والله يبنات انكم حمستوني كتير وما قصرتو فديتكم انا
عواطف عجبتني فكرتك
وفكرت جواهر بس مشكلتي ما عندي صبر لرجيم طويل ابغى رجيم خورافي ينحفني 10كيلو او اكتر بعد والرياضه انا عندي جهاز سير امشي عليه نص ساعه باليوم

حبيبتي كل الأشياء الي فيك عاديه جدا وكلنا نتعرض لها وكل الي انتي محتاجته عزيمه فقط لا غير عندك بيت وعيال وزوج واكيد تعبه والعيال والبيت ماخذين كل وقتك والله يعينك عشان كذا ماتستمرين لا علي رجيم ولا خلطه ولا شي افضل حل الرياضه طبعا تساعدك علي النزول بشكل سريع والأفضل تاخذي لك لو جهازين تمارين تخلينهم بالبيت وتستخدمينهم وبالنسبه للشعر اصبغيه حنه وخلا خليه لا عاد تلمسينه باصباغ والأفضل تقصين اطرافه او الأجزاء التالفه بالنسبه للكوع او الركب عندك صابونه الكركم انا مجربتها من اول شهر بتحسين بفرق وسعرها 4 ريال تلاقينها عند العطارين انتبهي لنفسك لا تخلي زوجك يمسك عليك أي زله والحين قووومي سوي كل النصايح الي عطيناك إياها ولا تملين او تتخاذلين سوي الشي الحين من طيبك وبكيفك احسن من بكره لا سمح الله يحط بباله زواج ولا تقولين مايقدر الرجال لا بغي شي سوووواه هذا ولد خال امي والله راتبه 5000 وعليه أقساط وديون ومو قادر علي بيته راح تزوج وحده مطلقه موظفه وهي تكفلت بكل شي بس عطاها مهر 25 الف متسلفها بعد وهي فتحت لها شقه وزوجته مسكينه ماغير تندب حظها يعني انتبهي علي نفسك وبيتك قبل لا يضيعووون

اساساً الغلطه الكبيره والكذبه الاكبر هو ( الرجيم ) بالطرق المعروفه اللي يحرمك من اشياء فتره لغايه مايذوب العضل والجسم يخسر السوائل والمعادن واول ماترجعين لنظام الاكل الطبيعي يرجع الوزن سريع جداً وفوقه زياده بالله عليك ماتبتي ولا اكتفيتي من اللعب بالاعصاب كذا ؟
انا كنت ماشيه تمام بنظامي لكن جاني حماس وابي انحف سريع وما اغباني اصريت اجرب رجيم دشتي البروتيني وياليتني ماجربت حرمان فظيع ونفسيه وانا اساساً ماني من محبين اللحوم والمصيبه الاكبر انا عارفه نفسي ما احب كلمه رجيم وحرمان واكل نوع معين لكن ضغطت على نفسي وماقدرت اكمل النتيجه كانت رجفه ودوخه وتعب في معدتي والطامه الكبرى جاتني شراهه كبيره جداً للاكل حتى الاكل اللي ماكنت اكله الا بالسنه مره صرت اكله واتلذذ فيه وبشراهه
فنصيحتي انتي مو محتاجه رجيم قاسي انتي محتاجه تعديل نظام الاكل فقط مثل نظامي ونظام جواهر تاكلين اللي تبين لكن شي بسيط
وعشان تقدرين تستمرين وتتشجعين سوي مثلي خذيه تحدي مع نفسك لمدة اسبوعين فقط اتبعي هذا النظام مع رقص وحركه ثم بعد الاسبوعين خذي وزنك ومتأكده بيكون وزنك نازل على الاقل كيلو او ثلاثه وهذا الشي بيعطيك دافع تكملين اسبوعين من جديد وماراح تحسين بنفسك الا لما زوجك يلاحظ ان حجمك صغر
ولا تنسين خذي قياسات محيط جسمك عشان تعرفين الفرق

اوزانكم ماتعتبر كبيره شوي همممه واموركم تمام ومثل ماقالت جواهر وقت الجوع تاكلين شي خفيف وخلي غالبيته سلطه وكثرو مويه
والسير مع اللولب ابد مايضر اللي يحركه من مكانه النط وشيل الاشياء الثقيله والرياضه العنيفه غير كيذا عادي

اذا تبين مساعده تعالي لي خاص وان شاء الله بيروح كل المشاكل الي فيك لاني عانيت منها