ان غالبا يا نورا بأمر الله تعالى هاعمل :
حمام محشى
ملوخية
رقاق
شوربة كريمة بالفراخ و المشروم
بوفتيك
سمبوسك ( جبنة و لحمة )
سلطات متنوعة
و كنت بفكر اعمل رز بالمكسرات بس بلاش عشان مش هيتاكل أوى
اعتقد كده بسم الله ما شاء الله كفاية بما ان احنا مش كتير . و بعدين عشان الأكل الكتير بيقعد فى الثلاجة كتير و رمضان بيحب التجديد فى الأكل
و كمان الحلو إن شاء الله هاعمل كنافة اساور بالكاجو ( حلقات ) و كنافة ملفوفة بالبندق و يمكن بسبوسة بفستق مبشور على الوش لو انى مش بعرف اعملها أوى
و ربنا يعود علينا الأيام بالخير يارب و يبلغنا رمضان و يجعلنا من المغفور لهم فيه آمين

اعتقد يا فطومة أنك ممكن تاخدى منها جزء و تستخدمية عادى و خلى الباقى فى الثلاجة

و ممكن تحطيها فى الميه الدافية على طول و تدوبيها بس برده هتاكد من ماما إن شاء الله و اقولك

منى

ميرسي يا منمن في انتظار ردك

سندريلا

بالهنا والشفا يا جميلة الصراحة الرقاق ما جربتوش من غير مرقة اللحمة اعتقد مش هيكون حلو من غيرها صح؟

نورا

كل سنة وانت طيبة انت نسيتي عوايد مصر ولا ايه طبعا اول يوم عند حمايا ان شاء الله وتاني يوم غالبا عند مامتي ان شاء الله تعاليولو ان لسة لا حمايا ولا ماما عزمونا بس كل سنة كده يعني

بالنسبة للأكل كده يبقى ثالث يوم عندي ان شاء الله بافكر اعمل مكرونة بالباشميل وبفتيك مع السلطات والمخلل والحلو غالبا قمر الدين او كنافة انا باحب اعمل صنف اكل واحد ويكون قليل علشان يخلص وما اكررش الأكل تاني يوم في رمضان

دموع المنيو بتاعك ماشاء الله كبير هو انتو كام واحد؟
فطومة المنيو بتاعك حلو وخفيف
انا بقى ان شاء الله بفكر اعمل شوربة كريمة الخضار وكبسة وسلطة خضرا والحلو مهلبية قمر الدين وتانج وكده كفاية قوى بس نخلص الاكل لان الواحد بيبقى حاسس انه هياكل الدنيا كلها ومبياكلش غير نص اكلته

بصى يا نورا انا و جوزى بس هاعمل إن شاء الله الأصناف ديه بس كميات قليلة مش كتير قوى
اللى ممكن اعمل فيه كمية هى الحلويات هتفضل فى التلاجة و السمبوسك هدخلة الفريزر بس كدة يا جميل