الرز البنى لو هتعملى مثلا 4 مجات عشان عزومة تجيبى 3 بصلا مش كبار قوى يعنى وتقطعيهم صغير وتحمريهم كانك بتعملى بصل الكوشرى يعنى لغاية ما يبقة بنى بس مش محروق عشان ميمررش وبعدين حطى عليهم مية بتغلىوسيبيها تغلى شويه وبعدين صفيها عشان تشيلى البصل منها ورجعيها على النار وحطى معاها حبهان وقرفة ولومى لو عندك وقرنفل وتكونى غاسلة الفرخة او فرختين بقى عشان العزومة كويس بطريقتك اللى تحبيها ودعكاها بالملح والدقيق او ناقعاها فى عصير لمون وخل ومية وتحطيها فى المية البنى دى وتخليها تتسلق سلق عادى جدا وزبطيلها الملح قرب السوا
وبعدين شيليها هيكون لونها بنى زى الفراخ بتاعة الشواية الماكينة ومن نفس المية خدى منها للرز بعد ما تصفيها طبعا وممكن تحطى مع الرز زبيب وعند الغرف تكونى محمصة شويه لوز وكاجو للوش
- رز صينى: المقادير :
4 مج رز مغسول
فى شويه زيت تحطى ملعقة صغيرة بودرة ثوم و معلقة صغيرة زنجبيل طازة مهروسين او ممكن ثوم عادى مفروم فى الكبة عشان يبقى ناعم قوى
وبعدين حطى كوب خضروات مشكلة انا بحط من الخضار المشكل المجمد وتقلبى لما يبتدى يدبل حطى
ملعقة كبيرة خل واطفى على طول
الرز بقى تفلفليه فى معلقتين كبار زبده مع شويه زيت عشان الزبدة متتحرقش وتحطيله الملح بتاعه وانتى بتفلفليه وبعدين حطيله الخضار اللى عملتيه وقلبيه كويس عشان يختلط
فى سلطانية تكونى عاملة 3ملعقة صغيرة صويا صوص+ 2ملعقة صغيرة سكر+ 4 ملاعق صغيرة كتشب وتقلبيهم سوا وتحطيهم على الرز وقلبيه وبعدين حطيله ميته وسويه عادى وبيطلع تحفةةةةةةة
la rosa
•
la rosa
•
هجرب طريقتك يا فطومة ماهو الواحد بيحب دايما يجرب الجديد عشان يغير
انا بحب المشطشط وجوزى مش بيحب هعملها بس مش هشطشطها قوى
انا بحب المشطشط وجوزى مش بيحب هعملها بس مش هشطشطها قوى
la rosa
•
لحمة بالشامبنيون بالمشروم:
لحمة قد راس العصفور او اصغر تتسلق عادى وبعدين وتتشوح فى حبة زيت صغيرين وبعدين فى حلة صغيرة حطى بصلة متقطعة صغير جدا وفصين ثوم مفرومين وملح وفلفل وبعدين حليب مدوب فيه معلقة نشا او معلقة دقيق وتحطيها وقلبى هيتخن طبعا اللبن وممكن تزودى كريمة سائلة او دريم ويب وبعدين يا ستى تكونى مقطعة مشروم معلبات صغير وتحطيه وتقلبى وحطى فيها كرفس متقطع صغير او كسبرة خضرا صغير
ووقت الغرف اغرفى اللحمة فى السرفيس وعلى الوش الخلطة دى ويستحسن الخلطة تتعمل قبل التقديم على طول عشان تتخن لما تبرد وهى على اللحمة
ورقة لحمة:
لحمة مكعبات صغيرة تبيليها من قبل بيوم بقرفة وفلفل اسود وبهارات وجنزبيل وصويا صوص وملح وورق لورى
ويوم العزومة قطعى بصل طرنشات وفلفل رومى وجزر واخلطيهم مع اللحمة وحطيها كلها فى ورق فويل واقفليه عليها عشان ميدخلوش مية
يا اما تسلقيه فى مية بتغلى يا اما تدخليه الفرن ساعتين وافتحى الفويل وقت الاكل
لحمة قد راس العصفور او اصغر تتسلق عادى وبعدين وتتشوح فى حبة زيت صغيرين وبعدين فى حلة صغيرة حطى بصلة متقطعة صغير جدا وفصين ثوم مفرومين وملح وفلفل وبعدين حليب مدوب فيه معلقة نشا او معلقة دقيق وتحطيها وقلبى هيتخن طبعا اللبن وممكن تزودى كريمة سائلة او دريم ويب وبعدين يا ستى تكونى مقطعة مشروم معلبات صغير وتحطيه وتقلبى وحطى فيها كرفس متقطع صغير او كسبرة خضرا صغير
ووقت الغرف اغرفى اللحمة فى السرفيس وعلى الوش الخلطة دى ويستحسن الخلطة تتعمل قبل التقديم على طول عشان تتخن لما تبرد وهى على اللحمة
ورقة لحمة:
لحمة مكعبات صغيرة تبيليها من قبل بيوم بقرفة وفلفل اسود وبهارات وجنزبيل وصويا صوص وملح وورق لورى
ويوم العزومة قطعى بصل طرنشات وفلفل رومى وجزر واخلطيهم مع اللحمة وحطيها كلها فى ورق فويل واقفليه عليها عشان ميدخلوش مية
يا اما تسلقيه فى مية بتغلى يا اما تدخليه الفرن ساعتين وافتحى الفويل وقت الاكل
هايا
•
فطومة صباح الخير
حلوة طريقة الفراخ بس صعبة على عزومتى عشان فيها اطفال بس هجربها مرة تانية
نورا حلوة الرز البني بالفراخ بتاعته استمري يا جميل
حلوة طريقة الفراخ بس صعبة على عزومتى عشان فيها اطفال بس هجربها مرة تانية
نورا حلوة الرز البني بالفراخ بتاعته استمري يا جميل
الصفحة الأخيرة
التتبيلة لفرخة واحدة مقطعة أربع قطع عبارة عن بصلتين وكم قرن فلفل حامي اخضر او احمر او الاثنين مع بعض زى ما تحبي قولي مثلا 4 قرون وجنزبيل وبهارات فراخ وملح وفلفل وعصير ليمونتين وفصين ثوم (اختياري) ومعلقتين تلاتة زيت وسماق زى ما تحبي
كل اللي عليكي انك تنظفي الفراخ كويس وبعدين تحشيها بالخلطة دي من جوة وبرة وبين الجلد واللحم واتركيها شوية ساعة مثلا وبعدين دخليها الفرن هى هتنزل دهنها مع الزيت اللي في الخلطة وبالهنا والشفا
طبعا الصوص بتاعها مش هاوصيكم بيتكل تحفة