لا تضربينه كلما شكوا منه ولا تنتصرين له كلما جاء هو يشتكي
وحاولي تدخلينه روضة حكومي وتخلينه يندمج مع اطفال بعمره ويترتب نومه ويتعلم الانضباط من معلمات

ولدك كبير ماشاءالله دخليه روضه تحفيظ بالصباح وروحي معاه انتي واذا تقدري العصر دخليه كمان اشغلي وقته ومنها يستفيد ويتعلم

مثل ما قالو الأخوات دخليه الروضه علشان يندمج مع الأطفال في عمره .
وهاتي له آيباد واختاري أنتي له برامج تعليميه وترفيهيه تنمي شخصيته
كوني أم وصديقه له ,واتحملي في البدايه كل الصعوبات علشان تجنين
الثمار الطيبه إللي بتشوفينها بعد كم شهر من الآن.


الله يخليه لك ويحفظه ويصير من أفضل الرجال في المستقبل.

شوفي أختي احنا سمعنا من طرف واحد فقط بس بقولك شي مرة شكتلي وحده من قرايبي من اهلها طلعت بنظري مظلومه وانهم يعاملوا عيالها بقسوة وقدر الله تكلمنا في مواضيع وامها وخواتها جابوا سيرة عيالها وكذا لنا تكلموا وسمعت الطرف الآخر هي تتحمل جزء وهم يتحملون جزء من الخطأ يعني ماتبغى تمسك عيالها صح وتخليهم يحوسوا وهم عندهم وسواس نظافه وهي تطنش فكانوا ينقهرون منها




الحين نجي لموضوعك للأمانه بقولها لك اللي يصير مع ابنك يصير مع اغلب العوائل وخاصه اللي متعودين عالشده من زمان بس لأنك متحسسه عليه مو قابله عليه وبصراحه كمان اسلوبك انو الله يكسر ايدك وهالكلام فعلا ينرفز عندي ضربه بضربه اهون من ادعي عالناس عشان ابني كمان انتي قلتيها شكلك من النوع اللي تدافعي عن ابنك المفروض ابعدي ابنك عنهم ولو له حق هو ياخذه وانتي تكبري عقلك عن الأطفال ابنك بيكون طفل سلبي وتابع للناس طالما انتي جالسه تدافعي عنه ومو مخليته يتعلم ويدافع عن نفسه
وباعترافك ابنك مؤذي ويسب وعنيد هالصفات موجودة بأطفالي بس للأمانه مو كل الأطفال كذا غي اطفال مشاغبين وحركيين بس مايحط راسه براس الكبير واذا احد صرخ عليه يهدأ
وانا اشوف هالشي حاصل في عائلتنا كل اطفالنا حركيين بس عيالي بيفرقوا عن البقيه انهم يردوا ومايحبوا احد يتحكم فيهم وهالشي ينرفز الكبير كيف اللي بسن مراهقه
نفس الأشياء اللي نكلمتي عنها تحصل في بيتنا عادي مع اني في بيتي بس عادي اطفش وامي تتعب وهي تصرخ عالعيال وتستمر الحياة علما اصغر اخواني 16و14وابو 16هو اكثر واحد يتخاصم مع عيالي وهم صغار هو اكثر واحد يحبهم ويترجاني اجي عشانهم ويخدمني في ولادتي ويمسك الطفل بس مجرد يكبروا ويظهر طبع العناد مايتقبلهم
شفتي ان هالشي طبيعي من اختك الصغيرة
والمفروض ابوه ياخذه بين فترة وفتره ويغير له جو وانتي كمان بما انه وحيدك خلصي شغلك في البيت واطلعي معاه الحوش يلعب كرة او تريضي وهو جنبك يتريض او علميه او ادخلي دار ودخلتيه تمهيدي ابنك عنده طاقه واهلك ناس ماعندهم اطفال اكيد ماعاد يستحملوا الإزعاج لاتزعلي مني بس فعلا لاتخليهم يكرهوا ابنك حاولي تخففي قعدته عندهم عشان مايتضايقوا
ولو عندك غرفه خاصه فيكم هيأيها لكم بأبسط الأشياء رسمات وكذا واشتريله صلصال وافرشيله سفره والعبي معاه يعني اشياء بسيطه ممكن تصنعيها انتي في البيت
وبيكبر ويهدأ انا اكلمك وانا عارفه وضعك ماأقول اضربي ابنك ولاتخليهم يضربوه بس اذا كان شي عادي ومهاوشات عاديه لاتكبريها وبصراحه كمان لاتدعي على عيال الناس انتي فكري فيها هدا بيتهم ومالهم غيره
لكن ابنك يقدر يروح عند ابوه بس مافي ام تقدر تفارق عيالها فحاولي تسددي وتقاربي ودخلي ابنك تادار فترة العصريه بيطلع طاقته ومابيرجع الا المغرب
وانا لك ناصحه لأن اهلك مالك غيرهم فاكسبيهم
واحنا مرينا بهالأشياء ومضاربات العيال بعد المتوسذ يعقلوا شوي

شوفي البنات ماقصرو بالنصايح ...


انا بقولك اهم شي لاتضربينه بالعكس انا معك انك ماتضربينه لو انه شراني ليييييه لان الضرب مامنه فايده .. او على الاقل اذا بتضربينه مو قدامهم لااااا تكسرين شخصيته بينك وبينه خوذيه على جنب وقولي له ليه كذا ياماما لاتسوي كذا مايصلح كذا الولد البطل مايسوي كذا ولازم من قبل معلمته على اشياء غلط يسويها عشان اذا بتعاقبينه بدون ضرب طبعا انه تقولين لانك سويت كذا وهذا غلط مثل اذا سب وقال كلام مو زين .. قولي ليه تقول كذا غلط هالشي ومايقولها المسلم والولد البطل ... راح ازعل منك ولا اكلمك ... واحرميه من شي وكذا ...


الامر الثاني ... اشغلي وقت فراغ طفلك ... وفري له ايباد وخلي له ساعات معينه يلعب فيها ووفري له العاب جماعيه مثل اونو كيرم وهالامور والعبيها معه عطيه وقت لحفظ سور صغيره اناشيد ابيات شعر رسم وتلوين لعب بصلصال .. اعمال فنيه ...
دخليه روووضه يتعلم ويشغل وقته الصبح مثلا .. ورتبي له جدول مليان انشطه وحطي له تلفزيون وقنوات اطفال مفيده وانصحك بقنوات ج والجزيره للاطفال وبراعم مررره حلووووه ولاتحطين له mbc3 وتراها فتره وبتعدي اصبري عليها وخليك دايم متابعته ... واذا لك غرفه .. خلي احيانا اخوانك من ابوك الصغار يجون يلعبون عنده بغرفته وتابعيهم وتابعيه انه غلط لاتسوي كذا معهم لاتغلط كذا بعدين كيف يكون لك اصدقاء وهم نفس الشي قولي لهم انتم شاطرين واصدقاء فلان وهو يحبكم بس لاتسوون كذا لا لا تتهاوشون تفاهمو وكذا ..


وطفلك كذا انشغلي معه واشغليه معك بكل شي مفيد ....
وبيكبر ويهدا واهم شي مايتعلم الالفاظ السيئه انت كوني معه لحد مايتركها يتركها بالقصص المفيده وتنبهينه دايم عنها ...


واهلك اصبري وطنشي وحاولي مايقرب لهم ويغثهم ...