معاناة ربيعتي

انزين بنات بكمل لكم القصة... وفديتهم الي ينتظرو من بارحة

بتسألوني...هي ليش كانت ماعاطتنه وجه؟؟ او ليش ماقطعت العلاقة بسرعة؟؟
بقول لكم انها كانت تحسب يلعب بها وانه واحد من الطايشين..وخافت لا ينشر السالفة بين الشباب وتنفضح ف اهلها

طيب بتسألوني: هو ليش ما مل وقطع العلاقة لما شاف صدها؟؟
بقول لكم انه استغرب انقطاعها عنه فجأة وحسبها انه اهلها عرفو وانها تورطت معلهم عشان كذيه ماقادرة تكلمه (بتقولو سبع سنين؟؟؟ بقول لكم الوفا والحب..وش نسوي)

طيب وصلنا انها عرفت بطريقة غير مباشرة اول يوم عيد واغمي عليها من الصدمة
واهلها شلوها المستشفى وعطوها مهدئات والدكتورة تسألهم وش فيها؟؟
هي متعرضة لصدمة.. قالو اهلها كانت بخير وتضحك وفرحانة بالعيد..ماصار شي
عشان تزعل او تتضايق
يعني وحليلها ماتهنت العيد وهي كانت مصدومة انها تكون اذت شخص لهادرجة
وانه فيه شخص يعاني هالمعاناة عشانها وانه يحبها بهالطريقة وهي ساهية لاهية ولاتعرف وكانت تحسب لعب عيال على قولتها..وحليلها ماتحملت

الولد بعد ماتهني العيد لأنه وصله كلامها انه قالت عنه لعب عيال...وتحسر انه بعد سبع سنين معاناة تطلع لعب عيال ووايد انجرح وجلس يبكي من الصدمة

المهم البنت حاولت تاخذ رقم تلفونه عشان تتصل به وتعتذر منه..هو قال مايبي تعرف رقم تلفونه وكفاية تجريح لحد هنيه

هي قدرت تاخذ الرقم...واتصلت
هي:السلام عليكم
هو:وعليكم السلام
هي:كيف الحال
هو:الحمد لله
هي:عرفتني؟؟
هو:تقريبا..بس ممكن تعرفي عن نفسك (هو متأكد ف قلبه انه هي..بس عشان مايورطها وتتطلع غيرها)
هي:انا فلانة
ولا وهي قالت انا فلانة...صرخ فيها يالظالمة؟؟انتي قلبك من ويش؟؟من حجر؟
قالت له:قبل ماتنازعني وتعاتبني...اسمع كلامي للنهاية وبعدين انت احكم
المهم هي خبرته عن رايها وانها كانت خايفة يلعب بها عشان كذا قالت لعب عيال
وانه ماحسبته متعلق ويبيها
وقالت له اذا بعدك خاطرك فيني وتحس نفسك تبيني اهلي موجودين

هنيه
وهنيه طلعت المصيبة الاكبر

ياقلبي قلبها ويا قلبي قلبه

سكت عنها وقال لها ماقدرتي ترجعيلي قبل بشهور
قال لها:اهلي خطبو لي بنت عمي من ثلاثة اشهر...والله انهم يحاولو اكثر من خمس سنين يخطبو وانا اقول لا..عشانك.. بس لما شفت انك ماراح تردي لي وفقدت الامل
وبدا الناس يعيبو عليه اني مو متزوج لحد هالوقت...قلت لامي خطبي
قالت له امه من؟ قال لها اي حد؟؟ قالت له انت قاعد كل هالوقت وبعدين تقول اي حد

المهم اهله خطبو له بنت عمه.. رغم الكل عارف انه يحب وحدة ثانية ويبي وحدة ثانية
بس مايعرفو من هي؟؟

ربيعتي انصدمت:وقالت ليش ماعرفت؟؟ كان مابجيك؟؟
اول والله جايه اعتذر منك وقلت اذا بعدك تبيني انا موافقة
وانا مو من النوع الي يحب سوالف التلفونات والمكالمات

قال لها ارجوك دام انك رجعتيلي... لاتروحي..لاتخليني افقدك مرة ثانية بعد ماحصلتك
ارجوك تواصلي معاي
قالت له:مستحيل اتواصل معاك بالتلفون احسني اخون اهلي
قال لها: انا بحاول اتخلص من الخطبة بطريقة غير مباشرة بس انتي كوني معاي

بخبركم عن المصيبة ثانية.. مثل ماقلتلكم هي بنت شيخ..اهلها مايزوجو الا من شيوخ
وقبايل معينه ومن اهلهم
والولد من قبيلة ثانية بس والله اصل ومعروفة
بس اهلها من نظرة طبقية يشوفوهم اقل منهم ومايزوجوهم

يعني تعقدت المسألة اكثر واكثر

ربيعتي انقطعت عنه وماكلمته.. بس بدت تحبه وتتعلق به وتتمنى يكون زوجها
وبعد فترة عرفت ان الولد مريض وسوي عملية
ماتبيها تبكي وتتأزم وصارت حالتها حالة
المهم اطمنت عليه..واتصلت به وبدت تتواصل معاه باتلفون ف الاسبوع مرة مرتين

عجبها وايد وعجبتها شخصيته ولقت فيه المواصفات الي تدورها في الرجال الي تبي تتزوجه وزاد التعلق بين الطرفين
هذا اونها ربيعتي كانت ماتعترف بش اسمه حب ماقبل الزواج.. وبعد الزواج يمكن يجي الحب... اثاري المفاهيم انقلبت عندها وعرف ت وش هو الحب :D

المهم تقريبا بعد شهر من التواصل وحليلها عورها قلبها وقالت له ماقدر اتواصل معاك عشان اهلي احسني اخونهم.. قالت له انا بعدني على وعدي
وبعرف اخبارك ان شاء الله
هي تبكي منه وهو يبكي منه على الفراق...بس عشان خاطرها توقف عن المكالمات

اقول بكمل بعدين احسني تعبت من الكتابة وعشان ماتملو
وللقصة بقية...وحقوق النشر محفوظة :D

اموت
في
قصص الحب
اكملي
كلي شوق للقراءة

الحين هالقصه صج ولا روايه وبس ؟؟؟

نكمل

هي انقطعت عنه بس بعد اسبوعين جاها اتصال وتسمع اغنية حزينة.. وأحد يبكي
عرفت انه هو... وتقطع قلبها عليه.. هي بروحها ماقادرة على الفراق بس دايسة على قلبها..وحاولت تهديه هو بند عنها وراح

المهم حاولو بس ماقدرو على الفراق وراحو تواصل بالنت يمكن المسألة تكون اخف
وترتاح البنت
بس بعد ردو للمكالمات

تقريبا ف الصيف خبرها انه اهله يبو يحركو موضوع زواجه من بنت عمه وهو من اول ماردت له ربيعتي يحاول يوصل لهم اني مابي بنت عمي
وحاول يوصل بطريقة غير مباشرة لبيت عمه انه مايبي
لكن ماحد سمعه وماحد فيسه .... وهو ماقدر يبدي الرفض العلني وجدام الجميع
عشان مايأذي بنت عمه ويتكلمو عليها الناس ويقولو عايب عليها شي وبعدا تتورط البنت وماتتزوج
بس احد توفى من اهله.. وفرح هو وربيعتي كانت مستغربة وتقوله حرام عيك
هو كان يقول لها مصايب قوم عند قوم فوايد (والي متوفيه عمته لابوه وعجوز)
وتأجل موضوع الزواج

خلال هالوقت كانت ربيعتي مخبرتنه عن موقف اهلها وانه اكيد ما راح يوافقو
هذا غير ولد عمها الي محجوزة له (هذي المصيبة الثالثة)
بس هي تشوف ولد عمها مثل اخوها لانهم عايشين ف نفس البيت
(والله فيلم هندي درجة اولى )

يعني مساكين كانو يعانو من صوبين من طرف اهلها ومن طرف اهله

المهم حن بدينا سنة رابعة دراسة وعدى الفصل
وخلال هالوقت هم بين فراق ويعد وبين ردة وتعلق اكثر
يعني يمكن ف الشهر يتفارقو وتقوله خلاص ماراح اكلمك.. بعد بيومين تلقيهم يبكو من الفراق وماقادرين
وهذي حالهم على طول

المهم خلال هالمدة اهله حاولو يضغطو عليه وقبل عيد الاضحى بشوية..وكانت ربيعتي ف اجازة المنتصف جاها الخبر ان اهله خلاص حددو موعد الملكة

(نسيت اخبركم ربيعتي الخبلة كانت قالت له اذا اهلك مارضو وزوجوك بالغصب انا بوقف معاك وراضية اكون الثانية عشانك... لأني بعد ماقدر اضمن لك اهلي يوافقو ولا لا.. تروح ترفض بنت عمك وبعدين تتورط مع اهلك)

وصدج تم تحديد الملكة بعد اسبوع وهو بعيد عنهم بس ابوه اللي يروح يكلمهم ويحدد
وهو ولا على خاطره وخبر عمه الثاني وخواله ان مايبي البنت مايبيها
بس قالو له خذها وبتتعود عليها وعيب عليك ترفض الحين

ربيعتي لما عرفت بكت وبكت وهو يبكي من صوب
بس هي الخبلة قوت عمرها عشانه وقالت له انا ف صفك وين ماتكون

وتم تاجيل الملكة بعد باسبوع... المهم هي خبرته وقالت له انا ماراح اقدر اكلمك بعد ماتتزوج... مب حلوة ف حقي اني اكلم واحد متزوج ومب حلوة ف حقك عشان انك متزوج.. بس بعدني على وعدي وانا ابيك زوج لي
قال لها حرام عليك لاتخليني ف وسط هالمتاهة؟؟؟ ارجوك انتي الوحيدة الي قادرة تاخذي بيدي وتخليني اتمم الامر بسلام.. لا تقتليني ارجوك... وهو يبكي...
قال لها بس الين تعدي المرحلة الاولى ف الزواج بعدها تقدري تروحي

وحليلها ربيعتي داست على قلبها... وف يوم الملكة... الريال المفروض يفرح بملكته
هو كان يبكي واهله يشوفوه وهو يبكي.... هو يبكي من صوب ربيعتي فديتها تبكي من صوب بس ماقادرة تتكلم بالعكس تحاول تخلي عمرها قوية وتقويه
وحنا عندنا الدخلة ممكن تكون ف نفس يوم الملكة
بس هو قال مايبيها الدخلة فهاليوم
وثاني يوم كان العرس... الناس كلهم ف بيت العروس الا هو جالس ف بيتهم
يتكلم مع ربيعتي واكيد كلن يبكي من صوب .... واتصلو به ربعه واهله قالو له تعالو ضروري نبيك ف العرس
واول ماراح كانو يبوه عشان يدخل ف العرس عشان يرزف (يرقص) وقال لهم ماجدر
وماعندي فلوس (عادة عندنا ناه الريال لما يدخل يوزع فلوس لما يرزف) قالو له بروحنا بنعطيك ودخلوه بالغصب... واول مابدا يرزف الا يجيه غثيان ولوعة كبد وطلع من عندهم وهو يتقيا

آه آه ياقلبي والله لما اتذكر سالفتهم احسني اموت :(
بكمل لكم بعدين

فديتك هذي قصة حقيقية وربيعتي هي راعية هالقصة
صدج انها ماتتصدج بس والله كلها حقيقة وانا كنت ومازلت معايشتنها