اخت المعتصمة لا تزعلي مني


حاولت ولكن .......................................كان الفشل ذرييييييييييييييييييييييييييييييييييييع


ااااااااااااااااااااااااه بدي مشوار طوويل لاصير هادية وما اعصب .....ادعولي

معتصمة ..والله انك مبدعة ..

طبعا الموضوع في غاية الاهمية ..وبداية وقبل اي شي لازم الواحد يفكر انه هده

الدنيا زائلة ..وفي اخرة وفي الاخرة ماراح ناخد اجر على العصبية والصراخ ..بل

ممكن تكون آثام ..

تاني شي نجي للاطفال ..بعد مانموت مايبقى غيرهم ..هم الامل (اللهم ارحمهما كما

ربياني صغيرا) عشان نوصل اطفالنا لهده المرحلة ايش لازم نسوي..

نحط هده الاية دليل وعنوان ونكتبها بالخط العريض في الذاكرة ..وما نفكر غير

فيها ..عندها يكون الهدوء سيطر علينا وعلى تفكيرنا..وممكن نبدأ نتعامل مع اطفالنا من هدا المبدأ..

اعرف انه كل وحدة تنتظر انه ولدها او بنتها يوصل 3 سنوات عشان يساعدها ويشيل

العابه لوحده ويتكلم معاها ويدرس ويلون ويكتب..لكن الاحلام البريئة هده تتكسر على

صخرة الواقع وانه هدا الطفل مازال طفل يعتمد كليا على الام ..اللي مهي ناقصة.

قبل 4 سنوات او اكثر بدأت التربية النفسية ..لما عرفت اني حامل في معين ..وما ادراك ما معين..

كنت مرة متأثرة لان ميس كانت دوبها سنة ..واقول انا ناقصة انا اخلاقي اصلا رايحة

فيها وهدا تالت وراح يزيد الضغط.....الخ

عندها قلت انا اليي راح اربي هدا الطفل على الهدوء من هو في بطني..والصراحة

فشلت في تربيته .............لكن نجحت في تربية نفسي..:21:..وقدرت اصبر على

طفل غاية في الغرابة..(احيانا افقد صبري لكني بشكل عام صبورة والحمد لله)..

وكنت دايما لما يخربو والا يوسخو اصلح لوحدي لاني اتذكر امي مسكينة .محد كان

يساعدها مننا ..ما ابغى اطلع اطفالي خايبين لكن لازم اصبر عليهم واكل من نفس اليي اكلته امي ..مو كل شي صار دين..

الحمد لله الوضع قاعد يتحسن لكن ببطئ رهيب ..ودحين عندي معاذ 7 سنين ..وميس 5سنين ومعين 3 وشوية..

مساعدتهم نادرة جدا لكن عايشين والحمد لله وكل يوم في تحسن .وانا دايما احاول

احسن من وضعي والعب معاهم واشاركهم واتكلم معاهم ..

الجمعة الماضية عاقبتهم لانهم لخبطو سرير ..ونزلو المرتبة على الارض ..(لو قلت

لهم نزلوها كان قالو تعبانين)..

كل جمعة ينامو معانا في الغرفة ..هده الجمعة قلت لهم تروحو غرفتكم ومحد نايم

هنا..بكو بحرقة لكني ماتنازلت لاني اعطيتهم اكتر من فرصة يصلحو السرير ..وبعدين

اخر شي يخربو زيادة..

وجا معاذ في غرفة المكتب وقال لو كنا احنا الكبار وانت الصغيرة كان سامحناك ..
:29:
قلت له صحيح لما كنت صغيرة كنت اقول زيك لكن لما كبرت اتعلمت انه الصغار مايسمعو ولا يرضو يلحو اخطاءهم احيانا.

الصراحة تأثرو مرة ومعاذ يقول لاتذكروني بيوم الجمعة ..لكن حطيت حد واضح

لمعاملاتي معاهم (لاني دايما اسامحهم واتنازل عن حقي) ..ورحت رتبت سرير

لوحدي ..حتى ان معين كل يوم يجي اخر الليل ينام معانا ..رحت قفلت الباب.

لكن لو ضربت والا عصبت ماكنت راح استفيد قد ما استفدت الان .ولا كان راح ينفع

معاهم الضرب ولا يتعلمو انهم مايكرروها تاني .ان شاء الله هده الجمعة ماتتكرر.

انا مشكلتي التساهل معاهم وزوجي دايما يقول اني مدلعتهم وما اعلهم

احترامي ..لكني فعلا اكره الضرب وما احب احد يضربني ولا ابغى اضرب احد

يا بنات سامحوني من بدري راح اضايقكم كتير في الموضوع دا ..

خوخة ..انا تقريبا زيك ..وزوجي يسوي حرايق كتير ..لكني والله ما الومه ..انا لو خرجت ساعة ارجع مكسرة ما ابغى اشوف حتى وجهي في المراية ..

ولما يزعلني اتخيل حياتي بدونه ..والله يفداه كل شي ..وارضى خلاص ...ماني قادرة اكتب عيوني دمعت..

ياريت كل شي في الدنيا كدا بعدين نرضى بكل شي..


ام القمرين والله انك صادقة ..يوم السبت ولعت من الاطفال رحت البارك ومحد جا غيري وجا ولد يقول علي

شبح وانا خلقي في طرف خشمي.اكره الانتظار والناس طناش ومواعيدهم زفت..

بعدين رحت اصلي العصر شافني ولد وسأل ولدي قاله : ايش هدا ؟ هده امك؟

قلت ايوة بعصبية ..قال : واو تخوف..قلت له : من جد ما كنت ادري.

ولما رحت اصلي جاب معاه كل اصحابه وقعد يفرجهم على الشي الغريب اليي هو انا..:(

شوية تطلع لي قرون ..وبصراحة انا خروجي قليييييييييييييل ..عشان صرت ما اتحمل قرف الامريكان ..مع انه بعضهم مرة لطيفين بس الذاكرة تلقط المواقف اليي زي كدا..

هدا النشيد بكاني..http://www.anashed.net/audio/al_ashbal/ya_walady.rmوهدا للبناتhttp://www.anashed.net/audio/al_ashbal/bonayaty.rm

السلام عليكم

يعطيكي العافية أختنا المعتصمة على الموضوع الهادف...ومنكم نستفيد..وتجاربكم دروس لكل وحدة في الحلم وضبط الأعصاب..

العصبية موجودة في كل شخص..وان اختلفت طريقة التعبير عنها..حتى وان كتمت في نفسي والتزمت الصمت أياما أعتبر نفسي شخص سلبي لا يملك القدرة على الكلام وتوضيح وجهة نظره وتزداد المواقف وتزداد الأمور تعقيدا

والمشكلة الأكبر عندما تدركين ان الأيام تمر بسرعة وقدرتك على اصلاح مايمكن اصلاحه توهن وتضعف

اذن المهم موقفنا لحظة حدوث الشيء...ولطالما تمنيت ان تتلاشى عقدة الصمت لدي..أحس اني أحترق داخليا وأريد قول الكثير وأحيانا أضع حوار داخل نفسي وأتخيل نفسي أقول وأقول وأعبر عن غضبي وأتخيل ان زوجي فهم كل هذا الكلام وعليه مراضاتي

ومما يعقد الأمر انني أكتم في نفسي وأتوقع أن يفهم هو من نفسه ما أغضبني وأنتظر الصلح بلا جدوى..

وكما أشارت حمرة الورد لا ينسيني انتظاري لكلمة آسف سوى تخيلي لحياتي من دونه..أنسى كل شيء تماما وأبدأ يوما جديدا دون رواسب أمسية

بودي أن يحركني عقلي وتحركني كلمات هادئة ونافذة فالوقت نفسه بعيدا عن مشاعر الفراق والحزن..يعني بودي أن أجد حبل النقاش دون أن يختلط الأمر علي بكرامتي وحقي فالوحدة والتزام الصمت كعقاب له

لا أدري أحيانا أرتعد من كل هذه العصبية ولكنه حنون جدا ويخاف علي كثيرا..وكثيرا ما أتساءل كيف تكون كل هذه العصبية من أمور تافهة كهذه؟؟

أنا أريد فعلا أن أترجم عصبيتي بطريقة راقية وعقلانية وفي نفس الوقت أمتص غضب الذي أمامي حتى نرقى بمستوى الحوار ونرقى بمشاعرنا بعيدا عن التشنج والبكاء

شكرا لكن :26: