انا قررت اعمل النهارده مكرونه اسباجتي ... عاوزه طريقتها الاصليه بتاعت المحلات لو حد يعرف انا بعملها بس حاسه انها مش هيا دي اللي في دماغي
بصوا انا بعمل ايه اسلق المكرونه في ميه فيها شوية ملح وشوية زيت ذره واما تبتدي الميه تطلع فقاقيع صغننه اسقط المكرونه واما تستوي انزلها في مصفى وارشها بالميه بتاعة الحنفيه ... والصلصه بعملها كالتالي بقلب بصله متفرمه صغير وعليها اللحمه المفرومه وبعد ما تطلع اللحمه ميتها وتتشربها احط صلصه الطماطم والتوابل الملح والفلفل الاسود والبهار والحب هان المطحون والاوريجانو واسيبها تتسبك بعد ما اضيفلها شوية مايه ... ثم اغرف المكرونه في طبق وعلى الوش الصلصه ...
فيا ترى انا ماشيه كده صح ولا لأ
آه بالنسبه لسلق المكرونه اسلقها جامد ولا اسيبها تبقى جامده شويه صغننه ...
يا ريت سرعة الرد علشان والولاد النهارده مش يفترسوني لو ما لقيوش الكرونه .. مستنياكوا تنقذوني

بجملة بقا سؤال تاني اللومي اللهوا الليمون الجاف بيستخدم في سلق اللحمه ؟؟

طلب تالت ما هي فتحت معايا على الصبح ... عاوزه تتبيله حلوه جدا ومتجربه ومبتكره للفراخ في الفرن ...

ودمتم ذخرا للوطن

الحقك انا باللى اعرفه يا نرمين على ما البنات تصحصح
المكرونة بسلقها زى ما قلتى بس مبهريهاش ولما اجى اسخنها بسخنها على نار هادية بشوية زيت
وبعصج اللحمة لوحدها من غير الصلصة وبعمل الصلصة لوحدها بضرب طماطم فى الخلاط مع بصلة وفص ثوم وفلفل اسود وبسبكها على النار مع معلقة صلصة والبهارات اللى عايزاها ووقت الغرف حطى المكرونة وعليها الصلصة وعلى الوش اللحمة المفرومة

اللومى بيستخدم اه فى سلق اللحمة ليه لأ؟

طريقة للفراخ فى الفرن:
هقولك اللى فى بالى دلوقتى
يا اما تسلقيها ولما تيجى تحمريها فى الفرت تكونى مجهزة خلطة مسطردة وكاتشاب وصويا صوص نقطتين لو عندك ونعناع ناشف وزيت زتون ولمون ومعلقة صغيرة صلصة وتصبيها على وش الفرخة وتدخليها الشواية
طريقة تانية: تتبليها من قيبلها بليلة فى تتبيلة: زبادى وبصل مبشور وثوم مدقوق ولمون وخل وملح ومايونيز ولما تيجى تسويها دخليها الفرن وغطيها بفويل لغاية ما تستوى ساعة كده وبعدين شيلى الفويل وسيبيها كمان نص ساعة تنشف

او طريقة بصراحة كنت واخداها من سندريلا وكانت حلوة قوى: تضربى فى الخلاط لفرخة واحده التتبيلة دى: لمونة كاملة بعد ما تشيلى البذر طبعا ونص فلفلة رومى وكام عود كسبرة خضرا مش كتير وكام عود بقدونس وربع كوباية خل وطمطماية او معلقة صلصة وبصلتين وفلفل اسود والبهارات اللى انتى عايزاها بس متكتريش وشوية مية صغيرين عشان تحركى الخلاط وتبى التتبيلة على الفرخة وسيبيها فى التلاجة كام ساعة وطلعيها على الفرن على طول(هى اسماء كانت قايلة انك تحطيها فى الفرن تحت الشواية بس ومتولعيش الفرن وكل شويه تقلبيها بس انا بحطها وبغطيها واسيبها تستوى على نار الفرن العادية واولعلها الشواية بس فى الاخر عشان احمر الوش

انا بقى اللى من امبارح هطق من جنابى عملت العيش الشامى بتاع الشيف حسن وطلع فاشل:44:
مع انى كنت اشيفاه طالع فى التليفزيون رهيب
و مع انى عملته بالزبط زى ما قال الكتاب
اولا طلع طعم الخميرة فيه لان هو حط الخميرة فى العجين على طول وساب كله يخمر مع بعضه مفورهاش لوحدها الاول وانا عملت زيه
وغير كده معليش فى الطاسة ولسع بسرعة بقى حتت مستوية وحتت معجنة ومش عالى وطعمه خميرة:09:
والله رميت باقى العجينة فى الزبالة قبل ما ابلة ظاظا تشم خبر وتشمت فى:(

وبعدين يعني يا نورا كل ما اجى اقول كلمة تسبيئيني هقول برده

بصي يا نرمين بصراحة انا بعمل زي نورا بسلقها من غير ما تتهري بس دي ازواق في الاكل ولما اجي اسخنها بحتة زبدة صغننة وارش فلفل وساعات بحمر فص توم في الزبدة قبل ما احط المكرونة

اللحمة المفرومة بعصجها لوحدها بكل البهارات اللي عندي وبحب اوي احط كاري عليها كمان وبعد ما تستوي ازود ميتها وادوب فيها معلقيتين صلصة وشكرا على كدة وفي الغرف المكرونة الاول وبعدين كبشة لحمة مفرومة بالصلصة وشية جبنة مبشورة تركي او شيدر اللي عندي ساعتها

الفراخ دايما بعمل الطريقة بتاعة البصل والزبادي وبحط كاري عليها برده بس بسويها من فوق وادخلها تتحمر بس في الفرن

معلش يا نورا تعيشي وتاخدي غيرها