الله يعينك أميرة الأحلام

شوفي انا قلت لزوجي على مشكلتك ، قال : الحين هم اشرطوا عليه في البداية ينتظر لما أختها تطلع من العدة ...خلاص أهي لا زم الحين تنتظر مثل ما هو انتظر من أول ..

قلت له : بس مو عدل ياخذها لبيته كل هالمدة والبيت بعده باقي له كثير علشان يجهز ..الحين لو أختك ترضى لها جذيه ؟

سكت شوي ...
وبعدين قال : لو كانت اختي ، كان أعمل الآتي :

أولا : أمنعه ياخذها تروح معاه لأي مكان ....علشان يهمّ نفسه ويسرع بتجهيز البيت .

أو : الحل الثاني : يأجر لها شقة ويسكنها فيها على ما تجهز شقته الأصلية ...

عاد شوفي أنتي اللي يناسبكم ...واستعيني بالله سبحانه ...والله يوفقج .

اميرة الاحلام
كلام ام يحيي صحيح 100%
وحلولها ممكنه ومنطقيه
لكن اهم شي حتى تأثرين عليه وتخلينه يسرع ما تطلعين معه نهائيا حتى يشتاق لك فقط كلميه وعطيه من الكلام الحلو اللي يدوخه بدون ماتطلعين معه
اول شي خففي الطلعات مره بالاسبوع بعدين كل اسبوعين وان حصل اطول وقت لكن التلفون لا تقطعينه ابد ابد وكلميه بدلال
وتعاملي معه على انه يبني البيت حتى تضعينه قدام الامر الواقع ,,,
انت بس امسكي نفسك عنه وبتشوفين ....
واذا كانت شخصية اخوانه قويه عليه تأكدي راح يكون معاك كذا انت تأثيرك اقوى من العالم كله الآن بس لاتعطينه من روحك شي

ولا تنسين الدعاء بأن ييسر الله امورك
وطمنينا

اتصدقون حيل كنت خايفه محد يرد على كنت محتاجه اسمع النصيحه
مشكوره يا ام يحي وام مسلم ماقصرتوا والله

كلامكم حلو وانشالله ناويه اطبقه..

بس حيل مأثر فينى تصرف ابوى ليش الله يهديه يسوى جذيه انا كل اللى سويته علشان زوجى يعرف ان وراي رياييل وانى بنت ناس مثل ما اهمه عيال ناس بس بتصرف ابوى رخص فينى حيل .. ادرى ان تصرفه مسكين عن حسن نيه

اما سالفة الشقه فا صراحه يا ام يحي انا عارفه ظروف زوجى ماتسمحله يأجر شقه بس كنت ابى ابوى يضغط عليه بهالموضوع علشان يعرف ان احنا جادين

بس صراحه انا فينى عيب .. صراحه ماعرف اتصرف شغله وقلبى فيه شى ثانى انا حييييييل مقهوره ومنبطه جبدى اشلون اضحك بويهه زوجى واتدلع عليه وانا محتره منه !!! ماعرف صعبه والله صعبه على

انا من الناس اللى بقلبهم يبين على ويهم ...بس والله للامانه زوجى طيب وايد وحبيب وادرى انه يحبنى ويغلينى

بس هالشغلات موراضيه تشفعله عندى قلبى احسه منجرح

وشوفاتى له راح تقتصر على التمشى والمطاعم ونقعد فى بيتنا مثل اول ايام الملجه

بس انى ابينله انى مستعيله وابيه يبنى صراحه لا والف لا ... انا كرامتى عندى بالدنيا كلشى ولا كرامتى المفروض اهوه اللى يستعيل مو انا
كل اللى فالح فيه انه يقولى متى يتسكر علينا باب واحد متى اتصيرين عندى .. واللى تبينه اهوه اللى راح يصير ويتنفذ وللاسف كله طلع كلام بكلام ...

وبالنهايه حجى اخوه اهوه اللى مشى على وعليه ... خلى اخوه ينفعه

انزين بقولكم خطة التطنيش تنفع؟؟ يعنى انى اكشت فيه واطنشه ؟؟
والا اكلمه عادى واطلع معاه عادى واطنش موضوع الشقه وجنه السالفه موهامتنى ؟؟

انا افضل السالفه الثانيه انتو اشرايكم؟؟؟

السلام عليكم .. اخت أميرة

شوفي عزيزتي .. أنا بتكلم معاك بكل صراااحة ..

إنت اللي تبينه أكثر .. يعني إنت حريصة انك تشوفينه أكثر منه ..

والدليل لما نصحوك البنات .. بأنك تقاطعين الطلعات معاه .. ما سمعت كلامهم

بالله عليك حبيتي أميرة .. مو هذا في إهانةلكرامتك أكثر!!!

إذا فعلا تبغين (( كيد النساء))

لازم الصبرررررررررررررررررر

حبيبتي السماولت لم تخلق في يوم وليلة ..

وشوفيني أقولها لك .. وراح تتذكرين كلامي .. مادامك عاجزة من اللحين تتحكمين بعاطفتك تجاهه .. راح يتعود عليك .. وراح تكون كلمتك بالنسبة له هي الأخيرة .. يعني
طبعا بعد كلمة اخوانه


الحل الوحييييييييييييييييييييييييييييييد

الشووووووووووووووووق

عذبييييييييييييييه

خليك رسمية ..

لما يجي بيتكم
ولاتطلعين معاه

أبداااااااااااااااااااااااااااا

لا لمطعم ولا لغيره .

وفي التلفون .. سوي زي ما قالت لك الغالية أم مسلم


صدقيني بكذا راح يحس .. ان لك شخصية .. وانك مو لعبة .
بالفعل .. اثبتي له انك انسانه لها كرامة ..
وانك لازم تكونين اول اولوياته
لكن بدون .. اي حرف .. او كلمة توحي له

جربي وشوفي ..
صدقيني راح يتعذذذذب
بالذات انك معطيته وجه من البداية
فلما تقطعين عنه النعيم الل يكان فيه
وبالمجان !!! بدزن حتى حفلة !!
راح يتأدب .. ويحط الزواج حتى قبل شهر 3

لكن لا تنسين ان الحل في يدك انتتتتتتتتتتتتتتتتتتتتت
ومهما وسطت ناس بينكم
ترى ما يجيبها الا ___ حريمها____:cool:

الله يوفقك وييسر جميع امووورك

همسات قلوب كلامج كله فوق راسى يالغاليه بس لاتزفينى الظاهر انا صج واااايد تعلقت فيه بس لاتلومونى

عقب 30 سنه حرمان ايينى واحد بالحلال اكيد بتعلق فيه
وانا ادرى فينى حبتين غباء اذا تعلقت باحد تعلقت فيه من قلب ولا اقدر افارقه

على العموم الله المستعان وانشالله من اليوم انا بلشت خطتكم ....

اهوه اليوم مادق وانا بعد كشت مادقيت يبينى ايعرف رقم موبايلى

بس عفيه عفيه بنات سؤال بس لاتكفخوووووووووووووووووونى بليز

أولا : شنو الحجه اللى اقطع فيها طلعاتى معاه ؟؟ اذا قالى خل نطلع والا وين انروح اليوم شقوله؟؟
ثانيا : اهمه كل يوم خميس اهله يتيمعون على الغدا وخواته بعد الغدا يلحون على انى اروح معاه الغرفه .. فا انا ناويه اقوله لاتحرجنى جدام خواتك ماراح اطلع معاك غرفتك والا من رايكم بنات اقطع زوارة اهله بالمره؟؟
ثالثا :اهوه ماسكنى من ايدى ان مايرضى اطلع الا استأذنه علشان جذيه اهوه ضامن انى راح اتصل عليه مومعقوله راح احبس روحى بالبيت شسوى احبس روحى صج والا عادى اتصل عليه مع ان منبطه جبدى ليش مادق اهوه
رابعا: لما اهوه ايي بيتنا صراحه صراحه اتصير بينا شغلات لان نقعد تحت بروحنا وانا ماقدر اجبر احد من اهلى يقعد معانا شسوى اشلون امنعه من غير ما ابين له !! اكيييييييييييييييييييد راح يحس

ادرى انى مصختها بالاسئله بس صدقونى سبحان الله لما الواحد يصير بمشكله مخه يوووووووووووووقف بالمره حتى مايعرف يفكر

وبالنسبه لزوارة اهله بلييييييييييييييييز جاوبونى لان زوارتهم باجر الخميس وانا محتاره اروح والا لا ؟؟؟؟(مع ان فى احتمال يلغون الزواره لان اغلب اهله مسافرين)