اكمل لك .. الموضوع ..

لازم تعرفين كل واحد شنهى ميوله هواياته .. لازم تعرفين كل شخص شنهى مداخله حتى تفتحين باب للحوار ..
يعنى لو والدك يحب البرامج السياسية .. تابعى معه .. او ذكريه بموعد برنامج هو يحرص على متابعته .. سوى له شاى .. قهوه .. اسأليه ان كان يحب تجيبين له كوب ماء .. من هالأمور ..
والام .. شوفى شنهو تحب .. من صديقاتها و صاحباتها .. اسأليها عنهم .. خلى يحسون ان انتى قاعده تعطينهم اهميتهم .. قولى لهم الله لايحرمنا منكم ومن هالكلام ..
اخوانك وخواتك اسألى عن احوالهم ودراستهم .. حاولى تساعدينهم بشىء انتى قادره عليه احيانا مجرد الاستماع لهم هو دور لك .. وانجاز طيب ..

خليكى قريبه منهم .. وعطيهم اهميتهم ..
طبعا كل شى بالتدريج .. وانتوا المهم تبدأوا .. والباقى يجى ..ماهى مشكله ..

اتمنى لك عزيزتى كل التوفيق .. وللجميع

اختي الوجدان

سبحان الله ماكنت اتوقع حد مثلي

انا مثلك تماما

الحيا سبب لي احراجات كثيرة في الكلية


ماعليك اكيد بتتغيرين
انا لسا ماتغيرت لاكن في طور التغيير



اختك:
إيلاف

أنا عكسكم تماماً، لذلك الحل انج تمشين مع بنت
تحسينها اجتماعية وراعية سوالف، يعني اللي
يسولف وايد ما يمانع انه يكون عنده شخص
هادي، يعني تكون زماله تمشون مع بعض
تسولف هي مع الناس وتشركج معاها في
الجلسات والتعارف ... يعني خليها تكون بطاقة
مرورج للعالم اللي انتي منعزله عنه..

أنتي صعب تتعرفين على بنات وايد!! وجودج
معاها بيخليج تشوفين وايد ويمكن تلقين البنت
اللي تحسينها بتكون صديقة مقربة لج وميولها
على ميولج..

حاولي تشاركين .. يعني شفتي بنت في المكتبه
محتاسه ساعديها.. تكلمي عن مواقف صارت
معاج خلي الناس تفهمج شوي وتفهم طريقة
تفكيرج عشان بعد هي تقدر تتواصل معاج

-- اضافة بعدين ارجع للردود --

احيانا اتردد في الاجابة عن سؤال اقصد بالدراسة لاني اخاف تكون الاجابة غلط
ويكون موقف مضحك .. مااحب احد يضحك علي ..
حتى الي تستمر تناظرني بطريقة غريبة اشك في نفسي يمكن فيني شي غلط ..

اقدر اكتب سواليف اكثر من الي اقوله وعادة افضل اقول الي بنفسي برسالة او عن طريق مكالمة ..

أختي هل تحسين انه ثقتج في شكلج ضعيفه؟
مادري هالاستنتاج طلعته من الإضافه، يعني
انتي كمتحدثه اشوفج ماشاءالله عليج عندج اسلوب
في الكتابة وتوصيل المعلومه..

إذا كانت فعلاً هذي المشكلة حاولي تغيرين
في شكلج أو طريقة لبسج بحيث تكونين حاسه
انج مرتاحه من نفسج.

إذا كانت مسألة المواجهه هي اللي تتعبج يعني
يوم تكونين بمواجهه مع الناس تضعف شخصيتج
حاولي تتخطينها .. جاوبي في الدراسه مره مرتين
روحي لدراستج وانتي تقولين اليوم لازم أجاوب
وعادي يا أختي حتى لو حد ضحك "مع انه محد بيضحك"
وين المشكلة؟ يا اختي تعلمي في الناس يمكن اليوم
بكره حد يضحك حد يستغرب أسلوبج!! لكن بعد سنه
تكونين كونتي شخصية عامة ناجحه...

خليني أقولج في ناس وايد تبغي تتعلم إنجليزي
لكن خوفهم من انهم يغلطون في الكلام يمنعهم
انهم يمارسون!! انا من كنت بالمتوسطه تعرفين
انتي مدراسنا الحكومية تطلعين منها تعرفين يس
ونو بس!! لكن من أيامها اخربط بالانجليزي مع
ممرضات بالمستشفى ، فلبينيات بمحل!! ماعليه
خل الناس تضحك على جهلي في الإنجليزي اليوم
عشان بكره اتعلم وأوصل مرحلة متقدمه!!

لاتخلين خوفج من الناس يكون عائق في تقدم
شخصيتج.. استخدميهم عشان تتقدمين وقوي نفسج
بتوصلين للي تبغينه .. بإذن الله