا ابيك ولا راح اطلقك وراح اتعود على سلبياتك ومرت الايام وكل اسبوع نطيح بهوشه ومشكله ونكره بعض زياده وزياده والحمد لله انا حامل الحين....بس من بداية حملي توقعت يشيلني فوق الارض من الفرحه بس العكس تماما بدا يبتعد عني اكثر واكثر واخر طلباته مني اتنازل عن وظيفتي او اعطيه راتب الوظيفه اللي انا اصرف فيها علي نفسي وكل شهر اساعده منها مع انه راتبه اقوى من راتبي وما يعطيني شي وطبعا اهله مساعدينه بهذا الموضوع وموافقينه عليه انا الحين في بيت اهلي ويقول ما راح اطلقك الا بعد الولاده وصدقوني ما ينفع معه اي تفاهم لانه يقولون اوكي وبعد يوم ينقلب حاله وما ادري احد يحرضه ومخرب له عقله انا احاتي الطفل اللي في بطني شلون راح يعيش على الدنيا من غير اب ويمكن ياخذه منه او راح ياذيني اكثر واكثر مع العلم للحين احبه ومتمسكه فيه بس يكفيني تنازلات تعبت من كثر ما اتنازل له ارجوكم ساعدوني
بالنسبة لصاحبة المشكلة لابد ان تجلس جلسة صريحة
وتاخذ منة الرد الاكيد والنهائي لان حياة بدون تفاهم لاطعم لها ابدا
وصحيح ان الطلاق صعب لكن المشاكل طوال الحياة اصعب بكثير
الله يكتب لها مافية خير ويرزقها على قدر نيتها ...