حمرة الورد..

اعذريني يالغاليه...بنتي مواليد 27رمضان...كبر ولدك..؟؟

***********

بنت نت..

الله يجزاك خير على الدعوة..



ماشاءالله تبارك الله الله يتمم عليك ويقومك بالسلامة..

ياعمري يارينا توها صغيييرة:04: ماتهنننننننت..الله يصلحها..

***********

اذكري الله..

الله يجزاك خيريالطيبه.

زيين الحمدلله هذا تقدددددم ان شاء الله هذي بداية الهدوووووء..

أختي حمرة الورد جزاك الله خير يالغالية والله يبارك فيك ...

أنا اريحة السعودية إن شاء الله في الكرسمس إن شاء الله بعد الولادة ..وإنت متى رايحة ؟

جزاك الله خير على الدعوات والله يسمع منك يااااااااااااارب :26: :26:

وجزاك الله خير بنت نت والله يتمم علي وعليك يااااااااارب:26:

ايش بكم محد رد علي على المدارس ؟؟ شكله طول الرد سد انفسكم.

غدو ..معين مواليد 1 ذو القعدة يعني اصغر من بنتك بشهر وكم يوم.:)

امل ..ان شاء الله نروح قبلكم بتكة..في الثانكس كفينغ ..(تحفة بالعربي:)) الله يكتب لك ساعة السلامة شكلك قربتِ .

التقرير اليومي:
طبعا امس ..اليوم لسة فجر..

مع انه اول يوم في المدارس لكن ميس قعدت في البيت ..وصحيت من الصبح ارتب وهي تقربع ومعين وراها على الخط واكلو وفتفتو ..وخبصو البيت مرة ..

الين الساعة 6 لما جا ابوهم قال ايش سوا الصالة كدا .؟

وبعدين معاذ لعب بالنار :( وابوه ضربه ..وجاته ازمة ربو :( ..طبعا انا نفسيتي زي كدا :(

وقلت لميس تنزل ترتب الصالة ماسمعت الا بعد ماقرصتها..وياريت خلصنا الا رحنا المركز الاسلامي في عشا ..الحمد لله شوفة الناس الطيبين تخفف عن الواحد الضغط.

لما رجعنا قلت لهم في السيارة من يوم مانوصل غيرو استعدو للنوم ..لكن لاحياة لمن تنادي..

قمت سمعت كلام عائشة واعطيتهم نسخ ..

معاذ نسخ بس ماخلص الا بعد ماطلع روحي واتأخر على موعد النوم ..

وميس مدري كيف تفكر ..قالت تعبانة قلت لها اذا ماخلصتيه اليوم بكرة تسويه الضعف ..قالت طيب وراحت تنام وهيا فرحانة كمان تقول هييييييييه ..حسيتها غبية مرة..:17:

معاذ يقولها ..ميس لاتروحي ..وهي مهي هنا.

ومعين محبوس ..لانه سوا حركة ماتجي في بال انسان عاقل..راح الحمام (الله يعزكم) وركب عليه من غير مايفصخ بنطلونه ..وبال فيه ..كمان قاعد يضحك.

قمت عاقبته انه مايلبس سروال قصير(لاتضحكو ترى والله هو يعز السروال القصير مرة ) وحبسة قد ايش طولها ..بس ماقلت لابوه ..اخاف ينتحر ..

حمرة الورد..

ههههههههههه الله يخلي لك عيالك..توووووووحفه يهبلون ماشاءالله الله يصلحهم..خاصة ميس شكلها..;) ولاهامها

شئ...الله يصلحهم..

اجل معين"اسمه غريب"اصغر من غادة..بس احسك لما تتكلمي عنه انه كبيير..وطيب عادي انه بال -اكرمك الله- في

بنطلونه...

انا اللي عندي تحسر نفسها مرررة ،،آخر شئ تسويها في الفرشه يععععععع

:08:

الله يهديهم..

انا امس رحت بغادة للسنتر ومشينا كويس ودخلتها محل الالعاب تلعب،،بس لما رجعنا ضربتها ضربتين عندالباب

عورتني يدي:( الله يهديني...لازم الله يصلحها تسوي حركة مالها داعي وتطيح العربيه والاكياس عاد انا اعوذبالله

من الشيطان،، وبعدها الحمدلله..

واليوم الحمدلله الساعه اللحين 12 الظهر لسى باادين يومنا بكرتون والله يهدي اعصابنا..


على فكرة ياام معاذ..

سوالفك تهبببل...متى مسافرين بالضبط..؟؟

الله يساعدكم:26:

يا عمري ياغادة ..ترى لاتضربيها ازعل منك ..(سويت زي ابويا الله يجزيه خير) ..

احزن على البنات لما ينضربو .مع انه عندي ميس الله يصلحها مرة مزعجة صوتها زي صفارة الحريق وكل شوية تصرخ ..

المشكلة حقت معين مو انه بال في البنطلون ..المشكلة انه طلع على الحمام (التوليت) وهو لابس ولا فصخ ولا قطعة ..وماكانت واصلة معاه ..كان قاعد يلعب ..وانا وقتها قاعدة اخاصم ميس وقلت له روح الحمام وانا اغسل لك لما تخلص..

ومبسوط يضحك قال ..حسبي الله على ابليس..اتذكرت صاحب زوجي يقول: تجيهم افكار يغفل عنها ابليس .:17:

الله يسعدك يا ام غادة ..

ان شاء الله ناويين نروح قبل العيد بس ماحجزنا ..عندنا لخبطة مالها نهاية ..من تسجيل دحين للسفر

بعدين ..الله يعين بس ..اليوم جا عامل الصيانة والحمد لله الحمد لله ..زوجي كان في البيت ..وصلح التلاجة

وقربع المطبخ وانا لي كم يوم انضف فيه ..تنظيف عميق طبعا بس اصلا اليوم دور التلاجة ..والله هو مو

بالدور بس كل شوية اقول بكرة التلاجة تعرفي التلاجة من اقرف مافي المطبخ ..

فتكو بعافية..(مروقة اليوم :27: )