ياهلا اختي...
انج تكونين ساكته وهاديه حلوو وهم انج تكونين اجتماعيه حلوو
هذا له وقته وهذا له وقتهـ
يعني ابقولج ان الهدوء بأدب حلوو يعني مو لدرجة انج كله كله كله ساكته ماتردين على اي احد ولاتبتسمين واذا قالوا خذي اكلي ولا شربي قلتي لأ من الحيا انا ماأأيد هالشخصيه اذا كنتي كذا عودي نفسج انج تآخذين منهم الجاي والقهوه واذا حطو حلى ولا كيك خذيه بنفسج لا تسوين نفسج مستحيه
بعض الناس يحسبون الهدوء الزايد غرور
وانتي بالغرفه بروحج قدام المنظره ولا حتى بالخيال تخيلي انج مع ناس تضحكين وتسولفين وفري طبعا سوي هالحركه كذا مره مع الوقت راح تشوفين انه انفكت هالحاله منج
وبالتووفيق خيتوو

انا مثلك

انا مثلك ويمكن اشد
اذا كنا في جمعة بنات ما اتكلم يادوب كلمه ورد غطاها واحس جلستي ممله دايم ساكته
بس اسوولف مع بنات اعمامي وخوالي لاني اموون عليهم بس غيررهم مستحييييييل
لدرجه اذا احد سولف معاي انحرج ويادوب اطلع الكلمه :(
واذا غبت عن بنات خالي مده طويله يعني اكثر من 3 شهوور وقابلتهم استحي منهم ويادوب اتكلم واتجرا عليهم :06:

ودي اكون جرئيه بادب واسولف وانكت او ع الاقل يحسوا اني موجوده :(

وعندي مشكله ثانيه مستحيل ادخل ع الناس لوحدي حتى لو يكون خالي ولا عمي او محارمي لازم وحده معاي وتدخل قبلي
زي لما رحنا في العيد عند جدتي كانت امي بتروح عند الرجال بما انو مافيه الا خوالي وعيال خالي وقالتلي روحي من الباب الثاني عيييييت قلت تعالي ادخلي معاي لاتخليني ادخل لوحدي وياعمري عليها جات ودخلتني وراحت عند اخوانها

لييييييييه انا كذا ؟؟ وشو ذا رهاب ولا خجل ولا وشو تكفوون طمنوني :(

اعتقد هذا له دخل بالثقه بالنفس

انا كنت كذا بفتره من الفترات يومني صغيره الى المراهقه
من عديت الثانوي وانا تغيرت
لاني غيرت شكلي فتغيرت تبعا له شخصيتي
صرت املك المكان بالسوالف لابغيت ولابغيت برضوا اصير هاديه
يعني الموقف والناس هم اللي يفرضون كيف ابين شخصيتي لهم


قوي نفسك حبيها وثقي فيها طوري شكلك الخارجي لانه يملك سحر للمتلقين
بالتالي راح تقوى شخصيتك وبتتكلمين بطلاقه

وعليكم السلااام ورحمة الله وبركاته


مشكلتك حبيبتي مشكله منتشرة للاسف ..


وانا ما اتفق مع الاخوات اللي قالو انه افضللك بالعكس .. الانسان كلما تكلم وعبر عن رأيه كلما زادت ثقته في نفسه و حس بالتوازن والراحة في حياته ..

بس بقولك شي يا اختي .. انتي ما كتبتي المشكلة الا وانتي تبغين حل صح؟؟

وخلينا نكون واقعيين الحل مو بالسهوله اللي انتي تتوقعينها .. راح اقول لك بعض الحلول لكن ابغاك قبل ماتقرينها تعزمين فعلا ع التغيير .. مو تقرينها وتشوفين اذا سهلة سويتيها .. واذا صعبه ماسويتيها ..طيب ؟؟

طبعا فيه حلول كثيره .. بس انا بعطيك حلول مجربة .. واذا اتبعتيها ان شاء الله يخف اللي عندك ..( وهذا الكلام لجميع الاخوات اللي عندهم نفس المشكلة او حتى شي بسيط منها )

اول واهم نقطة ..



* عودي نفسك ع الكلام .. لاتطلعين من اي مكان تروحين له .. الا وانت متكلمة .. بتقولين طيب ما اقدر .. اقول لك تكلمي ولو بكلمة شكرا .. لو بمعلومة مكونه من كلمتين .. لو بملاحظه عالمكان اللي انتي فيه مثلا .. بس لاتسكتين ابدا ابدا .. وكافئي نفسك ولو تكلمتي كلمة وحدة ,, واوعدي نفسك اذا ماتكلمت مرة من المرات انك تتكلمين المره الجاية .. حااااولي في نفسك ..لاتستسلمين ابد .. صدقيني في البداية راح تحسين بخوف ورجفة وقلبك دقاته سريعه .. بس مره عن مره .. بيكون من اسهل مايكون وتصيرين تتكلمين بدون تفكير .. وطبعا هالنتيجة مرح توصلين لها الا بعد مرور فترة طويلة من اتباع هالطريقة باذن الله ,,
اذا اتفقنا اول نقطة : اوعدي نفسك ماتطلعين من مكان الا وانتي قاااااايلة اي شي لاحظي ( اي شي )<< وهذي النقطه اهم شي


* الشي الثاني مهما تحطمتي او انحرجتي او صار لك موقف محرج نتيجه اتباااعك لهالطريقة .. لاتوقفين ابدا .. بالعكس هاذي الاخطاء هي التي توصلك للنجاح .. ومافيه نجاح بدون اخطاء او متاعب .. واعرفي انك اذا توقفتي راح ترجعين للخلف وتهدمين اللي سويتيه قبل ..



* وفيه شي مهم بالموضوع اللي هو التدرج .. يعني مو من اول مرة تتكلمين تقولين سالفه كامله !! كذا بتخطئين وترتبكين ,, لانك ماتدرجتي وماتعودتي ع الكلام قدامهم اصلا .. مثل ماقلت لك في البداية .. شكرا .. ثم معلومه من كلمتين .. ثم تعطينهم خبر بسيط مكون من كلمات بسيطه .. وهكذا ..


* النتيجه مثل ماقلت مرح توصلين لها بسرعه .. بالعكس كل شي سريع يرجع بسرعه اصلا .. يعني يمكن الطريقة هاذي تستمر شهور ويمكن اكثر .. وكلما كانت حالة الوحده اصعب كلما زادت المدة ..


* الارادة تحطم المستحيل << وهذي المقولة اؤمن بها مره .. متى ماكانت الارادة عندك راح تتجاوزين باذن الله كل شي ولو كنتي ترينه مستحيلا ..


* فيه بالنت بعض المواقع تعطيك حلول جميلة .. مثل انك تغمضين عيونك و تتخيلين نفسك تتكلمين مع اشخاص كثيرين .. بكل جرئة وثقة .. هالتخيل بيروح للعقل الباطن والعقل الباطن ترااا يصدق كل شي يجي فيه .. ومايفرق بين الحقيقة والخيال .. فهذا بيساعدك في تحطيم هالحاجز ..




اتمنى اكون افدتك ..

وبالتوفيق ..