كهرمانة12 :

صباح الخير جميعا.....ابلة دينا مش انا اخيرا عملت البسبوسة وطلعت جميلة اوي ربنا يخليكي يارب وتسلم ايدك نورا حبيبتي ازيك ياقمر.....بصي فيه حاجة انا بعملها دايما في الصيف وطعمها تحفة والله العظيم وهقولك السر فين هي شبيه بالتشيز كيك بس فيه اختلافات اولا هجيب البسكوت اكسر قطع صغير مش اطحنه وهجيب لبن واحط عليه كاكاو بودرة معلقة تقريبا واحط علي البسكوت المكسور بس مجرد يتماسك مش يبوووووووووش خالص خليه مقرمش شوية وافرده في البايركس ادخله الفريزر يجمد خاااااااالص اكون ضربت الكريم شانتيه كويس جدا واحط عليها 2 او 3 معلقة قشطة المراعي طعمها خرافة مع باكو كريم كرامل وممكن الاستعناء عنه مع ملعقة كاكاو بودرة واهم شئ بقي واللي هيدة الطعم الخرافي تجيبي شوكولتة سنيكرز تسيحيها في حمام مائي مع الزبدة وتضفيها علي الكريم شانتيه طعم الفول السوداني مش قادرة اقولك قد ايه جميل مع الكرامل افردي بقي علي البسكوت ودخليها تجمد كويس جدا اخر حاجة بقي تجيبي شوية نسكافيه مش كتير عشان ميمررش وتضغطي عليهم بالملقة كدة عشان يبقوا بودر ناعم خالص وترشرشي علي الوش دي كمان سر تاني بجد بتدي طعم رائع مع الفول السوداني جربيها وعلي ضمانتي بس اهم حاجة اعمليها في بايركس او حاجة مش بتلزق من تحت عشان تتقطع من غير تقطيع وبالهنا والشفا

صباح الخير جميعا.....ابلة دينا مش انا اخيرا عملت البسبوسة وطلعت جميلة اوي ربنا يخليكي يارب وتسلم...