مرحبا يا شابات ياحلوات

انا ودي اشارك في الموضوع لما شفت ردودكم الي تفتح النفس واتمنى تقبلوني ..:27:
اممم انا صراحه وزني 74.5 ولا زم اوصل لل60 ولا بيصيدني احباط اكثر من الي انا فيه
انا صراحه متينه من الصغر لما انولدت كنت عادي
لكن الوالد الله يسامحه كله من بره وخاصه اني الوحيده المدلعه :17:
انا عمري 16 وزني 74.5 وطولي 169 اتمني اظعف بس محتاره بين رجيمين ساعدوني اختار محتاره بين الكيميائي
او رجيم القوات المسلحة الاميريكيه هههه صج ماامزح
ماابي اطول بس صراحه انا رايحه الجامعه وعمري 16 بس طبعا ابين اكبر من كثر ماانا متينه ابين اكبر من عمري
ماعندي وقت الدراسه 7/10 يا الحق عمري او اظل اسيرة المطنزه من ربعي واهلي

جاااااااااو

SoSoEl7eLwA

كيف رايحة الجامعة و عمرك 16 >> الأخت داشة عرض.. بس شفت ردك و استغربت ..

و أتمنى لكم رحلة موفقة من عالم السمنة الى عالم الرشاااااقة ..

مررررررحباااا بنات ومساءكم فل وياسمين 00 شلونكم عساكم بخير وعافيه ؛؛ يشهد الله انكم وحشتووني 000 عذروني تأخرت عليكم هاليومين ؛؛ صايره متمرده:55: وكثرت طلعاتي

لي صديقه مسافره انشالله بكره وببعث معاها اغراض لأختي طالبتهم عطورات وماكياج ولوشنات جسم ومن جمعية الروضه فرع التجميل للمركز الفرنسي لمركز سلطان لجاشنمال أدور اغراضها وارقام ماكياجها اللي طالبته وشي الاقيه هني وشي لأ فأروح ادور بمكان ثاني ؛؛؛ وخلصت اغراضها الحمد لله وبعد ساعتين بطلع لصديقتي اسلم عليها واعطيها الاغراض

صج وناااااسه 000 ماشيه بنظامي ولو اني مو حاسه بفرق بالجسم (بسم الله ماكملت اسبوع والوزن وزن فيل سمول سايز:06:) أنا مخففه بالاكل بس مو ماشيه على نظام معين وماقلت لكم : بديت امشي على الجهاز بس 20 دقيقه واحس اني تعبت يمكن ليش توني باديه من بعد انقطاع :29:

ام شهيد ؛ ام سميه ؛ حزن دار زايد شلونكم عيوني وشصار معاكم بشرونا ؟؟

زيزينيا ليش الاحباااااااااط الله يسلملي عمرج ؛؛ مشوارنا طويل ويبيله طولة بال يالغاليه ووحده وحده انشالله بنوصل وبعدين تكفين لاتطولين جدام المرايه تراني كنت اسوي جذي واتأمل جسمي واطلع الأخطاء المليون والله تعبت نفسيتي وعاهدت نفسي مااتفحص نفسي وايد جدام المرايه عشان مااتحطم من داخلي وبيجينا يوم بنجابلها لين نمل 00بس واحنا غزلاااان

كاتي كتكوته شلونج حبيبتي وحشتني اخبارج 00تصدقين عاد لي صديقه مصريه الله يذكرها بالخير سافرت ديرتها الحين كانت تراجع دكتور بمصر وعطاها هالرجيم الكيميائي وللاحتياط خذته منها أيامها وللحين عندي واذكر قالتلي انها نزلت عليه من 108 كيلو الى الستينات ومستمره بوزنها حتى آخر مره شفتها قبل لاتغادر لمصر نهائيا وقالتلي ان كان الامساك يضايجها فنصحها الدكتور بحبوب ملينه وماعدا ذلك كل شي كان أوكي 00 شكلي تحمست وبخاطري امشي عليه طلعت الاوراق والله وقريتها بس مافي خبز نهائيا:44: انا وزني كبير ومحتاجه انزل وايد وبجربه اسبوع اذا مشى لج احلى هديه ياكتكوته بس أكيد مو سجاير:11:
وتدرون بنات منو مشى عليه ونزل فعلا ؟؟ ديميس روسوس المطرب السميييييييييييييييين مال فاراوي تذكرونه؟

dalal70 ساروووووونه شلونج وسلامتج انشالله وزين سويتي راجعتى اخصائية تغذيه وماري اللي بالعوضي سنتر يمدحونها والله 00 ناطرين الاخبار الحلوه ياحلوه

لميس نجد 00 ياهلا ومرحبا فيكي بين اخواتك وانشالله بنودع السمنه ونطلقها بالثلاث وبانتظار اخبارك وبتستقرين على أي ريجيم ياترى؟؟؟

لولو_نونو ياهلا ومرحبا فيكي عيوني وبعدين وزنك حلو وبالنسبه للارداف اعملي التمارين الخاصه فيها وموجوده مواضيع لها كثير بقسم النادي الصحي والمشي ممتااااز لمشكلتك 00 شدي حيلك وسمعينا عنك اخبار طيبه

* عطر البوادي * ياهلا ومرحبتين فيكي عزيزتي وحياكي الله معانا ولاتبخلين علينا باخبارك

dadoush12إزايك ياحبيبتي وعامله إيه ؟ معلشي ماتقلقيش على اللخبطه وأهو يوم وعدى وانشالله تكوني ابتديتي 00 انزلي تمشي شويه وغيري جوك هتروقي ونفسيتك هترتاح 00 بانتظار اخبارك

سوسو الحلوه 00 ياهلا ومرحبا فيج بينا وغاليه وعزيزه والله 000 حبيبتي انتي توج صغيروونه ووزنج ينزل بسهوله فلاتضيعين الفرصه وابتدي واختاري ريجيم تحسين ان عنك قابليه تكملين عليه ومايطوف الشهر الا سوسو الحلوه الأموره احلى مانيكان 00 لاتنسينا سوسو

زيزينيا حبيبتي بتسابق معاج على هالعشره كيلو واللي تطيرهم الأول لها من الثانيه عزيمة عشا:21: شدي الحيل ياأحلى زيزي

طولت عليكم بس والله قعدتكم ماتنمل000

ألقاكم على خير وسعاده 000 أحبكم وااااايد:27:

عندي سؤال ..
مين عندها موقع .. اذا حطينا الوزن و الطول ... يعطينا اذا كان هذا الوزن المثالي لو لأ..

بليييز .. لأني راح اشوف بالاول ..تالي يمكن افكر اشترك معاكم >> طبعا بس متابعة .. لأني مستحيل افكر بريجيم ..

و شكرا ..



الأخت كل تدش عرض.. بس تحملوني ..

اللة يكون فى عونك