:42::22::22:

بتضحكى ليه يال ست اسماء
اكيد من الفرحة مش مصدقة ان الملف نشط تانى
ياسمين وفل من وصفك هى اللى عايزاها بس معرفش انها بتتعمل بالمكرونة
ممكن طريقتها بالتفصيل

بالنسبة لعزومة سومة وهايا بصراحة انا كنت هكتب على الخاص لسومة لان هكتبلها اكلات مفصلة بس لما لقيت هايا كمان طالبة قلت اكتب على العام واللى يعجبه اكله منهم يجريها
اصلى كنت مطحونة الفترة اللى فاتت ومصدقت فوقت عشان اتفاعل معاكو

هكتبلك قايمة عزومة فيها اختيارات كتير ان شاء الله تبقى اغلبها غير تقليدية

الشوربة: لسان عصفور كفاية افتكر لان القايمة هتبقى كتيرة
او شوربة خضار وتحطى معاها عود كرفس وحتة جنزبيل طازة وابقى شيليهم وقت الغرف وارميهم

بالنسبة للرز:
رز بنى هكتب طريقته
او رز صينى كنت كتبته هنا قبل كده بس هكتبهولكو تانى

اللحوم والفراخ: هديكو اختيارات
لو هتعملى رز بنى بيكون معاه الفراخ بتاعته
ولو رز صينى ممكن تعملى صينية فراخ بالخضار والمسطرده والكريمة
وكباب حلة
او لحمة بالشامبنيون بالمشروم
او ورقة لحمة

فراخ بتتبيلة الزبادى فى الفرن
او فراخ مسلوقة بتتبيلةالصلصة و الكتشب والمسطرده والليمون والزعترفى الفرن
او فراخ بالخضار والصلصة البيضا بالخردل
او فراخ مشوية بتتبيلة الكسبرة الخضرا والفلفل الرومى والليمون بتاعة اسماء اللى كانت حطتلنا اللينك بتاعه فعلا حلوة قوى

الاصناف الجانبية:
خرشوف وقوارب الكوسة
او لو هتعملو رز صينى ممكن تعملو سلطة السوسيس معاها بتبقى حلوة
خبز بالثوم


السلطة:
ممكن تعملو فتة الفراخ اللى كانت كتبتها سبانش حلوة قوى
وفتوش او سلطة خضرا متقطعة كبير فى طبق سرفيس كبير افرشيه خس وعليه حطى طماطم وخيار وجزر وفلفل رومى حلقات وعيدان نعناع طازة وعلى الوش رشى رشه سماق لو فيه ورشه زعتر لو فيه برضه وعصير لمون
وكول سلو
وقوارب الخيار
ومخلل

الحلو: اعمليه قبلها بيوم
لو عندك كاسات مربعة شفافة ممكن تعملى
طبقتين الابيض والشيكولاته, هكتبهالكو
او الترايفل بتاع كنزى اللى هو طبقة بسكوت وطبقة كستر وطبقة جيلى اصفر وطبقة جيلى احمر وممكن تحطى فيه كمبوت او تفاح وموز متقطع صغير قوى

اكمل ولا نايمين استنى لما تصحو؟؟؟؟؟

صاحيين يا نورا ومعاكي اهو يلا بينا

انا جيت على سيرة الأكل وريحة المطبخ

صباح الفل يا بنات اكيد كلكم هنا فقلت اصبح عليكم هنا الأول