هجور وش فوايد السحلب

السلام عليكم ،، مرحبا جميعاً ..

كيف حالكم ؟! ونظامكم ؟!

الحمدلله أمس الأثنين تم تطبيق النظام

واليوم بإذن الله بحاول آخذ كل الخلطات اللي كتبتها لكم

والله يعين

مرمر >> الله يوفقك وييسر لك أمورك لا تنسين التحدي ..

دلوعة زوجها >> حبيبتي والله فاقدتك واااايد الله يبلغك
مرادك يارب ..

هجورة >> شخبارج حبيبتي وبإذن الله بتفرحين بوزني هالأسبوع يارب :)

بالقرآن نسمو >> هلا حبيبتي بشري شلون نظامج ان شا الله تمام ..

نجمة جوا >>شخبارج يالغالية ،، وبالنسبة للفيتامينات لاتكثرين منها يعني يوم اكلي ويومين لا تاكلين وجذيه ..

شذى شمر >> حبيبتي آنا آخذ ملعقة ونص قبل النوم ووأخطلهم بمربى عشان اتقبل الطعم واقدر ابلعه والحمدلله شفت زيادة بفضل ربي ..

عذبة >> استمري ترا نظامج روعة يالغلا واحلى شي انج تقومين الصبح تاكلين ترى هذا اهم شي .. موفقة يارب

بالقرءان نسمو
اشلونك حبيبتي وحشتينا وينك
شوفي هذي فوايد السحلب غير التسمين

يعتبر السحلب ذو قيمة غذائية كبيرة في أوروبا فهو مقو ومضاد للإسهال المزمن والمصابين بالدسنتاريا وفي بريطانيا يستخدم السحلب لمرض السل وللناقهين. كما يوصف لحالات التسمم. كما يستعمل لإيقاف نزف الرحم حيث يستخدم لهذا الغرض بأخذ ملعقة صغيرة من مسحوق الدرنات ويوضع فوق النار مع مقدار كوب ماء ويقلب جيدا أولا بأول ويضاف إليه السكر ثم يبرد ويشرب بهدوء فيوقف النزيف .

يستعمل السحلب في العالم العربي على نطاق واسع وبالأخص في مصر وتركيا وبعض مناطق المملكة وخاصة مكة وجدة فهو ذو قيمة غذائية عالية ويستعمل منه مشروب سميك يعرف بالسحلب ويعتقد كثير من الناس انه منشط جنسي اعتمادا على شكله ويستخدم عادة بعد تحليته بالسكر كغذاء ملطف قابض لإسهال الأطفال وضعاف المعدة وللمصابين بحالات الدسنتاريا. وفي بريطانيا يستخدم السحلب لمرض السل والناقهين. كما يوصف أيضا لحالات التسمم حيث انه ملطف منشط للدورة الدموية ويستخدم السحلب على هيئة حقنة شرجية لحالات المغص المعوي ,والنزلات المعويه

خاله ميار
حبيبتي من قبل ماتقولي علي الشعار انا مسويه تواقيع كثيره من ضمنهم العضو الكسول بس حبيت افرجيكم هادول واشوف رد فعلكم بس لو مضايقين من كلمه فاشل هذي انزل التصميم حق العضو الكسول بس بضيف عليه عصلا الاسبوع

الي زعلانه منهم
اما اشوف وزنكم اخر الاسبوع وقتها برضا عنكم

شذااااااااااوي

ياقلبي انتي ..

وانا بعد قلت راح اجربها قلت لسائق يشتري لي عدس وعساااه يكون اهو اللي ابيه

ياقلبي نظااامي حلووو .. والحمدلله قد مااقدر مااحاول اثقل ع معدتي


يم يميييي مشااااوي

مرمر

ياحبيبتي ربي يوفقك وتكوون الامتحانات سهله
وربي يسعدك وإن شاءالله وزنك ماراح ينقص
وانتي بتذاكري خلي عندك صحن فيه سندويتشات
وعصير وشوكلاتااااات


حايره بدنيتي

ياروحي انا سألأت صاحبة الخلطة عن ان يصير الحامل تأكلها او لا

ولسه ماردت علي


هجوورة

ياحيااااتي الحمدلله وراح استمر ع هالنظاااااااااام ..إن شاءالله فديتك

بنت الشمووخ

ياحياااتي إن شاءالله راح استمر عليه .. عااد قومة الصبح غصب عني كله لاجل السمنة كل شي يهووون

اصحى عين مفتووحه وعين مسكره ههههههههه

جبتلكم وصفات من المنتديات

أكله لتسمين الجسم (للعصاقيل بس)


اهلآآآآآآ وسهلآآآآآآ فديتكمـ يالمعصلقاآت ..
هاذي الوصفه مررررررررره سهلهـ !!!!!


انا مجربتها لأختي حلآ لأنها كآنت معصقله بعد بس الحين لو تشوفون جسمهآ وربي مره وااآو


الزبده هاذي الوصفه ::

تجيبين بطاطسه << بطاطسه

وتغلينه بالمويا بالفرن واذا انغلى وخلص اخلطيه بخلاط ليييين مايصير زي الكريمهـ ..

وحطي عليه مايونيز وجبن سايل وأكليييه كل يوم مرتين لمدهـ شهر

يللا جربوها وادعولي !!

ادري مافهمتو شي بس يللا يمشي الحآل


---------






الوصفة الثانية


السلام عليكم..........................شخباركم بنات


المهم......


من خلال جولتي في المنتدى شفت ان في بنات يبغون يمتنون مثلي يعني

وانا يبت الكم اليوم طريقه طبيعيه تزيد الوزن يعني خل عنكم الحبوب والخرابيط


الله هاتوا ورقه وقلم وسجلوا......

اولا روحوا عندي محلات المكسرات وخذوا لكم الاتي::

كيلوا فستق بس لاتاخذون الفستق المالح

كيلوا لوز

كيلو كازوا

ومروا على العطار او اي محل وخذا من عنده سكر نبات تقريبا نص كيلوا

وبعدا هاتوا حلبه معاكم

الحين الطريقه::

هاتي مقدار من الحلبه يعني تقريبا مقدار كف ايدج وحمصيها على شان تخف مرورتها

هااااااااااا خلصتوا

بعدين هاتوا اللي اشتريتوه واطحنوه الين ما يصير بوده وحطيها في علبه

وابدي البرنامج.....وهذي ترى طريقتي الخاصه....الصبح كوب حليه طازج كامل الدسم وحطي فيه ملعقه من الخلطه والعصر بعد اشربي كوب حليب من الخلطه وهااااااااااا لا تنسون في الليل بعد واحد وهذا مع باقي الاكل


وممكن تسخدمينها بدون حليب يعني ممكن تحطينها في اي شي تاكلينه



************************************************** *************************


وعندي لكم طريقه ثانيه

اللي هي الحليب مع الموز

هاتي كوبين حليب طازج كامل الدسم وحطيهم في الخلاص مع موزتين....وبالهنا ان شاء الله

ممكن تاخذين كوبين في اليوم

************************************************** *********************


ولا تنسون الحلبه ترى مافي شي احسن من الحلبه


************************************************** ***********



ولا تنسون تدعولي

--------





هاه بنات ان شاءالله عجبوكم
انا عني الطريقة الاولى احيانن اسويها قبل