مـــكافــحة الــسمنـة للأبـد ...!!

قبل كل شيء
لازم نعرف أنه الجانب النفسي له دور كبير في التهام المأكولات ..بدون لانفكر كل هذا الأكل يحتوي على كم هائل من السعرات الحرارية !!!!
الأنسان رجل كان أو امرأة في أوقات كثيرة يفرغون الكبت الي فيهم أو الأكتئاب أو الأحباط أو الضغوطات بالأكل بدون وعي وبعد ماياكلون يحسون براحه نفسية مؤقته .. ولكن بعدين يشعرون بتأنيب الضمير ..
تكلم الدكتور أوز عن هالموضوع ... قال في المأكولات مادة تعطينا شعور بالراحة والأطمئنان ... وبعد ماينينهي مفعولها يبحث عن الأكل عشان يشعر بنفس الشعور ..يعني ... يستوي حال الشخص مثل حالة المدمن الي يبحث عن الاكل عشان (المادة )الي تريحه ... وايد ناس مايعرفون أنه هذا هو السبب لانه يخلي الاشخاص الي يعانون من الفراغ العاطفي أو المشاكل يلجأون في الأفراط في الأكل بغير ادراك
بما أنه الحين عرفنا سبب الرئيسي الي يخلي الكثيرين ياكلون بدون الاحساس بالجوع خصوصا الي يبحثون عن الأكل في نصاص اليالي خلق الله نيام وهو يبحثون عن الاكل فالحقيقه يبحثون عن الراحه النفسية ...
وهو سبب انه الانسان يبحث عن الاكل وهو أساسا شبعان !!!

لابد من اقتلاع ومعالجة مشكلة الأكل العشوائي..
أتباع النظام التقليدي وهو الفطور الغداء والعشاء ... مع التلاعب بين فترة والثانية في هذا النظام ...
يعني ممكن مره تفطري ومره لا مره تتغدي ومره لا ومره تتعشي ومره لا ... بالمختصر تضحي بوجبة من هذي الوجبات ..
النظام الغذائي الي رأح احطه هو مايناسب البنات والنساء الي وزنهن تحت 80 هو يناسب الي اوزانهن فوق 80 إلى 200
ولكن في أساسيات ممكن يستفيدن منهااااااااا وايد مهمه وظرورية جدا لكل وحده ماشيه على دايت بغض النظر عن نوع هذا النظام ...

أولا:

شرب على الريق ماء دافي مع زنجبيل وعصير نص ليمون أصفر حجم كبير بعد نصف ساعة أو ساعة تاكلين فطورج

ثانياً:

ابتعدي عن السكر نهائيا وخصوصا سكر الدايت لانه مسرطن الله يبعد عنا وعنكم شر الأمراض يااااارب

ثالثاً:

ابدا لاتضيفين في السلطه ولا قطرة زيت

رابعاً:

إياااكي تتعشيء متأخر ... أخر وقت مسموح به للعشاء بعد التاسعة مساء بعدها ( ممنوع) إذا جعتي كلي زبادي خياره ورق خس سدي جوعج لين مايتعود جسمج

خامساً:

كلي يوميا مره أو مرتين شرحتين أناناس مقطعه مكعبات مع 4 ملاعق زبادي ممكن تضيف العلبه كامله (اختياري) يفضل تاكلينه قبل النوم والله انه يحرق الدهون حراق اذا كلتيه مرتين في اليوم اضمن لج تخسرين بس من الاناناس والزبادي موب أقل عن 2 كيلووو دهوووووون ... من غير الوزن الي راح ينزل من رجيمج

سادساً:

اشربي ماء بكثرة قبل الوجبات شربي كاس ماء قبل الوجبة بنصف ساعة .. عودي نفسج تشربين لترين مااااء

سابعاً:

ممنوع أتباع ريجيم بدون رياضه !! أقل شيء نصف ساعه 5 مرات في الأسبوع .. اذا ماتقدرين تروحين الجم في بيتج حددي وقت معين ومارسي في الرياضة ...

ثامناً:

قبل بدء الرجيم اشربي السناء مكي ..

تاسعاً:

عملي جدول حطي فيه اليوم التاريخ واهدافج كل اسبوع كم نزلتي أهم شيء متابعة نزول الوزن وخذي مقاساتج بشريط القياس ووخذي وزنج قبل بدء الرجيم .. شعور جميل كل يوم يمضي تشطبينه تحسين بالرضى وإنج قاعدة تمشين فالطريق الصحيح

عاشراً:

في كل وحده نقطة عمياء .. يعني ماتنتبه الها .. يعني ماتشوف الحقيقة الي الناس شوفونها ابها .. يعني ممكن تشوفين جسمج سمين .. لكن مش مثل ما أنتي في الحقيقة والواقع ... لابد تنتبهين على كل مشاكلج وتشوفينها بالعين المجرده .. يعني اعترفي إنه فيج بطن كبير وفيج زنود كبيره ....الخ وقرري تتخلصين منها للأبد وإلى غير رجعه ..

بنات ونساء عالم حواء .. خواتي في الله ... يا حبايب ...

النظام هو رجيم موجود للأخت قديمه في عالم حواء من عام 2001 للأخت غلا الأشوق ... إلها مني سلام وتحيه ...

النظام الجديد هو مطور ... من رجيم الأخت غلا الأشواق ... مع تغير طفيف على رجيمهااا ...

في السابق كانت لي معتقدات ... واتغيرت معتقداتي ... اكتشفت انه مب اي شيء نتمسك فيه هو الصح حتى لو العلم يقول كذاا
مرات لازم نكسرالقواااااعد ...
ولهذا استبعدت البنات والنساء الي زنهن تحت 80 ... لانه هذا الرجيم الصااااروخي ينزل الوزن موووب أقل عن 27 إلى 22 أو 16 كيلووو في الشهررر ... يعني صاحبات الوزن الي أقل من 80 مش محتاجات ينزل هذا الوزن في هذي المدة ...!!
راح أقولكن شو سالفة المعتقدات الي أنا كسرتهاااااا ...
صراحتن أناوالعياذ بالله من كلمة أنا ضدددد الرجيمات الي تنزل الوزن بسرعه بحكم أنها مضره !!
ولكن انجبرت كنت في فترة امتحانات مايحتاج اقولكن عن النفسيه كيف تكون .. نظام دراستي في الجامعه نفس نظام الثانوية العامه يعني الكتاب مووب أقل عن 500 إلى 600 صفحه والدكاتره مايحددون شو الي راح يدخل في الأمتحان !!!
وعندي 5 موااد ... خلال شهر ونصف صار وزني 83 .. طبعا بتنصدون وزني فالثمانينات مع اني ذكرت ن الرجيم مايتناسب مع اصحاب الوزن الي أقل عن 80 ... من بعد تجرتي حبيت افيدكن مثل ماستفدت يااااما استفدت من منتدى عالم حواءالحبيب على قلبي وهذا أقل شيء ممكن أسويه ...
يا حبايب ..
لي خلاني اتبع هذا الرجيم وهو اني زدت وايد كان وزني 76 وصار 83 زدت 7 كيلوات في شهر ونصف !!! صدمه !!!
كل اكلي معجنات مقالي سويتات حلويات باستا نعم اعترف اني كنت اكل كل هالمفاسد !! والغريب اني مالاحظت على نفسي يمكن ملابسي ضاقت عليه ... بس ماتوقعت انه وزني زايد لها الدرجه ... الطامه الكبرى في الجامعه البنات يقولون لي وايد متنتي !!! تعبت نفسيا وكانت بعد 10 ايام عندي مناسه سويت سيرج ابا انقذ نفسي ... ولقيت ريجيم أختنا غلا الأشواق قلت خلاص ماشي غيره راح اتبعه ... والصدمه الجميلة النتائج الباهرة .... في عشر ايام وزني صار 77 كيلوو ..... وااااو ورحت المناسبه والكل يمدحني والغريب يقولون لي مووب كانج ضعفانه هههههههههههههههههه وتعالن شوفن كيف كنت طايره من الفرح ....

جزاك الله خير

طبعا:
كنت اسوي تمارين فالبيت لانه وقت امتحانات وماقدر اروح الجم ... بعد كل صلاة اسوي تمارين متنوعه ..

الرجيم :
كنت اشرب على الريق ماء دافي مع زنجبيل فرش وعصير نصف ليمونه

بعد ساعة :
كافي لاتيه منزوع الدسم

بعد نصف ساعة :
بيضتين مسلوقات مع 5 حبات زيون أسود

بعد ساعة :
جاهي اخر مع نعناع فرش

الغداء :
شريحتين أناناس مع علبة زبادي

العصر:
3 تمرات و 5حبات جوز مع ميراميه

العشاء:
بعد صلاة المغرب 4 كباب الي تحصلينه في السوبرماركت المثلج .. مشوي مع سلطه بدوون زيت

الساعه التاسعه مساء:
شريحتين أناناس مع علبة زبادي كامله

--------------------------------
الي ماكنت اتركهم نهائياااا
شرب على الريق ماء دافي مع زنجبيل فرش وعصير نصف ليمونه
وقبل النوم شريحتين أناناس مع علبة زبادي كامله

بالنسبه لريوق ... مرات مااتريق .... فا اكل بيضتين مسلوقات على الغداء ...
ومرات اتريق ... واتعشا ... بس ماتغدى ...
ومرات اتريق واتغدى بس ما اتعشى ...
ومرات العشاء يكون بيضتين مسلوقات و 5 حبات زيتون أسود

المدهش إني ابداء ماحسيت بدوخه أو تعب ...

رجيم أختنا غلا الأشواق عباره عن :
تاكلين الصبح بيضتين مسلوقات الغداء علبه تونه ون زيت او لحم او دجاج مشوي او مسلوق وسلطه والعشا بروتين يا بيض مسلوق او لحم او دجاج ...
السكريات والكربوهيدرات والدهون ممنوعه نهائياااا الفواكه.. وفي الشهر يوم واحد يوم مفتوح ...