مشكلتي مع زوجي .. قلبي يوجعني

السلام عليكم
أنا عندي مشكلة بس الى الآن مش متأكدة هل هي حقيقية والا الشيطان راسمها براسي و خلاني اصدقها
أنا زوجي طيب و حنون و مب مقصر معي بأي شي و الحمدلله و انا كذلك مب مقصرة بحقه
المشكلة بدأت من أسبوع تقريبا ألاحظه يكتب كثييييير بالجوال ممكن يقعد ساعة يكتب بدون مبالغة سألته مرة قلت وش قاعد تكتب من زمان لو كنت تكتب جريدة خلصتها ... ما رد علي ضحك و سكت و انا سكت !
بعد سؤالي هذا لاحظته خفف بالكتابة بس قلت عنده وقت برا و وقت الدوام يقدر يكتب لين يشبع منب قادرة امنعه
بس يا بنات مدري ليش بديت اشك انه يكلم احد خصوصا انه اذا قربت لف الجوال و الا يسكر الشاشة فجأة !و هذا الللي زاد شكي لأنه قبل عادي اقعد جنبه و هو يكلم اخوياه و يفتح السناب و يوريني يعني قبل كان عادي .
بس بنات مدري وش هو البرنامج اللي قاعد يكتب فيه طول الوقت .. هو مو واتس لان الوقت اللي يكتب اروح اشوف حالته مب متصل ! و لا هو سناب
مدري وشو البرنامج .

بنات ابيكم تساعدوني كيف اتخلص من دوامة الشك اللي أنا فيها ؟ هل أسأله و اذا سألته وش اقول ؟ و جواله قدامي و اعرف الرقم السري بس مابي افتش من وراه أخاف اندم .
يلا بناات ساعدوني
جعل من تساعدني ربي يسعدها و يوفقها و ينولها مرادها .