la rosa :

سبانش انا اول مرة اسمع ان الملوخية مبتتغليش طيب ماكده على ما تفك هتكون بردت ماهى لازم تاخد غلوة عشان تتسخن ولازم تبقى سخنة بتغلى وانتى بتحطى الثوم ال المتحمر عليها ....انا مبعملهاش كده انا باخد شويه من شوربة الفراخ المغلية واحط فيها الملوخية بعد ما اكون طلعتها قبلها بربع ساعه كده تدوب شويه بس مش خالص واحطها فى الشوربة واقلبها واسيبها لغاية ما تدوب خالص وبعدين ازودلها مية وشوربة لغاية الكثافة اللى انا عاوزاها واسيبها تغلى على الهادى واول ما يبقى الريم بتاعها اصفر احمر الثوم المدقوق مع الكسبرة واحطه على الملوخية وهى بتغلى واغليها غلوة واحده بس واطفى

سبانش انا اول مرة اسمع ان الملوخية مبتتغليش طيب ماكده على ما تفك هتكون بردت ماهى لازم تاخد غلوة...

don :

انا اسفة والله للتاخير بس المهم متشاركيش فى صمت تانى تعالى معانا فى النور والله حتنورينا الكريب الفانيليا 3 بيضة – 100 ج سكر – باكو فانيليا – 5 ج ملح – 100 ج زبدة – 100 ج زيت – 250 جح دقيق – 500 ج حليب دافىء الطريقة نضع فى طبق البيض والسكر والملح ولبفانيليا ونضربهم بالمضرب اليدوى كويس ثم ننزل عليهم بالويت واقلب ثم ننزل بالذبدة ونقلب ثم نضع الدقيق ونخلطهم بالراحه نضع الحليب على النار لحد ما يغلى ثم انزل عليه بالخليط اللى عملناه مع التقليب وبعد مايجهز نصفيه الاول ثم نتركه يرتاح لمدة 10 د نجيب مقلاية تيفال ونمسحها مسحة خفيفة جدا بالزيت ثم ننزل بالعجينة بالمغرفة على هيئة قرص ولما يمسك نفلبه الناحية التانية ونشيله ونعمل وحدات تانية وهكذا ثم نحشية بحشوات مختلفة مثل حشو البلح وحشو التفاح وحشو المانجة ونضع علية صوص فانيليا او صوص شيكولاتة او صوص مانجة الكريب بالشيكولاتة 3 بيضة – 100 ج سكر – باكو فانيليا – 5 ج ملح – 100 ج زبدة – 100 ج زيت – 200 ج دقيق – 500 ج حليب دافىء – 50 ج كاكاو الطريقة نضع فى طبق البيض والسكر والملح والفانيليا ونضربهم بالمضرب اليدوى كويس ثم ننزل عليهم بالزيت واقلب ثم ننزل بالذبدة ونقلب ثم نضع الدقيق و الكاكاو ونخلطهم بالراحه نضع الحليب على النار لحد ما يغلى ثم انزل عليه بالخليط اللى عملناه مع التقليب وبعد ما يجهز نصفيه ثم نتركه يرتاح لمدة 10 د نجيب مقلاية تيفال ونمسحها مسحة خفيفة جدا بالزيت ثم ننزل بالعجينة بالمغرفة على هيئة قرص ولما يمسك نفلبه الناحية التانية ونشيله ونعمل وحدات تانية وهكذا ثم نحشية بحشوات مختلفة مثلحشو الشيكولاتة و حشو البلح وحشو التفاح وحشو المانجة ونضع علية صوص فانيليا او صوص شيكولاتة او صوص مانجة صوص الشيكولاتة 500 ج حليب – 50 ج كاكاو – 100 ج سكر – 50 ج ذبدة – 250 ج شيكولاتة دارك الطريقة نضع الحليب على النار وعلية السكر والجولكوز والشيكولاتة القطع لحد ماتسيح مع التقليب كويس وفى الاخر نضع الذبدة علشان اللمعه مع التقليب http://forum.hawaaworld.com/showthread.php?t=616999&page=208#Scene_1 ملحوظة بس انا على فكرة لما بعمله بحشية بالشيكولاتة النوتيلا اللى فى البرطمانات وبالنسبة للصوص بعمل الصوص العادى اللى بنحطه مثلا على الاكلير اللى هو تزوبى الشيكولاتة الخام على حمام مائى وبتحطيلها حتة ذبدة لحد ماتسيح بالسمك اللى انتى عيزاه وتصبيها من بره

انا اسفة والله للتاخير بس المهم متشاركيش فى صمت تانى تعالى معانا فى النور والله حتنورينا الكريب...

spanishflower :

كتكوته ازيك بعد اذن دون الملوخيه متغليهااااش ابداااااااااااااااااا اوعي الملوخيه المجمده ( تكوني مجهزه الشوربه و فيها كسبره و فصين توم و تكون بتغلي و تحطي فيها كيس الملوخيه و هي مجمده من الفريزر و طفي النار و سيبي الملوخيه تفك براحتها خالص ساعه مثلا و قلبيها كل شويه بعد كده حطي عليها التوم المتحمر بتاعها و دمتم سالمين)

كتكوته ازيك بعد اذن دون الملوخيه متغليهااااش ابداااااااااااااااااا اوعي الملوخيه المجمده ( تكوني...

don :

صباح الفل يا رانيا صباح الفل يا لاروزتى بصى يا لاروز كلام رانيا صح الملوخية المفروض مبتتغليش خالص الا غلوة واحدة بس بعد ما بنحط التقليه بنخليها يا دوب تقلب قلبه ونطفى على طول لكن اللى بنغليها كويس قوى هى الشوربة قبل وضع الملوخية يعنى بنغلى الشوربة الاول كويس جدا وبعدين نضع الملوخية وبعدين المفروض انتى بقى يا نورا بالخبرة تبقى عرفتى مقدار الشوربة خلاص يعنى متفضليش مثلا تزودى شوربة او ماء لحد ماتظبط انتى بالخبرة بتعرفى خلاص الكيس بياخد قد اية عندك شوربة لكن ممكن نزودها لما ناكل منها ونيجى نسخنها بس حاجة واحدة اللى انا مبعملهاش زى رانيا انى مبسبهاش على نار هادية لمدة ساعه على ماتفك انا بخليها تفك خالص او 3/4 فك وبستعملها عادى وكل الحكاية مبتاخدش 10 د المهم ان الملوخية متتغليييييييش ملحوظة بالنسبة للبنات اللى لسة مبيظبوطوش الملوخية وساعات بتسقط منهم بعد مايطفوا النار فمتبقوش تغطوا الحلة يعنى بعد ماتضعوا التقلية وتقلب قلبه وتطفوا سيبوها مكشوفة علشان متصقتش منكم

صباح الفل يا رانيا صباح الفل يا لاروزتى بصى يا لاروز كلام رانيا صح الملوخية المفروض مبتتغليش خالص...