أم عبدالله خالد :

السلام عليكم بنات حابة اشارك بقروبكم لأني مرضع وقد سبق عملت رجيم ونزل وزني من 83 الى 66 خلال سنه ..قولو ماشاء الله .. والحين بنتي عمرها سنه وودي أكل اكل صحي لأني تعبت من الرجيمات القاسية ..تساقط شعر والشهية مفتوحة بعد الرجيم .. بقولكم نظامي اللي ببدأ فيه وقولولي تعليقكم عليه.. الفطور بيكون ..الشراب الاخضر ..مرررة مفيد ويشبع ويزيد نظارة الوجه ((نص كوب سبانخ ونص كوب بقدونس وحبة خيار وحبة تفاح و4 كرفس وقطعة زنجبيل )) وممكن تعتبريها وجبة فطور لأنها مشبعه واذا بغيتي تاكلي ..كلي اي شي خفيف.. الغداء ربع دجاجه وصحن سلطة خضراء وخضار..((أنا مااكل نشويات مع الغداء )) المغرب حبة فاكهة ويفضل ((تفاح أو برتقال او اناناس ))لأحتوائها على كميه سكر أقل والياف اكثر.. العشاء..علبة زبادي قليل الدسم مع ملعقة نخالة وحبة خيار((مجربة هالطريقة مرة تسد النفس.. والرياضة نص ساعه مشي وربع ساعه اوربت أو نص ساعه على حسب الوقت والماي 8 كاسات .. وحابة اجرب خلطة يقولو مفيدة للمرضع وتخفف من بروز الكرش وتزيد المناعه لك ولطفلك.. شوية نعناع وملعقة صغيرة حبة سودة وملعقة صغيرة شمر وملعقتين صغيرة ينسون.. هاااااه شرايكم بنظامي..؟؟ بادية من بكرة باذن الله ... خطتي اني انزل مابين الكيلو الى 2 في الاسبوع وبسوي كل اسبوعين يوم مفتوح .. وزني الحالي 66 وطولي 153 مبدأيا ابي انزل لل55 وهدفي الاساسي 50 ومافي احسن من التخفيف لأني أول مابديت رجيم لما كان وزني 83 نزلت الين 71 بالسعرات..

السلام عليكم بنات حابة اشارك بقروبكم لأني مرضع وقد سبق عملت رجيم ونزل وزني من 83 الى 66 خلال سنه...