السلام عليكم ورحمة الله وبركاته

هلا والله بالجميع كيفكم وايش اخبار العصبيه معاكم
انا المؤشر عندي شويه طالع شويه نازل بس ممكن احسن بدات امسك نفسي وقت ما يزعلوني وبدل ما امد يدي عليهم ابدا استغفر او اقول لا اله الا انت سبحانك اني كنت من الظالمين

الله يصلحم والله يشيبون الراااااس الايوم اكلم امي واتسئل عنهم اقلها طلعولي قرونيييييييييييي


**************
غدو
ههههههههههه ضحكتيني بالصور الي تحطيها وخاصه حق البنات وهم يرقصون

*********
ام القمرين
تبغي تعرفي انا من فين قبل الزواج ولا بعده

انا في الحاره الي جمبك عند راعي الفرموزه
امس لسه وانا اسئل زوجي عنكم بعد تقصي بعض المعلومات بس للاسف قال ما يعرف

طيب انا اسئلك سوعااااال
انت مبتعثين من جامعة مكه ولا مكان تاني؟؟؟

والله يا ام القمرين اني حبتك واتمنى اتعرف عليك عن قرب:26:

الله ييسر امرك وينور دربك
ولا تنسينا وانت في الحرم من الدعاء والله محتاجة مرررره

غدو ..الا والله ياعمري نضرب ونعصب ونصرخ بس احاول امسك نفسي خاصة انه زوجي ماشاء الله ..نااااااار .

واليي عندي مو احسن حالا من اليي عندك.معين تقريبا قد غادة اذا كب شي مايشيله الا بحبسة واحان مايشيله من الاصل..بس ياكل الحبسة وينام .

الله يصلحهم بس ويهديهم..شوفي اليوم معاقبين مافي تلفزيون ..عشان امس قعدو يلعبو قبل النوم..واتأخرو مرة..

تصدقي لما احرمهم من التلفزيون اعاقب نفسي ..شوفي معين لاصق في ادني يبكي يبغى لبانة ..وميس تدور على الازعاج فين مايكون ..معاذ راح مع ابوه يصلي والا كان دور عن شكل هو كمان.

ام القمرين ..والله الطيب عند ذكره ..امس قاعدة افكر فيك وقلت شكله ماتوصلك ايميلات انه في ردود..

وحشتك اللهجة المكاوية ؟؟ ان شاء الله ربي يكتب لنا نتقابل ..وتشوفي الطقم حقي ..(البزورة) اح ياكتفي انحرق من كتر مايطبطب عليه معين..

ولو زعقت فتح الموجة التانية ..بكاء بزن مزعج ..

كله من ابوهم اليي عاقبهم ..والا كان فاتحة له تلي تبيز والا قرد من قرودهم ..

هلاااااااا وغلااااااااا بأذكري الله حياك الله يا الطيبة سبحان الله انا اقول فية مغناطيس
يجذبنا نحنا يا اهل مكة ههههههههههههههههه لا بالله لو سمحتي قبل النوم وبعدة
هههههههه الله مذكرة راعي الفرموزة مين قصدك عم عبد الغفور ولا عم عبد الحميد
ههههههههههههههههههههههههههههههههاي الله يقلع ابليسك 00 بالله هذا سؤال
افااا عليك يا اذكري الله وهل يخفى القمر خخخخخخخخخخخ طبعاً يا عسل من جامعة ام القرى
وانتـــــــــــــــــــــم برضو من ام القرى ولا من اي جامعة لا تقوليلي مو منها عشان عندي امل
واخواتهاههههههههههه اني اشوفك والتعرف على الوجية الطيبة الله لو يسير ان شاء الله ما
في على الله مستحيل 00 واحبك الذي احببتني فية وما حبيتي الا الي حبك يا عسل 00 اللهم امين
كثري من دعواتك يا عمري لاني محتاجتها بالمرة ولا يهمك من دحين ادعي لك ولمن اخذ عمرة بمشيئة الله
وحدة وحدة ادعي لها وان شاء الله ان ربي يستجيب سلمت ودمت ما ندمت يا عسل

هلاااا وغلااا بحمرة الورد شكلنا ردينا سوى ايوة يا حبيبتي تصدقي افتح الاميل حقي الاقية بعض الاحيان صفر
ولمن ادخل على المنتدى الاقي شوية وشويات ما ادري لية 00 والله يطيب ايامك يا عسل
ايو الله وحشتني بالمرة وحشني كل شي في السعودية الله يقلع ابليسك غرغرت عيني معد شايفة شي
ههههههههههههههه شوفي جنى تقولي مامتي ايو اوكيه هههههه اعوذو بالله مهي راضية توقف
وحشوني اهلي وحبايبي هناك الله المستعان 00 ان شاء الله يا عمري مهو على الله مستحيل
يا رب يكتبها واشوفكم على خير تصدقي بالله كل مالي اتعلق فيكم واتمنى من الله اني اشوفكم
واشوف حبايبي ما شاء الله كثرو بزورة المنتدى ههههههههه بالله لا تزودوها عليهم لمن يجي ابو معاذ
كلمية ووقفو العقاب اذا كان عليه فترة طيب تراهم حبايبي يطفشو ويزهقو من عندهم؟؟ الا انت عشان كذا يزنو عليك الله يخليهم لك ويقر عينك فيهم 00

الله يسلم قلبك يا ام جنى..ياعمري ياام جنى..اقولك ابغى ارسلك على الخاص ..(ماراح يجيك ايميل)

ان شاء الله ياشيخة توصلي بالسلامة وماتقطعينا يارب..

ان شاء الله نتقابل ترى قابلت وحدة من بنات المنتدى وعرفتها من عالم حواء مع انها تشارك في منتديات تانية انا اشارك فيها..

اظن اسمها المغتربة هنا ..وجديدة ..اخيرا شفت احد ..كلمت كم وحدة بالتلفون لكن سبحان الله ربي كتب اقابل احد في امريكا..

على سيرة اهل مكة ..عندك ذكرى مشرفة الترفية ساكنة في مكة..وكمان ام التوأم اذا تعرفيها لها مشاركات في قسم الطفل..من اهل مكة..

الصغار الله يحفظهم ماشي حالهم اخدو مكعبات وقلبو بيها الصالة ..وجا عامل الصيانة ..والرز البخاري فوق النار ..استكي مو بدأت في الطبيخ وبعدين اكتشفت انه ماعندي صلصة ..رحت عصرت كل الطماطم اليي قدام وجهي وبرضو طلع الرز فاتح ..ولا في جزر ولا شي ..لما الواحد يطبخ بدون نفس قمة التخبيص ..

شكلي بعد الغدا اخليهم يلعبو برة شوية يغيرو جو قيدها جيتهم المدارس تسد انفسهم ..مساكين.

اذكري الله ..ياعمري انت ..طلعنا شلة والله ..شوفي احنا من مكة بس بعثتنا من جدة ..واذا رجعنا نسكن في جدة ..باذن واحد احد.

وربي يحفظنا لبعض يارب..