حبيبتي العمر لك ليش انتي ما تدرين العلاقة اللي قبل الزواج محرمة وايه هذا حب محرم عيل شو يعني علاقة محرمة اي علاقة هذي غير علاقة الحب صراحه استغربت من سؤالج .. وعلى فكره صار لي موقف وسالت شيخ الحب قبل الزواج حلال ام حرام يعني بدون عقد قال حراااااام لأنها تؤدي الى حرام ..... وشلون تقولين ان ما عطيناج حلول معظم البنات قالوا خليها تستخير واللي قال خل تتركه يعني هذي مش حلول ؟؟؟ والا لأنها حلول ما ارضت ربيعتج؟ هي تريدنا نقول لها خليج وياه وتحملي الغيره وضاربي اهلج ولا تحاولين انج تتركينه لأنه هو ظل سبع سنين يحبج وما يقدر على فراقج..... حبيبتي بقولج شي لو كاااان صج يحبها ما قدر اصلا يعاشر زوجته لالالا وياب منها ولد مع انه كان مغصوب انا ما اقول انه ما يحبها لني ما اعلم الغيب بس ..اللي يحب يخلص يعني ما ادري صراحه هو غريب سبع سنين ما قدر يدق باب بيتهم.. من رمستج شكلج من الامارات ..كلنا ننخطب من العادات انه الحريم ايون او يسوون تيلفون ويون يخطبون ويردون عليهم في حالة الرفض او الموافقه عقب الرياييل يكملون السالفة مش انه الخاطب يتصل على البنت ويقول هاه تبيني يعني الرد ياخذونه من الاهل ...والله صراحه جد كاسره خاطري ربيعتج خليها تبتعد وتستخير والله بيسر لها اذا كانت من نصيبه بياخذها واذا لأ صدقيني ربي بيرضيها باللي اختاره لها ... والله يصبرها .وسامحيني اذا ردي ما عجبج او ماعجب ربيعتج.

انا الحساس كلامهما صح 100% فديتها

العمر لك حبيبتي ما اظن ف الدنيا في دلع اكثر مني هههههههههه
وانا برسل لك رد ع الخاص وياريت توصلينه لها..

وترا البنات ماقصروا بس هي ماتبغى حل هي تبغى الناس يناصرونها ويقولون هي صح بس

هي غلط

هلا عزيزتي
اقولج على حل خليها تتصل بالدكتورة فوزية الدريع تطلع على قناة الراى كل سبت الساعة عشرة ونص تقريبا بتوقيت الامارات تراها فنانة وتعالج قضايا الحب والمشاكل الزوجية من ناحية نفسانية وعقلانية


واذا تبين رأي انا

ماراح الوم ربيعتج انها اتصلت وكلمته ولاراح اعاتبه هو لانه ماتقدم لها وتزوج بنت عمه غصب وهو يحبه ثانية لانه اللى صار صار وكل شئ قدر ومكتووب المفروض نؤمن بهذا الشئ لاني ملاحظة معظم الردود لوم وعتاب في شئ صار وانتهى واصبح في خبر كان وكل انسان مو معصوم عن الغلط لكن العيب انه الواحد يستمر في الغلط

نصيحة لصديقتج انها تبعد عنه وتحترم الانسانة اللى هو زوجته على الاقل مشاعرها احاسيسها حتى لو ماتحب زوجها لكن انها تشوف زوجها يكلم الانسانة اللى يحبها او أي بنت كانت بروحه دمار وجرح مشاعر على الاقل هو جان احترم مشاعر زوجته شوي وقدرها الحين هو يرضى مرته ترمس واحد كانت تحبه وانه اهلها اجبروها عليه والله جان شافت منه تكفخ وطلااااااق ودمار نفسي وتشويه سمعة هذي انانية من قبل ربيعتج ومن قبله

وياريت تقولين حق ربيعتج (( كما تدين تدان)) (( دقة بدقة))
مثل ماهي تأذي هذي المسكينة اللى مالها ذنب كلش الله باجر بيعاقبهاا بنفس الموقف وبنفس الاسلوب وهذا استوى عند وايد ناااس اعرفهم سواء بعد سنة سنتين عشر خمسين بيي اليوم اللى كل واحد ياخذ ماقترفت يداه

ولاتنسين دعوة المظلووووم مستجاااااابة اي دعوة من زوجته عليج وعليه عرفي انها مستجابة

واذا هو صدق يحبها ويباها بيت اهلها مفتوووح ليش مايروحلهم ويقولهم ابي بنتكم بالحلال واني مااقدر استغنى عنها بدل ما قاعد يكلمها بالتلفوون ويشكيله حبه وهيامه وهو يعرف انها تحبه وماراح ترفضه وبتقنع اهلها وبتسوي المستحيل عشان يوافقون
انا اعرف اللى يحب يسوي المستحيل واللى محد سواه عشان يوصل لحبيبته مهما كانت الظروف

بس خلها تسأل نفسها قبل ماتقدم بأي خطوة وبعيدا عن المشاعر والعواطف المفروض تحكم عقلها مو قلبها
هل تعتقد انه هذا الزواج بيكون نقطة تحول مشاكل في حياتها من طرف الاهل او من طرفه هو او من زوجته؟؟؟وهل تستطيع تحمل قرارها ؟
هل انه زوج صالح لها وانه يحبها من صدق ؟
هل ترضى تقبل تعيش معه وعنده زوجة ثانية ولا بتغار وبتفتعل المشاكل معه؟
هل وضعه اوضاعه المادية والنفسية مناسبة لأنه يفتح بيتين او انه يعيشها مع زوجته؟
هل هذا الزواج بيسبب اذى ودمار للزوجة الاولى؟
وهل تعتقد انه بيعدل بينهم؟


اذا كان الجواب بالايجاب تتوكل على الله واللى الله كاتبه بيصير

واذا ماصار نصيب لازم تؤمن بالقدر وتقتنع وترضى بالنصيب وتقطع اتصالاتها فورا معاه لانها ماراح تييب الا الدمار والاذى النفسي لها وله ولزوجته


لاحظي انا كل اللى كتبته واللى نصحته بها ناجم عن خبرة وتجارب كثيرة في الحياة شفتها وسمعتها وصارتلي بعض منها بس انا مومتزوجة

خجوله بس ملقوفه .... فديتك ياقلبي والله جبرتي بخاطري انك رديتي للمرة الثانية... ومشكورة على الاهتمام ... ووالله ربيعتي مامقصرة ف الدعاء وتزيد منه ووايد قريبة من رب العالمين ولسانها مايخلى من ذكره (الحمد لله)... وان شاء الله بخبرها بكل الي قلتيه والله يسلمك ويعافيك من الشر عزيزتي.... وان شاء الله بخبرك عن علومها :27:

manal99 مشكورة حبيبتي على التفاعل ورايك ع العين والراس... فديتك :)

انا الحساس حبيبتي مشكورة على الرد مرة ثانية.... بس حبيت اوضحلك نقطة حبيبتي لولا الحب اللي الله خلقه ف قلوب اللبشر كان مامشت الحياة ولاحد تزوج... الحب نعمة من رب العالمين والحمد لله عليها.... ولا تقولي الحب الحرام... قولي القلوب اللي تتخذ من الحب وسيلة لعمل الحرام هو الحرام.... الرسول عليه افضل الصلاة والسلام لما جوه ناس يسألوه شاب يحب فتاه وش يسوي؟؟ وش الحكم؟؟ (ماقال لهم الحب حرام)... عليه افضل الصلاة والسلام قال عليهما بالزواج فذلك اطهر لهما

وبالنسبة لردودكم على العين والراس وهي لوجه الله وبتاخذ بالنصيحة ان شاء الله ربيعتي... وبالنسبة للولد اعتقد انا وضحت الاسباب اللي منعته منها... يمكن ماتكون مقنعة بالنسبة لكم... بس اللي يعايش الواقع غير عن اللي يسمع به
حبيبتي انا مو من الامارات... بس اموت ف الامارات ولي الفخر لو اكون منها... بس انا من ديرة ثانية غالية وعزيزة على قلبي وافديها بروحي... ومثل ماقلت خليجنا واحد
وافا عليك والله مازعلت من ردودك بالعكس يكفي انك كلفتي خاطرك ورديتي :27: