مبروك علينا الملف الجديد وبداية موفقة انا بموت فى الكفتة المشوية برة بس مبطلاها من فترة عشان الامراض وبحاول اطلع الطعم فى البيت زى برة
وان شاء الله اجرب طريقتك يا دينا انا بعملها تقريبا زيك بس بضيفلها كبيبة صينى مطحونة رشة بسيطة وخضرة مفرومة شوية بسيطة برضه بس بحسها اطعم

وفى الصنية ابشر حته ليه على الوش ولما تستوى احط فحمة مولعة واكتم الدخان وعندى سؤال فى موضوع الفحم المشاركة الجاية عشان يبقى واضح للجميع يلردوا عليه


مرضيتش ادخل وايدى فاضية جبتلكوا دول :

منقووووووووووووووووول


للكوسه المطبوخه والمحشيه- إضافة النعناع الناشف أو الأخضر يضفي نكهه مميزه جدا

لصينية البطاطس - أضيفي الثوم المدقوق والكسبره وجوزة الطيب المبشوره

للباميه اطحني الثوم مع الفلفل الرومي البارد وحمريهم في الزبده واضيفي عصير الطماطم

للملوخيه لا تغطيها وهي سخنه اتركيها تبرد بعد إضفة التقليه- حتي لا تسقط ولا تسود

للقلقاس - بعد إضافة السلق لا تتركيه يغلي - لونه يصفر

الخرشوف - لا تسلقيه كثيرا اذا كنتي ستقومين بتخزينه في الثلاجه- وبصفه عامه الخرشوف يقدم مسلوق افيد واحلي من المطبوخ

للفراخ المشويه او الشيش طاووك اضيفي عصير الليمون بكثره في التتبيله

للكفته المشويه تتبل بعصير البصل فقط وليس بصل كاملا

للفراخ البانيه اضيفي الكاري البودر في التتبيله وفي بقسماط التغطيه


لورق العنب لا تكشفي غطائه وهو ساخن حتي لا يسود لونه(عكس الملوخيه) واضيفي الليمون اثناء التسويه

للبشاميل وانواع الصوصات البيضاء وشوربة الكريمه اضيفي جوزة الطيب المبشوره

للخيار المخلل اضيفي الكرفس وفصوص الثوم


تسلق المعكرونه لمدة 7 دقائق في ماء مغلي = 3اضعاف كميه المكرونه -اما المكرونه

المستخدمه في صينيه بالبشاميل تحتاج لمزيد من التسويه


للبفتيك -يتبل ويغطي بالبقسماط ويدق ،ثم يغطي بالدقيق ثم البيض ثم البقسماط ثاني -يترك في الفريزرربع ساعه قبل القلي -ويطلع علي القلي علي طول ومش هاتشتكي تاني انه بيكش او قشرته بتتفك

1
للأرز بالبسله والجزر اسلقي البسله والجزر لوحدهم-سوي االأرز للنهاية وقبل التقديم أضيفي البسله وقلبيها جيدا -لو اضفتيهها في بدايه الطهو ستتهري وتعجن داخل الأرز


للحمه البارده لا تسوي 100 % ياعني سوي الا ربع عشان ماتتهريش اثناء التقطيع- تبرد جيدا فى الثلاجه قبل التقطيع -تقطع رفيعه جدا بسكين حامي او سكين بالكهربه

18-لعمل حشو للبط او الدجاج(أرز أو فريك )لابد ان يسوي الأرز خارجيا ثلاثة ارباع تسويه ليكمل النضج بداخل الدجاجه او البطه
عند انضاج اي نوع من انواع اللحوم البيضاء لابد ان تبرد ساعتين علي الأقل قبل تسويتها وبعد ذبحها اي الا تطهي وهي لحمها ساخن - لن تنضج


سر الكفته المشويه -ليه بنقول مش زي كفتة الحاتي - استخدمي الإليه الضاني فوق الشوايه وبجوار الكفته مع فحمه وهاتبقي احلي من بتاعة الحاتي

21
لعمل العصاج افرمي البصل واضيفيه مع اللحم المفروم في مقلايه تيفال قلبي علي نار هادئه وقلبي حتي يتغير لونه اتركيه ينزل مائه -اضيفي التوابل وقلبي جيدا -ياعني بدون اضافه دهون نهائيا

-ينفع للدايت ولا يجعل الكبيبه تفك -ويقلل السعرات الحراريه للأطباق مثل المكرونه بالبشاميل

لمنع الغازات اضيفي الكرفس لشوربة العدس والكمون لمحشي الكرنب

تسلق جميع انواع البقول في ماء وتصفي ويتم تغيير الماء عند التسويه او التسبيكه -وذلك لمنع مغص القولون العصبي


لنكهه مميزه - يطهو الرقاق وشوربة العدس بشوربة المواسير


لتحمير الدجاج بطريقه صحيه وخفيفه -توضع بعد السلق تحت شواية الفرن وتتبل بالملح والفلفل -ياعني بدون دهون نهائيا

يضاف لسلطة الطحينه 2ملعقه زبادي -تجعلها هشه وخفيفه

لتحمير الشعريه واللسان عصفور يفضل تحميصها في التيفال بدون دهون وتضاف الدهون عند التسويه

الخلنجان -او الفلفل السعودي -او الكبيبه الصيني كلها مسميات لتابل واحد إضافته في المحاشي تعطي نكهه مميزه جدا تجعلها افضل من الجاهز بمرات

لعمل محاشي مظبوطه -تضاف الخضره والبصل وعصير الطماطم والطماطم المقطعه 3اضعاف كمية الأرز -يسوي كل صنف منفرد -ورق العنب -الباذنجان -الفلفل - الكرنب -ويضاف لماء الكوسه عودين نعناع اخضر وفي الحشو نعناع ناشف


للخضار السوتيه يسوي علي البخار او يسلق لمده 3دقائق للجزر والبطاطس - دقيقه للكوسه - يشوح كل صنف علي حده في مقدار من زبدة المائده و2فص مستكه وفص حبهان ويجمل بالشبت

لضمان انضاج الدجاج المشوي واللحوم المشويه الصحيحه (الاستيك والكباب) تشوي علي الشوايه حتي تأخذ لون الشي وتكمل تسويتها في صينيه بها ماء علي نار هادئه ثم بالفرن- بالنسبه للكفته العكس تشوح اولا في التيفال ثم تشوي علي الشوايه


ليس دوما محبذ إضافة النعناع الناشف لسلطة الزبادي يكفي 2فص ثوم مبشور وملح وخل وليمون وفلفل ابيض

سلطة البنجر(الشمندر) مفيده جدا يمكنك فرمه وخلطه مع المايونيز او الزبادي لتقديم نوع جديد من السلطات

اذا اضطريتي لإعادة استخدام الزيت في القلي فقومي بعصر نقطتان ليمون فيه واثناء تسخينه سيقوم باخراج ريم اسود اكشطيه واقلي

اذا أردتي الملوخيه خفيفه بدون عرق جامد اضيفي لشوربتها مقدار نصف كوب من عصير الطماطم

عند سلق ورق العنب يضاف لماء السلق كميه من الزيت والخل حتي يحتفظ بلونه ومزازته

وعند سلق جميع انواع الخضروات تخرج إلي ماء مثلج حتي تحتفظ بلونها

عند اخراج صينيه المكرونه بالبشاميل من الفرن او الكوسه بالبشاميل لا تغطيها بالفويل وهي ساخنه سيتكثف الماء وينزل علي المكرونه ويساعد علي سرعه افسادها

عند اعداد السلطه الخضراء جهزي التتبيله خارجيا واضيفيها فور تقديمها -لان اضافتها من بدري ستساعد علي سرعه إذبال الخضروات

اذا اكتشفتي ان أكلك مالح اضيفي حبة بطاطس مقشره تمتص الملح


اذا اكتشفتي ان اكلك حار اضيفي ملعقتين من الزبادي تمتص الحراره



اذ زادت منك كميه الدهون يمكن امتصاصها بالملعقه من علي طرف الحله او إضافة ملعقه كبيره من الدقيق للصوص



اضيفي حبة البركه علي وجه المخبوزات مفيد ومشهي(الجلاش -الرقاق-البوريك - الفطير الحاذق)


لعمل الجلاش بالصينيه لا تضعي المزيد من الرقاقات حتي يستطيع تشرب السمن ولا يصبح ناشف مقرمش -اضيفي كوب لبن كبير وبيضه علي الوجه ووزعيها ليصبح الجلاش طري مثل الفطير المحشو


إضافة دقيق الذره للدجاج البانيه يجعله مقرمشا زي الجاهز


عند عمل البيكاتا يمكن استبدال الخرشوف مكان المشروم -يعطي طعم مميز بشده

للسبانخ -تنشف منها الماء جيداعلي نار هادئه قبل الطهو -تضاف الكسبره الناشف للصلصه وحمص الطبيخ

لجميع السلطات بالمايونيز - كول سلو -سلاط روس -سلطة البطاطس - يمكنك تخفيف المايونيز بمقدار من الزبادي او الكريمه اللباني

عندى مشكلة فى الفحم حسة ان النوع النباتى اللى بجيبة وحش مع ان جبته من كذا مكان(ميرو هاتموتنى :) )
بس لما بيسخن واضيفلة رشة زيت عشان يدخن ريحة الدخان مش بتبقى ريحة دخان بره

ممكن حد يقولى المشكلة فين ولو المشكلة فى نوع الفحم (هو فحم نباتى على فكرة مكتوب عليه كده) حد يقولى النوع الكويس اجيبة منين

دى طريقة بسكوت اليانسون لشيمو حبيبتى ولكل اللى عايز يجربها طريقتها سهله جدا وطعمه جميييييييل جربوه
يالا نبداء بالمكونات
1\ 3 الا ربع كوب دقيق
2\ 3بيض
3\ ربع كوب زيت
4\ معلقه صغيره فانليا ومعلقه كبيره بكينج بودر
5\ معلقه كبيره ينسون متحمصه ومطحونه
6\ كوب سكر
الطريقه
فى الخلاط نضع البيض والزيت والفانليا والسكر والينسون ونخلط
نصب الخليط السابق على الدقيق بعد اضافة BB له ونخلط المكونات كلها مع بعض حتى تتكون عجينه لينه جدا تلتصق باليد نجهز صينيه مدهونه زيت ونقوم ايضا بدهن ايدينا بالزيت حتى نستطيع فرد العجينه فى الصينيه واهم حاجه تكون الصينيه كبيره ولو كانت مستطيله تبقى احسن وتبقى حافتها قصيره حتى تكون قطع البسكوت هشه ورفيعه وبعد فرد العجينه نرش على وجهها رشة ينسون بس مش مطحون او ممكن رشة سمسم زى ما انتى عايزه وبعد كده نضع الصينيه فى الفرن وبعد ما تتحمر من تحت نقوم باخراجها وتقطيعها بالسكين الى قطع قبل النضج وبعد كده نرجعها تانى الفرن تحت الشوايه حتى يحمر الوجه ويبقى لونه دهبى نطلعها من الفرن ونسيبها تبرد شويه وبعد كده نطلع قطع البسكوت وبالهنا والشفا يا حلوين

ودى صوره للبسكوت

تسلم ايديك يا أماني

بالنسبة للمشبك انا لقيت وصفة حلوة قوي لأم عبد المنعم وطبقتها



نيجي للطريقة

المقادير



1 كوب دقيق منخول
1/2 كوب نشاء
1/2 ملعقه صغيره خميره
ماء دافئ حسب العجن ( تقريبا من 1 كوب ماء قد يزيد و قد يقل)
ذرة ملح


شيره ( 2 كوب سكر + 1 كوب ماء + عصير 1/2 ليمونه كلها علي النار حتي ذوبان السكر و الغليان و تهدأ النار و نضع القليل من الفانيليا و تترك علي نار هادئه لمدة 10 دقائق لتتقل ثم نضعها بالثلاجه لتبرد)


الطريقه


نضع ملعقة صغيره سكر علي الخميره و القليل من الماء الدافئ و تترك لتختمر لمدة 10 دقائق
ثم نضع الدقيق + النشا + ذرة الملح و تقلب معا
ثم نضع الخميره
و يعجن بالماء الدافئ حتي نحصل علي عجينه رخوة سائله في كثافة الطحينه تقريبا
تترك لتختمر في مكان دافئ لمدة 1 ساعه أو حتي يتضاعف حجمها
ثم نضع العجينه في علبة الكاتشب ( و ممكن أستخدام براد الشاي أو القمع )
أنا بستخدم علبة الكاتشب لانها أسهل في التشكيل
ثم نضع الزيت علي النار و لما يسخن ( مش يغلي )نشكل المشبك دوائر
و ترش بالزيت و تقلب حتي تحمر من الجهتين
ثم تنشل من الزيت و نضعها بالشيره البارده ( و يجب ان تكون الشيره بارده و ثقيله )


المشبك كان مقرمش وحلو وانا بحبح كدا بصراحة
بس مش عارفة بقى اللي بيحبوه طري نتصرف ازاي ؟؟ :)