معاناتي مع نومة العصر الله لا يعيدها

السلام عليكم ورحمة الله وبركاته ......

مساكم الله بالخير والنور والسرور ، والله يبعد عنكم الهم والغم وجميع الأمراض قولوا آمين .

ياطول العصر يابنات طولاه وياشين الفراغ والله انه يذبح اللي ماعنده شغل
والله يشيل سبيس تون اللي ماخلت فيني عقل تصدقون اني كرهتاه كأنه محكوم علي مؤبد معها الله يخربها .
ابي أحكي لكم حكايتي ومعاناتي مع الحمى وسبيس صمرقع مو تون :11: امس العصر
هذا ياطويلات العمر امس كان عصري طويييييييييييييييييييييييل مابغايخلص الله لا يوريكم وش
صارلي معها ومع عيالي الله يهديهم 2 ومجننيني رغم انهم هادين وحبوبين بس يرفعون ضغطي
المهم امس العصر كاااااااااان طوييييييييييل وماعنده نيه انه يخلص ومستحيل اني أشوف
شيء في التلفزيون وعيالي صاحين وحاطينه على سبيس تون المهم كنت شوي تعبانه يعني
علي حمى ومالي نفس أسوي شيء بس كان ودي أشوف القنوات اللي واصله 70 الله لا يكثرها
بس من الواضح انه مافيه أمل مع البزوره :29: قلت لهم يالله حبايبي خلوني أشوف وش في
هالدنيا قالوا ثنينهم لا لا بيجي الكرتون الفلاني ثم بعده الفلاني قلت طيب دقيقه لين يخلص
الفاصل الأعلاني قالوا لا نبي نشوف آرتينز لأنه إذا جاء فاصل نحطه على أرتينز !؟ حسبي الله
على بليس تقول سحرتهم هالكراتين والله انهم إذا شافوا الكرتون اللي يبونه مايسمعون
ولا يتكلمون يعني شبه أصنام , عاد انا قلت خلني أرتاح شوي لأني تعيبانه :11: وحالتي
زفت حتى أسمعوا صوتي متغير خخخخخخخخ اتحداكم ماتقدرون :42: المهم
رحت أبي آخذ لي غطه نعيسه وترى مو من عوايدي أنام وهم صاحين مستحيل أسويها
بس وش أسوي الحمى أقوى مني المهم قبل لأ اروح لغرفة النوم نبهت عليهم وقلت خلوكم
على سبيس تونكم لا تروحون للمطبخ ولا تشبكون اسلاك في الكهرب ولا تشغلون وتطفون
في المكيفات زييييييييييييييييين قالوا حاضر ياماما ماحنسوي شيء أنا رحت على أساس
الوعد اللي بينا انا وياهم المهم يوم أحلوت النعسه إلا ذيك الصقعه في الباب ولدي يلعب بالكوره واتحمل
قلت ماعليه بس هالمره خلني أعديها له وأغط للمره الثانيه إلا الأغاني ولأناشيد الصاخبه في
غرفة الجلوس عاد غرفة الجلوس يم غرفة النوم وأقوم مفزوعه أطالع في أبو الشباب إلا هو
رايح في نومته ولا على باله
واقوم لهم .. انا وش قلت لكم هاااااااااااااااااااااه:06: قالوا خلاص ياماما والله آخر مره قلت
طيب يالله بسامحكم آخر مره قالوا طيب وأروح وانا كلي أمل في النومه انها تتعدل وتكتمل
المهم وأغط للمره الثالثه والله من زود الحراره ولا مستحيل أرجع للنوم انا إذا عصبت يتعسر نومي
المهم وأغط في النوم يكمن ربع ساعه :time: إلا جوال ابو الشباب يرن عاد هو الفيصليه
ورنته تفزع يعني تخليك توقفين طولك على السرير ويقوم ابو الشباب ويسكته عاد هو متعود
إذا نام يحطه على الصامت إلا امس حبكت ينساه على حظي العاثر :23: قلت يالله نعديها
وأحاول للمره الرابعه تجيني النعسه ذيك الحلوه إلا بنيتي جايه تهمس في أذني وانا في أحلا
نومتي تقول لي ماما صح انتي قلتي لا ترفعون صوت التلفزيون آآآآآآآآآآآآآه :06: وش ذا النحاسه مع هالنومه اللي مو راضيه تتكمل ، قلت لها أيييييييييه بس خلوني في حالي لا أشوف
واحد فيكم المهم راحت الضعيفه وقالت انا آسفه ياماما .
رجعت أحاول قلت يمكن تكون آخر المطبات في هالنومه وأرجع ولماًُ أحلوت النومه إلا أبوالشباب يصحيني شموووختي قومي بسك نوم خخخخخخ هو ماقال شموختي قالها بأسمي
الحقيقي . بس من زود عصبيتي قلت حرااااااااااام والله توني نمت قال الله من ساعتين وانتي
يمي على السرير قلت له لو تدري وش صار لي في هالساعتين كان كرهت انك تنام والبزران
صاحين طول عمرك بس أحمد ربك اني جالستلهم في العصاري مريحتك لا صجه ولا تفزز من
النوم كل دقيقه والثانيه . المهم قااااااام يضحك على معاناتي قال خلاص بعدين اوريك فيهم
المهم قمت وانا طفشااااااااااااااانه وحالتي زفت من جهه الحمى وبهدلتها ومن جهه سبيس تون
ومن جهه تعسر هالنومه اللي تفجر راسي منها لو دريت ان بيصير فيني كذا ما نمتها .
وخلاص انتهت معانات أمس والحين أحاول أسوي جدول لعيالي مع هاسبيس صمرقع
الله يعيني عليهم
وياشين الفراغ والوقت الضايع بس لو نلقى شيء غير هالدش كان حنا مرتاحين لأن الأنترنت
في العصر زفت والمسايير مو دايم و دورالتحفيظ مقفله والإجازه باقي عليها .
ما أقول إلا الله المستعان .
حبيت أسلم عليكم وأرفه عن نفسي بسرد معاناتي مع العصاري الطويله ( العصر) خخخخخخخخخ
ومتأكده انكم مثلي يعني ما أظن ان هالمعانات لي لحالي :44: