م.ق.ف.ب. وش تبين أمنيت القرزمز يامال فرقى العين؟؟ ...بابا شليويح...وسوالف أخرى...!

كان اليوم ويد إنط...(نهاية الأسبوع يعني...يعني خميس وجمعة)...

أنتم مثلي سالفتكم سالفة مع الويك إنط؟؟؟ كلما جيت بقول يوم الجمعة (اللي هو يوافق الربوع عندنا في الديار الاسلامية)
اقول يوم الربوع..وان ااقصد الجمعة...واقول خميس وجمعة ...واعني بهما السبت والاحد..


وياقلب لاتحزن

المهم انه اليوم ويك إنطنا واليوم شميستن تهببببببببل.....


مايبيلها الا زل قش ودهينة فقس تدهّنين أنتي وشايبتس وتمددين رجيلاتس بهالشميسة...

وتصبين فنيجيل لشايبتس وهو بهالمشراق اللي يرد الروح..

ويالله من فضلك....

أنحن يوم انا شمينا ريحة الشميسة وكلن يقبع عباته وجاكيته ويتلطّم ووففففففف هوا على برا...

وهي نطير لسنتر المدينة الصبح الصابح مابعد احدن فتح ياحافظ لامطعم ولامقهى ولاحتى حقون الزبايل جو ياخذون الزبايل....بس وش نسوي نبي الدفا وفيتامين دال...

:42:



طبعا ابونا عطّل البارح ياحظيه ياحظيه ...وعشان كذا اليوم موده رااااااااايق....لو بقوله ودني اهلي وداني...


:arb:



وهي عاد من دعسوق لدعسوق (الدعسوق كلمة نجدية مفرطة في القدم واللي تبي تجاوب عليها بنجمع لها قطة شهر عسل كامل بالزلفي والقصيم مع فندق وتسوق مجاني لمدة ثلاث ليالي)...:)


ومادام انه سوق جمعة ...

فمن الطبيعي انك تشوفين الكراسي مرززة بانتظار الناس اللي بيجون يتقهوون ويعينون من الله خير عقب شوي...

طبعا محلات الملابس والكتب والهدايا وال وال وال حتى محلات كلها حاطتن شجرت القرزمز الحمرا وذاك الشيخ ابو خدود اللي حاطتن قبوعن أحمر به كورتن بيضا تدودل...

قال ابونا ماتبين يابدورة ناخذ لنا شجيرتن نرزها قبال بابنا كود نقوم الصبح ولا احدن من شيوخ بريطانيان حاطن لنا شرهة ولاخمسمية ولاحلاوة مكنتوش ....

قلت الله يرحم حالك بس والله لو تبي (بندقة) من ذوليك اللي طيحن من الشجر ماحطوها لك ...


على طاري البندق فاتكم تو نص عمركم مسويتن فيها هايدي جايبتن صحن اجمع فيه البلوط اللي ياكله السنجاب يشبه لابو فروة بالحيل واحطه بالمكرويف مادريت الا قام يرمي تقولون قنابل أرض أرض...



الله يرحم حال بدورة صدق...


عاد وش سوينا وانحن نشوف تجهيزات القرزمز...


هذا ماستشاهدونه بالحلقت الجاية...


:)


منب مبطية ....ان شالله بس ابونا يبي الحاسب...