السلام عليكم
(احيانا اتردد في الاجابة عن سؤال اقصد بالدراسة لاني اخاف تكون الاجابة غلط
ويكون موقف مضحك .. مااحب احد يضحك علي ..
حتى الي تستمر تناظرني بطريقة غريبة اشك في نفسي يمكن فيني شي غلط ..)
عزيزتي وجدان سبقت وقلت لك انه الانسان مو شرط يكون صح على طول الخطأ وارد وكلنا بشر ولازم تحاولي تثقي في نفسك اكثر واذا اخطأتي مرة فكري انك لست الوحيدة في العالم اللي اخطأت وممكن تكون اخطائك افادة لغيرك ( في اجاباتك في المدرسة ) والانسان الحكيم هو اللي يتعلم من اخطائه ومن ناحية انه تشكي انه فيك غلط حاولي تزرعي الثقة اكثر في نفسك وتستعيذي بالله من الشيطان لانه هذه كلها وساوس لو ماتفاديتيها ممكن تقودك لوساوس اخطر فاحذري
واعلمي .. انه لو كان فيكي غلط الناس ماراح تناظرك فقط بالعكس راح تنبهك انه فيكي غلط واذا محد لفت انتباهك بشي خليكي متاكده انك زي الفل ومافيكي شي وليه اصلا تتوقعي الغلط ممكن يكون نظرتهم اعجاااب ؟؟
تفائلي عزيزتي دوما .
اتمنى لك اسعد الاوقات .

حيااكم الله اخواتي الغاليات ..
في البداية اعذروني ماكنت اتوقع احد مثلكم كنت اعتقد اني مافي احد راح يساعدني وممكن اعرض مشكلتي على نفساني ..
بس لما قريت ردودكم ارتاح بالي الله يريحكم من كل هم ..

*الاخوات*
ام جود .. حياك الله ..
قلتي نفس الكلام اللي ابي اقوله .. الناس الاغراب او الي انقطعت عنهم فترة نفس الشعور الي احس فيه ..
اصلا مشكلتي ان الي لي دخل فيه والي مالي دخل فيه مااسأل عنه ولا اتكلم .. ابدا موملقوفة هااااادية حيل .. او اتكلم عن نفسي حتى مااحرج احد اذا سألته ..
صحيح الي يلفت فيني اكثر شيء هدوئي وحيائي .. هذا معروف عني واحس انه خلاني محبوبة من اول نظرة اقصد اللي اول مرة يشوفني ياخذ عني نظرة طيبة من البداية ..
وفعلا كل كلامك صحيح وفاهمه كل كلمة قلتيها بس الفعل ؟؟


محتاجه قلب .. حياك الرحمن ..
بصراحة احس اني افقد الثقة والي هي تساعدني على نفسي .. زي ماقلت من ايجابياتي من النظرة الاولى ياخذون عني انطباع حلو والحمد لله ..
وفعلا لما افكر بالايجابيات الي فيني احس بثقة في نفسي تساعدني على مواجهة الامور ..
الي بحجنبي جالسه كونت معها صداقة معرفة فقط ماتعمقت معها .. اذا جيت اسألها اتردد بعدين اهون وعلى هالحال كل يوم ..
عادة لما اتكلم وانسى حالي اني اتكلم القى نفسي اني اسولف على غير عادتي .. بصراحه اكثر شيء اهمله اخبار اللي حولي بحكم اني ماأسأل عنهم ..
كلامك كله يحتاج لتطبيق وياليته سهل .. لاني اسوي الي قلتي يوم واتركه عشر لنفس السبب ..
راح اقولك موقف .. بعد ماقريت ردودكم ارتحت كثير ومن بكره كان عندنا شعر ((انجليزي)) شاركت بقراءة القصيدة وعلى طول اختارتني الاستاذة لاقرأ على قولته نيو فيس ..
فبدأت اقرأ القصيدة من اول كلمه ارتبكت وتقطع صوتي في القراءة واحمر وجهي مع اني اقرأها في البيت بشكل حلو وبدون اخطاء بس في القاعة اخطأ بعد ماقلت اخر كلمة من القصيدة ..
على طول راح الاحمرار والخوف والارتباك بس بمجرد اني خلصت .. وهذا اول مرة يصير معي لاني بالعادة تستمر هالحالة عشر دقايق على الاقل .. ماادري وش الي صار ..
راح ءأجل كلامي عن البيت مع اني احس ان هو الي يأثر في شخصيتي اولا بس الكلية الحين اهم ..

صبح وليل .. حياك الله ..
ان شاء الله تفيدك ردود الاخوات ..
وتساعدك في حل المشكلة ..

ايلاف .. حياك المولى ..
الله يعينك وسهل عليك الامر ..
قولي لنا عن تجاربك اذا حصل لك تغيير ..
عسانا نستفيد منها ..


روحي لك .. حياك الرحمن ..
فعلا البنت اذا كانت تساعد اكثر في علاقاتي مع غيرها ..
بس هي زميلة ماتستمر كل يوم .. ينفع هالحل لو انا لسه داخله الجامعه مااحد اخذ عني نظرة ..
بصراحة لما دخلت المكتبة لغرض الدراسة لاني محتاجة لكل دقيقة من وقتي لانجح تركت السواليف عشان افيد نفسي وانجح ..
المهم لما دخلت المكتبة شفت بنات من قاعتي وعرفتهم اكثر واكثر وصرنا نتقابل تقريبا كل يوم .. بعضهم مو الكل وتعودت اجلس على نفس الطاولة ..
فعلا استفدت كثير من هالتجربة .. والبقية اكيد بلقى حل ثاني ..
ثقتي في نفسي ضعيفه احيانا في شكلي .. لان في شغلات مااعرف اضبط مثل المكياج فااحس اني منحرجة ..
اسلوبي في الكتابة افضل مئة مرة من الكلام مباشرة .. لما اشارك اكثر من مرة اكون نشيطة في الباقي .. احاول اطبق كلامك الي قلتي ..
وخصوصا مع كلامي بالانجليزي ..

هلا ام جود .. لما افكر في نفشي ان الوضع عادي سواء اخطأت او اصبت ماراح يختلف شيء ..
وحتى لو غلطت مو مشكلة احد يضحك احس شيء اني انا اشتفيد من الغلط ..
لان عمر الانسان مايتعلم من الصح ابدا ..
انا عارفه كل هذا بس شلون استفبد ؟؟
السؤال كيف اكون واثقة بنفسي ؟؟


هذا موقف حصلي ابي رايكم فيه وكيف اتجاوز هالمشكلة ..
(( تخيلي جالسه مع زميلتي في الباص من قسم ثاني اول ماجلس مو من طبعها تبدى الحكي انا ابدا دايما المهم من اول ماجلست ماحيت معها ليه مستحيه من البنات الي في الباص والي مقابل لي مع انه بنفسي ابي اسألها اخبارها اليوم وش بالمحاضرة كذا .. قلت استني شوي بعد مانبعد عن الجامعة راح اسولف وصلت البيت وانا ماحيت معها ابدا لاني مترددة بسبب البنات .. مع انهم يسولفون مع بعض وانا ادري عنهم بس ليه مترددة ماادري ..
اخذت نفس وقلت راح افكر بعمق في المسألة وفعلا لقيت الامر انه مايستاهل كل هذا واني كنت اتخيل شيء ماراح يصير وعرفت اني انا المخطأ مو هي .. بس ماسويت شيء بعدها ..
احس ان بيننا حاجز عجزت لاوصل له مااقدر امون عليها استحي منها مع اني اعرفها من ايام الدراسة ..
ابي حل لها لاني هذا اكثر شيء تأثر بهالطبع الي فيني مدري وش اسوي .. ))

اختي وجدان كأنك سبحان الله تتكلمين عني والله اني كنت اعاني ياربي ما ابغى اتذكر
المهم دايم خلي في بالك انه نحن جميعا ابناء ادم وحواء ولافرق بيننا زكلنا مخلوقين من التراب مافيه احد احسن من احد حبيبتي حاولي انك دايم تطرحين اسئله ولازم تعودين نفسك انه كل موضوع تشاركين فيه شرفي هذا الشيء يعتمد عليك طيب وين اخواتك الي اكبر منك
صدقيني الامر في بدات الامر صعب بس بعدين عادي
انا من ناحيت تغيرت معه انه ماتغيرت الابعد ماتزوجت وجبت بنتين بس الدنيا علمتني انه كلنا سواء مافي احد كامل الا الله عزوجل
دايم اذكري الله الا بذكر الله تطمئن القلوب