مشكله تهم كل المقبلات على الزواج برايي!!!!!!!!!

السلام عليكم ورحمة الله وبركاته
ماني عارفه كيف ابدا لكن ودي تساعدوني في هالمشكله اللي اعانيها واكيد كل البنات المقبلات على الزواج وهي الخوف .....
لما اتكلم عن الخوف مااقصد الخوف من ليلة العرس او الاشياء هذي طبعا هذا الشئ الموجود لكن مايشغلني بدرجه كبيره لانه هذي مرحله مؤقته وانشالله تمر بسلام
المهم ان الخوف اللي اتكلم عنه او بمعنى اصح الهم اللي يشغلني ليل نهار هو كيف ممكن اتحمل مسؤلية بيت وزوج اولا ثم اطفال انشالله هل انا بكون قد المسؤليه ولا لا؟؟
وبالذات في بداية الزواج من ناحية قدرتي على تدبير امور البيت من طبخ وهذي تحتها مليون خط الى تنظيف الى غسيل موواعين وماادراك مالمواعين والملابس والكوي الله يعين وبس واكيد انتوا تعرفون الاشياء هذي اكثر مني ويزيد خوفي لما اتذكر اني بصير لوحدي المسؤله لما يصير عندي عزيمه او لما يجوني ناس لدرجة الرعب اكيد بتقولون تعلمي وعودي نفسك على الشغل ارد واقولكم والله اني احاول وبالذات الطبخ الحمدلله اعرف بس مو لدرجة الاتقان وبالذات بعض الاصناف مهما حاولت اتقنهها مفيه فايده حتى امي تتضايق مني لما اجي اسوي شي لانها زي ماتقول استهلك المقادير واخر شي في الزباله لانه الاكل يكون كثير وماياكلون الا شوي بصراحه عقدوني.. بلاضافه الى عقده ثانيه الحين الحمدلله صرت احسن من اول يعني اسوي اكلات واضبطها احيانا لما نكون لحالنا لكن لما يجون الناس سبحان الله مدري وش يصير مايضبط اي شي معاي حتى صرت انحرج مررررررره قدامهم لاني احس في نظراتهم لي اتهام باني مقصره او اني ماانفع اكون ست بيت مع اني والله العظيم احاول اتقن كل شي واحرص بزياده واعيش في قلق والنتائج عكسيه للاسف!!!
كل خوفي ان ماساتي هذي تستمر معاي الى بعد الزواج بيكون احراج كبير قدام اهله وقرايبه وخصوصا انهم معروفين بالطبخ المتميز..
يااخواتي ارجوكم ساعدوني ياترى مريتوا بنفس هالظروف ؟؟؟؟؟؟؟ وكيف تعاملتوا معاها؟؟؟
وياترى نجحتوا ولا .............؟!
اعذروني عللى الاطاله والكلام الغير مرتب
وشكرا:(