الملف الثاني لوصفات الأرز ومعاها صور من تطبيقاتي للأخوات الغاليات
فهرس الملف:
برياني الربيان .... الرد رقم 1
مقلوبة الدجاج والخضار (مقلوبتي) .... الرد رقم 3
مندي بطريقتي .... الرد رقم 5
تطبيق للرز الايراني زرشك بلو للأخت (أنا اعترض) .... الرد رقم 6
تطبيق للبخاري للأخت ( N1O2R3A4 ).... الرد رقم 8
الكشري .... الرد رقم 10
الرز الوردي .... الرد رقم 12
العيش الحساوي .... الرد رقم 15
زربيان أم حرنكش .... الرد رقم 17
العيش المدلل .... الرد رقم 19
ماشاء الله ......تبارك الله
برياني الروبيان
من غير مقدمات وهذرة شوفوا طريقتي بهالبرياني الخطير
المقادير على حسب الكميه اللي تحبينها
روبيان منظف ومسلوق بماي ومسمار ودارسين وهيل وملح صحيح
بصل شرايح مقلي بالزيت
فليفله مقطعة مربعات صغيرة
بطاطس مقطع مكعبات صغيرة ومحمرة بالزيت
ثوم مهروس + معجون طماطم
وعلبة روب
بهارات
علبة الروب نسيت اصورها مع المقادير
صورة البهارات كمون وكركم و قرفه ناعمه وهيل ناعم ومسمار وبهار الكاري
ملح وورق الكربته ماأعرف له اسم ثاني أنا مجففته وبهار اللي على شكل النجمة
ماأعرف اسمه أنا صورتهم عشان تشوفونهم يمكن تعرفون اسمهم
نحط الروب والبهارات اللي بالصحن كلهاوالصلصة بالخلاط
هذي الروب بالصلصة والثوم
نحط زيت في القدر ونضيف عليه ورق الكربته والفلفل البارد
نضيف عليه الصلصه نحركها على النار
نضيف الروبيان
ونخلطهم مع بعض
نضيف البطاطس والبصل ونرفع من البصل للتزين
نحصل على هذي الشكل
طبعا احنا سلقنا الرز بماء سلق الروبيان نصف سلقه
ونحط في قاع القدر نصف كمية الرز المسلوق
نحط خلطة الروبيان
نضيف النصف الثاني من كميه الرز على خلطة الروبيان
ونحط شوي من صبغة الزعفران ورشة زيت ورشة بصل المحمر بالزيت
نتركة على نار هاديه
هذي الشكل النهائي للبرياني الخطير
أمممممممممم ريحته خيال