ياختي لا تصيري حساسه على ولدك
طفلك طبيعي جداً و المشاكل هاذي بعد طبيعيه
يعني تخيليه اخوك معك بالبيت 24ساعه رابي معنا مستحيل اجامله طول الوقت اذا اخطأ اضربه و تصير بين الاخوان مصارعه
لكنهم علشان عارفين انك ما ترضين عليه يبلغونك يبون انت تعاقبيه فينقهروا من معاملتك له
تعامل اختك طبيعي بعد واحد شقي بجهك دايما غير عن طفل تشوفه بين فتره و فتره
ارجع اقول طفلك طبيعي يبغى يلعب بسم الله عليه الله يحفظه لك بس لا ترمينه على الناس لان اللحين الناس ياله نفسها و الاعصاب تعبانه
ما دام ما فيه اطفال فوق من اخوانك و يتأذون منه خلاص لا يروح لهم
اللي يبيه يجيه
طالبي بأوراق ولدك و دخليه روضه احسن لك يطلع طاقته مع اطفال
اشتري له دراجه او العاب و خليه يلعب بالحوش
عطي وقت مخصص لولدك خاصه وقت اهلك تشوفيهم مو رايقين له
خليه يلعب لحاله عادي كأنكم ببيت ابوه
و اخيراً اقري كتب عن تربية الطفل العنيد و الشقي و الاساليب معهم لان الضرب مو اسلوب ابداً
استخدمي اسلوب الهدايا و العقاب
يعني ان سمعت الكلام و لا سويت ازعاج اوديك العاب
ان سمعتك تقول كلام وسخ جلسيه عقاب بزاوية الصاله او قولي له انا زعلانه عليك بيصير يدور رضاك انت امه


امدحي ولدك بأفعال يسويها و خليه يسمع يعني مثلا قولي اليوم فلان ممتاز رتب العابه او سمع كلام جدته او ما رفع صوته و كذا تعزيز يعني
الله ياجرك الدنيا تبي صبر و انا اختك

يااختي هونيها وتهون ،،
واللي يصير طبيعي جداً ،،
الاخوان وهم اخوان تشوفين الكبير يبغى يتحكم بالصغير ويتضايق منه ويحاول يربيه ويتحكم فيه ولو اذاه او ضايقه ضربه ،،
هذا الشي اللي يصير في الغالب ،،
اختك المراهقه طبيعي بتتعامل مع ولدك غير لانه في تراكمات في قلبها عليه وعايش معاها وبينك وبينها في حزازيات وشخصيتها لسا مو شخصية ناضجه فلاتتوقعين تتعامل معاه مثل بقية الاطفال اللي تشوفهم في المناسبات ،،
والله وحده من اخواتي شايله على اخوي الصغير ومناقرات طول اليوم ولو جونا ضيوف واطفالهم بعمر اخوي تبديهم عليه لانه في تراكمات في،قلبها عليه ولاحظنا عليها هالشي ونبهناها وكلمناها بالحسنى ،،


انتي مجبوره تعيشين في هالبيت فداري قد ماتقدرين ،،
اكسبي اخوانك واخواتك من ابوك بالهدايا والكلمه الحلوه ،،
حتى اختك المراهقه جيبيلها هديه تقربي منها والله لو حبتك بتحب ولدك ولو كانت اخلاقه سيئه ،،
اخوانك اذا طبختي ارسليلهم من طبخك وعامليهم معامله حلوه وذووق تنكسر عينهم منك ويصيرون مع ولدك احسن ،،
المعامله الحلوه والهدايا والكلمه الطيبه تكسر عيونهم والله ،،
اكيد نفسيتك تعبانه وتتمنين بيت لحالك بس وش تسوين اذا مجبوره على هالوضع غير تسايرين وتجاملين لين توصلين لهدفك ،،
امدحيهم وادعيلهم اذا لعبو مع ولدك وامدحي اختك شوفي اش تحب تنمدح فيه ان كان جسم او جمال او اي شي واشتريلها لبسه من السوق قولي اشتهيتها لك ،،
لو تطاولت عليكي سوي عمرك ماتشوفين ولاتردين ،،
تصدقي وادعي رب العالمين يلين قلوبهم عليك وعلى ولدك ،،
جربي ماراح تخسرين شي ، ولاتقولين مايثمر فيهم استمري واتغيري لفتره طويله معهم وان شالله ترتاحين اكثر ،،
المراهقين كذا مايستحملون الاطفال ، وبعض الاطفال مغثه لو انعطى وجه يزودها وولدي منهم على فكره ،،
ومايتفهمون انه طفل واعامله كذا ولا كذا ،،
اهم شي اغراضهم وراحتهم وانه مايأذيهم ،،
الله يسخرهم لك ويرزقك بر ولدك 🌹

لا تبالغين في حماية طفلك من الناس لان الحياه ماراح تكون مفروشه بالورود قدام ولدك من طفولته الى ان يكبر راح يواجه اشياء كثير
وموضوعك كله شكاوي ان الناس ضد ولدك وان كلهم يغلطون عليه وهو المسكين اللي مايغلط مع انه حتى هو يغلط على الناس بغض النظر من اللي بدأ
ترى هم اطفال عيب نزعل عشان مشاكل صغار دايما جدتي تقول هذا الكلام احد يزعل من اطفال ؟
الاطفال احنا اللي نعلمهم ونربيهم كيف يتصرفون
حتى اختك اللي عمرها 14 سنه احد يزعل من وحده توها بالغه وبمرحلة مراهقه ؟
راجعي نفسك وطريقة حمايتك لطفلتك بشكل مبالغ احتمال كبير يكبر ويكون ولد مدلع ويسوي اي مشكله عادي لانه ضامن الحمايه منك
وهو لسه طفل لا تنتظرين الناس تلعبه وانتي حاطه يدك على خدك تندبين حظك وتحسين بالشفقه قومي انتي العبي معاه واذا طلعتي مشوار خذيه معاك خليه يغير جو ويطلع طاقته
واذا صار عمره مناسب للروضه سجليه خليه يروح يعاشر اطفال بعمره


الله يشرح صدرك وييسر امرك ويعينك على التربيه

انتي حساسه مررة
انا خواني الصغار احيانا ودي اشوتهم برا البيت يرفعون الضغط
هلا هلا اذا اجتمعو مع عيال اخواني ودي اطرد العايله كلها برا من الازعاج وهواش البزارين


مشكلتك تصير في احسن العوايل
ترا مو لان ولدك مو عند ابوة تحسينه مسكين
ترا بعضهم عايشين مع ابوهم بس يكسرون الخاطر وفعلا مساكين

لا تزعلي ترى الوحدة تتضايق من الطفل اللي يسوي حركات و يسحب و يسوي شقاوة .. عندي اختي اولادها خمسة و اربع سنيت اشقياء جاو عنذي ناس زيارة قلت لها تعالي بس لا تجيبي اولادك زعلت و ما جات و قلت بكيفها اولادها انا خللتهم ما اتحملهم فما بالكم بضيوف اول مرة يدخلو بيتي ... انتي عشان امه ما تحسي بشقاوته