السلام عليكم
هالفتره اسوء فتره في حيااااتي اسمحوا لي افضفض لكم ..انا عندي بنتي الكبيره تقريبا قربت تكمل 9 سنوات والصغيره قربت تكمل 5 سنوات وانا حامل وساكنه حاليا في شقه مررره صغيره ..زوجي يمر بضغوطات في العمل مأثره على نفسيته وانا امر بضوغطات في الشقه الي ساكنتها اولا بنتي الصغيره طول يومها لعب وتتحجج علي بأي شي اسويه لها ..الكبيره تقلد الصغيره في كل شي الصغيره تصارخ وتناقز الكبيره تسوي نفس الحركات يعني زيادة ازعااااج وشكلها الكبيره بالمره مش حلو يعني المفروض تكون اعقل مو بهذي الصوره وغير كذا تعااند اختها وتطقها وتهاوشها وتسوي تصرفات عارفه انها تقهرني ..وطوول يومي قهر وعصبيه منهم ومن تصرفاتهم الكبيره تتلقف كثير وتعبني بالمووت تروح تغسل اذا جلست من النوم بصعوووبه تقوم تصلي كل شي لاازم اظل بالساعات اتكلم وفوق هذا تراددني ..شقتي الصغيره ومكاني خانقني اكثر مادري هم السبب ..طوول يومي ازعاج ..اعناد ..صريخ ..لعب وشقاوه ..أتكلم معاهم بالهدوء والله ولا كأني اتكلم ..حتى اذا طلعت المستشفى والا اي مكان يفشلوني يراكضون والكبيره تقلد على الصغيره عااد وشكل الكبيره مررره فشله وفي الشقه ماتروح الحمام الا وانا واقفه عند الباب لانها تخاف واذا بدخل الغرفه بنام تعاند اكثر وكل شوي تقولي بروح الحمام وتبيني انتظرها اجل للان شنو الفرق لما كانت صغيره عن الحين وهي عمرها 9سنوات؟!للان مارتحت الا بالعكس زاايده شقاوتهم ..عندي شغاله حتى الشغاله خانقتني رغم اني بحاجه لها كوني ممنوعه من الحركه ..مافيه خصوصيات ابد دايم في وجهي ..والبنات يبونها تجلس معاهم وتلعب معاهم !وانا انقهر واعصب عليهم ..لما اروح الغرفه بس عشان اصلي نفسي اصلي بخشوووع نفسي ادعي ربي واحس نفسي لحالي واشكي همي له ..اشتقت لنفسي واشتقت للاحساس بالخشووع والله مالي فرصه الا اسمع طق الباب يا الكبيره تبي شي يا الصغيره ..يا انهم متهاوشين وصوتهم لاخر شي وااصل ..ماعرف حتى اصلي مثل قبل ..نفسي اقرأ قرآن لحالي بخشوووع اقول لهم بدخل الغرفه شوي لا اسمع صوت عندكم كلل شي العاب ..قيم بوي ..بلاي ستيشن ..سيديات ..كل شي بس خلوني للحظات لحالي ..اروح اقرأ قرآن الا صوتهم لوييين وااصل هواش الا تبكي يمه شوفيها شنو سوت والا تقول يمه شوفي هذا يمه جيبي هذا ..يمه فتحي الباب شوي ..وكل شوي واقطع القراءه..وين انا ؟ماقدر حتى اقرأ القرآن لحالي ؟!ماقدر حتى احس بلحظات روحانيه مثل قبل :( حرام عليكم كل شي عندكم ..لحظات ابي اشوف جسمي ابي احط كريم الا يطقون الباب يمه ..والا زوجي بعد ..اقول لييه كذا انت تقفل عليك الباب سبحان الله خصوصيه شي تبي تشوفه في نفسك ماطقيت الباب انا حراام علي حتى اشوف نفسي ..:(حرام حتى احط لي كريم! افتح الباب وانا معصبه وحتى ملابسي لاصقه على جسمي من اثر الكريم ..اطلع معصبه ليه كذا ماتعطوني لحظات بسيطه لنفسي ؟يومي كله لكم ..منظمه نومي عشانكم ..انام بدري واصحى بدري اسوي لكم الفطور الي تبونه ..اسوي لكم الغذا الي تبونه واكثر افاجأكم بالي تحبونه ..العشا والحين في شهر الخير رغم تعب الحمل مو مقصره معاكم ..حرام تتركوني للحظات؟لا قرآن اعرف اقرأ ..لا صلاه اعرف اصلي بخشوع ..اصلي وانا معصبه :crap: وين انا احس بالخشوع وين انا اعيش مثل قبل ؟نفسي لحظات اجلس لحالي مو لازم لحالي معاكم بس خلوني شوي اسرح ..خلوني افكر لنفسي ..مايمديني اروح لعالمي وافكر واسرح الا بنتي تنادي ..والا صرااخ بصوت عالي..؟؟والله نفسي مو ملكي ولا لي شي ولا يتركون لي شي ..اذا حبيت اجلس لحالي لما ينامون الا انا نفسي تعبت ولا عاد فيني طاقه وان جلست وقاومت التعب والنوم اشوف المكافأه ..يجلسون قبلي ويصحوني من نومي ..تعبت من هالوضع معقوول بنتي الكبيره 9 سنوات وطووول هالسنوات ما قدرت املك نفسي؟اقول بتكبر وكبرت ومرت سنين وبنتي الثانيه تعبتني مره في صغرها وقلت بتكبر وكبرت وزادت شقاوتها حتى في نومي ما ارتاح تنام معانا وغصبا عني ماعرف اتحرك ولا انام الا بجهه وحده بسببها وجسمي كله يتخدر ورقبتي تألمني ..لا اطلع مثل الناس طوول الاسبوع بحكم عمل زوجي اظل جالسه في الشقه ولما يجي من العمل مايقدر يوديني مكان لاني اشوف متطلباته شنو اجهز له ..وهذا روووتين ..اهل امي ماشوفهم الا بالاشهوور اذا مو بالسنوات بعد ..صرنا مانقدر نغير جو مثل قبل والسبب ضغوطاته وغير انا نبني ومرره مشغول في البنيان والتكاليف مو طبيعيه ..نفسي اطلع يقولي ماقدر اطلع وتفكيري مشغول ..نفسي اخليهم عند اهلي واطلع معاه لو طلعه بسيطه ..بناتي ماايوافقون مستحيييل بنتي الصغيره توافق تروح لبيت اهلي ..بنتي الكبيره هذي بس لحالها سااالفه تخليني انسى نفسي تعصبني مرره بتصرفاتها بتقليدها لاختها الصغيره ..بعنادها ورفاع صوتها علي وعلى ابوها وحتى على اهلي ..بكسلها وعدم صلاتها ..بناااات نفسيتي مررره تعبااانه ضغط مو طبيعي ..شنو هالحياه الي عايشتها ..؟؟كل الي عندهم اطفال كذا ؟
لينا وعدنان @lyna_oaadnan
محررة ماسية
يلزم عليك تسجيل الدخول أولًا لكتابة تعليق.
الله يعينك حبيتي والله انا نفسك عندي بنت عمرها سنتين ونصف والله انها مطاله لي الشيب مادري اذا كبرت وش تبغ تسوي
كلنا مثلك بس انتي عشان حامل نفسيتك تعبانه وبناتك اذا مانفع معاهم اللين اضربيهم بس مو ضرب مبرح احيانا الضرب يجيب نتيجه بس مو على طول مرات طنشي ولا كأنك سامعهتهم انا مجربه هذي الطريقه تنفع .وانتي قلتي انكم بتسوون بيت لكم وبتنقلون وبترتاحين فتره وتعدي
بصراحة 9 سنةات كبيرة خاصميها يعني مة معقول كل ما دخلتي الغرفة نجي وراكي
الصغيرة لو انضربت مرة خلاص تخاف معاد تعيدها الله يعينك
الصغيرة لو انضربت مرة خلاص تخاف معاد تعيدها الله يعينك
ام الصبا
•
بالحنان ان شاء الله تحصلين الي تبينه كل الي عندهم اطفال كذا الا الي مهي قد المسؤليه وراميه اطفالها على الشغاله
احضنيهم دايم سولفي معاهم هم بيون اهتمام مايبون العاب يبونك انتي فعلا اذا قريتي قران عطي الكبيره مصحف والصفيره اي كتاب
ثاني واجلسي معهم لاتقفلين الباب
واهتمامك بنفسك قبل النوم اذا نامو هم
احضنيهم دايم سولفي معاهم هم بيون اهتمام مايبون العاب يبونك انتي فعلا اذا قريتي قران عطي الكبيره مصحف والصفيره اي كتاب
ثاني واجلسي معهم لاتقفلين الباب
واهتمامك بنفسك قبل النوم اذا نامو هم
الصفحة الأخيرة
اناااا مثلك بس خواتي وثنتين ونفسك وحده تسع والثانيه 6 الله يحفظهم كذا مهاوشات على كل شي صراخ مامنهم نفعه بس انتي سيطري ع الوضع يعني وقت الصلاه خليهم يصلون كلميهم بهدوء اسئلي كل وحده وشش تتمنى وقوليلهاا بطاعت ربي تحصلينه وحمسيهم لصلاه والهدوء يعني لاتجين بصيغت امر وعصبيه لا اطلبي بهدوء وترجيهم قولي يالله حبيبتي قومي صلي معي ومن هذا الكلام وقت صلاتهم استغلي وصلي وكريماتك انا افضلك وقت نومهم رتبي وقتك سويلك جدول لكل يوم حاولي تنضمي وقتك ونصيحتي ترى هذا الشيطان مو لاقيلك مشاكل تنشغلي فيهاااا في رمضان واختلقلك دايم تعوذي وخلي بناتك يقرون معك خليهم يسوو زيك
وكمان ترى بنتك لساتها صغيره حرام خليهاااااا تتمتع بطفولتهااا عامليها كطفله لانها في الحقيقه طفله الله يحفضهم لك ويصلحهم يااارب ويهديك لهم ويهديهم لك