مشكلة صديقتي زوجها يخونها ويحب واحدة

هاي مشكلة وحدة من صديقاتي أنا ما أكلمها دايما بس من وقت لوقت لكن آخر مرة كلمتها قالتللي على مشكلتها..وكانت وايد متضايقة ومنقهرة لأنها اكتشفت إن زوجها يخونها هي متزوجة من سنة وص وألحين حامل..تقول لاحظت عليه من بعد 3 شهور بعد العرس وايد يتكلم في الموبايل بصوت منخفض ولما أقرب منه يحاول يغير الموضوع ويتكلم بلهجة رجل بس مبين إن لا من طريقة الكلام يعني واضح ما تكون سوالف رجال وبعدين يسكر الخط..وتقول لما يرن الموبايل في الليل يطلع من الغرفة يتكلم برع تقول حسيت بإحساسي إنه يكلم بنية وكان بإمكاني إني آخذ موبايلة وأفتش الأرقام وحاولت لما يخلي الموبايل ويغفل بس مافي أثر يمسح كل المكالمات ما وإحتمال إنه مخزن رقمها بإسم رجل..وصديقتي مب مقصرة معاه في أي شي هي ماشاالله حلوة جمال وأخلاق وساكنة في بيت أهله تقول ما أبغي أتضارب وأصارخ جدام أهله هي خجولة وهادية نوعا بس كاتمة في نفسها يعني ممكن تبكي بس مستحيل إطلع فضايح برع عشان ما تكبر وإتتم قصتهم على كل لسان إنتو تعرفون كيف الناس يتكلمون في سيرة بعض..المهم تقول مرة قامت في الليل ما شافته جنبها فقامت طلعت برع الغرفة لأن موبايله كان موجود بس حاطنه في الشاحن لأنه مفضي..وطلعت وكانت الصالة مظلمة بس في النور الخافت شافته وكان يتكلم في هاتف البيت ولما شافها سكر الخط ولحقها الغرفة وقالها إن صديقه كان يبيه في موضوع ضروري قالتله أي موضوع ضروري للساعة 3 ونص ما يقدر ينتظر لين الصبح حس من كلانمها إنها شكت تجاهلته ونامت..وثاني يومواجهته قالتله قوللي إنت من تكلم طول هالمدة في الليل وهاي مب أول مرة مكالمات آخر الليل في الموبايل وتسكر فجأة وتتكلم بصوت منخفض شو سالفتك إعترف إنت تعرف وحدة غيري قالها لا ما أعرف وإنتي نيتك مب صافية تشكين فيني آخر شي جابتله القرآن وقالتله حط إيدك وإحلف ما رضى يحلف المهم حاصرته وضغطت عليه لين ما أعترف وقالها إنه يعرفها من قبل لا يتزوج بخمس سنوات قالتله وليش ما تزوجتها بدالي بدل ما تبهدلني وتخونني ولو قتلي من البداية عشان ما أتزوجك..قال أهلي ما وافقوا عليها ورفضوها وحاولت وأنا تزوجتك لأن قدري ونصيبي..قالتله لازم تختار يا أنا يا هي ما يصير جذي..قال أنا صعب أختار لأنني أحبكم كلكم..تقول صديقتي إن المشكلة إن هو لما خطبها وسألوا عنه كان كل شي أوكي وسمعته زينة بس ما توقعت هذا كله لأن معاملته وايد زينة وما يقصر وياها في هدايا وطلعات وعزايم ما كان مبين عليه هذا..وراحت كلمت أخوها واكتشفت إنه هو يعرف قالها أنا شفته كم مرة يا أختي في السينما وفي السيارة مع نفس البنت والظاهر إنهم يطلعون مع بعض لأماكن ثانية الله يستر وأنا ما قتلك ما أبغي أخرب بيتك ونصحته طلبت منه معلومات عن البنت قالها ما أعرف وايد معلومات بس هي عمرها 26 وحلوة وموظفة، وإنها قايله لزوج صديقتي إنها ما بتتزوج ولو تزوجت ما بتتركه لانه حب حياتها على قولتها( وزوج صديقتي عمره 27 وصديقتي 24 ) وما فاد شي قاللي ما دام إنها ما تعرف إسكت وأنا أحبها ومب مقصر وياها في أي شي..المهم هي قالت لزوجها تختارني يا أنا يا هي ولا بتركلك البيت سكت عنها وما جاوب راحت لبيت أهلها وقعدت هناك وتقول كل حد عرف بالموضوع من أهله وكلموه بس مافي فايدة وهي من شهر في بيت أهلها منقهرة منه وتقول تبغي تطلق ولا إن حد يشاركها في زوجها وإنها تبغي تكون الوحيدة في قلبه..بس المشكلة إنها حامل أنا ما عرفت شو أقوللها بصراحة لأني أحترت بس زعلت عليها وايد لأنها ما تستاهل هالخيانة..أدري طولت بس ما عرفت أختصر القصة قلت أقولها مثل ما قالتللي إياها..