لأ يا فاطمه بالعكس دى الطماطم بتتحمر و بيبقى لونها و طعمها روعه دا حتى الطواجن بقطع على وشها شرايح طماطم و فلفل بتبقى تحفه.

بصوا يا بنات هي عزومة لاختي اللي بحيكلكم عليها وولادها (2) بس من غير جوزها ومفيش حد تاني راضي ييجي من اخواتي
ايه رأيكم في الاتي

شوربة : لسان عصفور بالكريمة

الرز البني بالفراخ بطرقية نورا

ورقة لحمة

مكرونة بالسوسيس والجبنة التركي عشان الولاد

سلطة خضراء + سلطة بالماينونيز بسلة وجزر

بطاطس محمرة

الحلو : مش عارفة مستنيه طريقة نورا

ها شوية ولا معقول

كملو كملو انا معاكم

صباح الفل

فيه حد كان بيسأل على القرنبيط أنا بعمله بطريقه غريبه شويه طبعاً بيتغسل زى ما نورا قالت كويس جداً و بعدين بسلقه كويس جداً لحد ما يطرى خالص و أصفيه و أضربه فى الكبه مع كسبرة خضرا عشان ينعم و بعدين أتبله بودرة توم و بهارات و كمون و ملح و أضيف حوالى معلقه الى 3 دقيق عشان يتماسك و أعمله أقراص زى الطعميه و أتبله دقيق و بيض وبقسماط و لو دقيق ذرة أصفر يبقى أحلى كمان و تقلى زى الطعميه بالظبط بيبقى حلو قوى و بعمل جنبه بطاطس مسلوقه و أتبلها بنفس التتبيله و سلطه و بذنجان مقلى وفلفل و عيشوا بقى.

فين هايا وسومة؟؟؟؟
نكمل ولا خلاص؟
حد عايز طريقة حاجه تانية من اللى كاتباهم؟