باقي العرس الشرقاوي
بعد ان انتهينا من مظاهر العرس في بيت العروس ...ياتي الان متابعة مظاهر وايام العرس في بيت العريس
اول يوم عند اهل العريس هو يوم الثلاثاء ويسمى بيوم البيان وبعضهم يسميه تطريفة العريس
في هذا اليوم يدعو اهل العريس اقابهم المقربين والجيران
مجموعة من المعازيم تاتي الصبح عشان تمشي في الزفة
اللي ترفع السياق لاهل العروس ومجموعة تاتي في العشية عشان يشوفو بيان العريس
المهم ناتي للعشية وفيها وقبل ان يتجمع المعازيم كلهم
تفرغ ام العريس واخواته غرفة كبيرة وتنظم فيها كسوة العروس وذهبها وهدايا اهلها بطريقة يستطيع الكل رؤيتها
وبعد تجمع المعازيم وتقديم العصائر والحلويات والمثرودة
والشاي
تطلب ام العريس من المعازيم اللي يبي يشوف الكسوة يتفضل وتقوم النساء مجموعات مجموعات لرؤية الهدايا ويصاحب النساء اخوات العريس للتعريف بالهدايا والنساء تزغرد وتغني غناوة علم
مثلا مبروك يا عزيز عليك...ادراجك اللي راقي لهن
او يغنن اغنية وتسمى شتاوة مثل
هن هاذين هداي ريدك...كان اشوي العقل ايزيك
وينتهي يوم البيان ليبدا يوم اخر هو الاربعاء ويسمي يوم الرمو او الرمي
وفيه ياتي معازيم اهل العريس المقربين فقط وعملو وجبة الغداء وعادة ما تكون ايدام بطاطا باللحم والكبدة والكلاوي
مع الخبز والمصير والسلاطة
وبعد العصر تتجهز نساء اهل العريس للذهاب في الزفة ليحملو هدايا اهل العروس ويضعوالحنة في يدها ويتعشى اهل العريس عند اهل العروس
وانا حكيت لكم عن يوم الاربعاء في العروس
وبعد العشاء جرت العادة ان يأخذ اهل العريس من اهل العروس مخدة وعلبة زيت لتوضع في شقة العروس
ثم يأتي يوم الخميس وهو يوم الاحتفال الكبير عند اهل العريس ويعزمو فيه كل معارفهم من قريب وبعيد
ووما نحكيلكم علي حوسة يوم الخميس وكيف ام العريس منذهبة شيرتها والجري هو الجري
لحد ما يجي وقت الزفة ويتجهز كل من ام العريس وبعض اخواته وخالاته وعماته وبعض الاقارب والجيران
ويركبو السيارات ويمشو لبيت العروس في طابور طويل للسيارت المزينة والتي قد يصل عددها 50 سيارة وصوت الرصاص يعلو لما يوقفو جنب بيت اهل العروس
ويدخلن 3 او 5 عجايز كبار في العمر ومعاهم ام العريس
ويغنو غناوات علم ويغطو العروس برداء ابيض من راسها لاخمس قدمها ثم يجي اخ العروس او خالها او عمها ويطلعها ويركبها السيارة
طبعا في هذه اللحظات ام العروس تبكي واخواتها وصديقاتها
اللي قاعدين في الحوش
وجرت العادة عندنا ان ام العروس ما تمشيش مع بنتها يوم الخميس..
وبعد ماتركب العروس السيارة يلفو بيها في البلاد شوي بعدها تمشي لبيت اهل العريس ..
وعند دخول العروس لبيت العريس تون وحدة من خوات العريس اللي ما راحو في الزفة مجهزة عسل وعلبة الزيت اللي جابوها من عند اهل العروس
تنزل ام العريس بسرعة وتستنى كنتها الجديدة عند باب البيت وتطعمها من العسل وتعطيها علبة الزيت
وبعدها يبد اهل العريس بيتقديم العشاء وبعدها بحوالي الساعة ياتي العريس لياخذ عروسته ويذهب بها لعش الزوجية..
وفي يوم الجمعة اللي هو يوم الصباحية يعزم العريس عمته ام زوجته هي واقاربها
يعني عزومة خاصة باهل العروس ويكون الغداء عادة كسكسي ثم في العصرية مثرودة او عصيدة
وعندما تاتي ام العروس تختلي بابنتها العروس وتاخذ منها
المظهور وتدسه بيش يشوف بوها
وبعدها يغسل الدم وام العروس تدس الخرقة
وهذا زي العروس يوم الصباحية
بهذا انتهى العرس عند اهل العريس
ولن مازال هناك يوم آخر وهو يوم الزورة ا
وهذا اليوم هو سابع يوم من بعد العرس وتذهب فيه العروس لزيارة اهلها بصحبة ام العريس واخواته وعماته وخالاته وزوجات اعمامه وزوجات اخواله
في هذا اليوم يقوم العريس في الصبح بدري ويرسل اويذهب هو بروحه لاهل العروس بثلاث خراف مع مشروب وارز وخضرة
ويقوم اهل العروس باعداد وجبة عشاء ملوكية كل مالذ وطاب
وبعد العشاء تقوم ام العروس باهداء ام العريس ومن يصاحبها هدايا وهي زي ليبي مصنوع من الحرير
ثم يهدي الاب ابنته هدية ذهب طاقم او خاتم علي كيف كيفك او يعطيها مبلغ مالي كبير
ثم يذهب اهل العريس مع عروستهم
وبهذا ينتهي العرس الليبي
اتمنى ان ينال اعجابكم
صور عرس ليبي
يوم العزومة
اول يوم العرس
ط
طبعا هذي منقولة لكم عشان تشوفو العرس الليبي
بس فعلا الرسام داير اسقاط على العرس بشكل كوميدي
يوم العزومة
اول يوم العرس
ط
طبعا هذي منقولة لكم عشان تشوفو العرس الليبي
بس فعلا الرسام داير اسقاط على العرس بشكل كوميدي
نقل مباشر عرس ليبي بتعليق الشوالى
نقل مباش لاحد الاعراس الليبيه بتعليق الشوالي،
اتفضل ياشوالي :-> :
مش ممكن مش ممكن مش ممكن خليني نحكي ..
خليني انعبر .. خليني انريح ونرتاح..
كم جميلة هذه الأعراس شوفوا كيف ملتمة الناس...
واخزر لحمد الراس ...
وهوا كيف ايقول للناس ما اتقولوش خلاص ..
الحفلة في البداية .. ولكل بداية نهاية ..
والنهاية حتما سعيدة .. بتتويج ملكتها ...
وعندما نخزر للحاجة مفيدة ...
نخزرلها كيف فرحانة...
بالرغم من أنها تعبانة ...
لكن ما حبتش أتبين التعب على وجهها لأنه الفرحة اكبر ما تكون ...
في تتويج نور العيون..
من داخل الخيمة نحكي...
من داخل الخيمة أنعبر من داخل الخيمة نريح روحي ...
عرس مش في الصالات هكي الحاجة مفيدة تبي ..
أيكون في جانبها الجارات أصغار أكبار وحتى الفتيات ..
لأنه الصالات تعمل بقوانين والحاجة مفيدة هيا من يسطر العناوين ..
من داخل الخيمة نخزر عرس ليبي ولا أروع عرس ولا في الأحلام وزاده كله نسمع في أحلى الكلمات ...
من نورية العورة قائدة فرقة الزمزامات ..
تغني وتطرب وتشنف الآذان وباش ما انقولش كان وياما كان
منقول لعيون احاى حوائيات وهذه بض الردودعالموضوع
هههههههههههههههههههههههههههههههههههههههه
قوية هههههههههههههههههههههههههههههه
حالة يابودربالة
انه الفراغ يصنع المعجزات
ههههههههههههههههههههه
الفرح منقول .... ولا مشفر ؟؟
ههههههههههههههههههههه
تحيااااااااااااااااتى اخى : البحار
نقل مباش لاحد الاعراس الليبيه بتعليق الشوالي،
اتفضل ياشوالي :-> :
مش ممكن مش ممكن مش ممكن خليني نحكي ..
خليني انعبر .. خليني انريح ونرتاح..
كم جميلة هذه الأعراس شوفوا كيف ملتمة الناس...
واخزر لحمد الراس ...
وهوا كيف ايقول للناس ما اتقولوش خلاص ..
الحفلة في البداية .. ولكل بداية نهاية ..
والنهاية حتما سعيدة .. بتتويج ملكتها ...
وعندما نخزر للحاجة مفيدة ...
نخزرلها كيف فرحانة...
بالرغم من أنها تعبانة ...
لكن ما حبتش أتبين التعب على وجهها لأنه الفرحة اكبر ما تكون ...
في تتويج نور العيون..
من داخل الخيمة نحكي...
من داخل الخيمة أنعبر من داخل الخيمة نريح روحي ...
عرس مش في الصالات هكي الحاجة مفيدة تبي ..
أيكون في جانبها الجارات أصغار أكبار وحتى الفتيات ..
لأنه الصالات تعمل بقوانين والحاجة مفيدة هيا من يسطر العناوين ..
من داخل الخيمة نخزر عرس ليبي ولا أروع عرس ولا في الأحلام وزاده كله نسمع في أحلى الكلمات ...
من نورية العورة قائدة فرقة الزمزامات ..
تغني وتطرب وتشنف الآذان وباش ما انقولش كان وياما كان
منقول لعيون احاى حوائيات وهذه بض الردودعالموضوع
هههههههههههههههههههههههههههههههههههههههه
قوية هههههههههههههههههههههههههههههه
حالة يابودربالة
انه الفراغ يصنع المعجزات
ههههههههههههههههههههه
الفرح منقول .... ولا مشفر ؟؟
ههههههههههههههههههههه
تحيااااااااااااااااتى اخى : البحار
الصفحة الأخيرة
هذي الجلوه
بنااات معليش المنتدى عندي ملخبط إنتم شوفو روابط الصور بتطلع لكم الفراشيه والبدله الصغيره