ابلة دون
مساء الفل يا حبيبتى
ماما بتسلم عليكى وبتسألك عن طريقة العكاوى

لاروز ممكن تجيبي دريم ويب وعلبة فواكه وتقطعى الكيكة طبقات وتحشيها بكريمة وفواكهوبعدين تغلفيها كلها بكريم شانتى

فطومه
جربت طريقتك فى الفراخ طلعت لذيذه تسلم ايدك
بس ريحة الفحم مش باينه اوى
وكمان انا بحبها محمره اوى بس من سوء الحظ مش عندى شوايه ف الفرن
واتدبست فى ميكروييف مطلعش فيه شوايه هو كمان
نفسى اكسسسسسسسسسسسسسسسره


ابله دينا
ينفع الف الرقاق بتاع اللحمه بعد ماسقيه شوربه عشان اقدر الفه والا حيبقى صعب؟
عشان طريقة فرده فى الصنيه بيكون مزعج فى اكله جدا
ولما أقطعه على الاكل بتقع اللحمه والطبقات تفك من بعضها
ومش بحب الجلاش
؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم مرة تانية
اختي don شكرا على الرد واتمنى تعطينى طريقة حلوة لعمل الكوسه اي طريقة المحشية او او .... ومثل ما اتفقنا مصرية 100%
شكرا

صباح الفل

بالهنا والشفا يا سندريلتي تتركيها في الفرن لحد ما تنشف خالص يا بنتي ممكن تكوني زودتي الصلصة فطرتها

المهم يعني مش لازم شواية انت ممكن تقلبيها على الناحيتين وخلاص

وكمان علشان ريحة الفحم تبقى فيها بعد ما تطشيها ابلزيت المغلي تروحي مغطياها كويس وتزيينيها بالبقدونس المقطع وعلى فكرة لو ضفتي للخلطة فصين توم مهروسين هيدوها طعم حلو

هاقوللك على حاجة في الرقاق يا قمر احنا بنقلبها الأول في طبق التقديم وبعدين نقطعه مربعات وممكن تعملي حاجة انا باعمل الصينية بست رقاقات 3 فوق و3 تحت وفي النص اللحمة ممكن بقى بعد ما تدهني الصينية سمنة تروحي بلة رقاقية وتخلي نصفها في الصينية ونصفها برة وكم واحدة بحيث من كل اجناب الصينية يبقى فيه نص رقاقية برة تمام تعملي بقى الرقاق عادي 3 وبعدين لحمة وبعدين 3 وبعدين تقفلي على الرقاق بالجوانب اللي احنا مطلعينها من برة وبكده تبقى فطيرة مقفولة لما تسويها وتقلبيها مش هتنزل اللحمة من الجناب