don :

وانتى بالف خير عليكى وعلى اسرتك ربنا يكرمك على دعوتك الكريمة لاسرة جاركم بصى يا حبيبتى انا طبعا انا مش عارفه انتى منين لكن بالنسبة للاكل متقلقيش لانكم فى اى بلد عربى بتكون على سفرتكم الكبسة مثلا بالدجاج او اللحم والسمبوسك ودى اكلات احنا بنحب ناكلها منكم فأذا كنتى حتعمليهم ممكن تزودى عليهم نوع خضار زى ملوخية او صينية بطاطس وممنك تعملى صينية مكرونة بالبشاميل ولو مش حتعرفى ممكن اى نوع مكرونة بتعرفيه او لو بتعرفى مثلا تعملى محشى بزنجان وفلفل او كوسة واللحوم ممكن فراخ مشوية او فراخ بانية او صينية بفتيك لان الصايم بتبقى اكلته مش كبيرة لاننا بنملى المعدة بالمشروبات ولو بتعرفى تعملى مثلا عصير قمرالدين او كركدية او بيبسى وعموما انا تحت امرك فى اى صنف عايزة تعمليه ولو حبيتى تقولى القائمة اللى بتفكرى تعمليها واحنا نظبطهالك احنا منتظرينك ورمضان كريم والحلو قطايف او كنافة

وانتى بالف خير عليكى وعلى اسرتك ربنا يكرمك على دعوتك الكريمة لاسرة جاركم بصى يا حبيبتى انا طبعا...

دموع التائبة :

بصى يا جميل اولا كل انواع اللحمة اللى بناكلها فى مصر من الجزار ديه لحمة جاموسى و ليس بقرى البقرى بيتعمل منها المنتاجات الجاهزة اللى زى البرجر و السوسيس و كده لنها عموما دسمة اكتر من الجاموسى الجاموسى الصغير الى هو البتلو اللى لسه بيبى مش اتجوز و لا حاجة الجاموسى الكبير اللى هو العجل الكبير بس مش كبير اوى برده بس عموما اى عجل لما يكون صغير بيبقى لحمه لونه فاتح اول ما يتحول لون اللحمة الى الحمر كده بيبقى كندوز البفتيك ديه طريقة تقطيع و ليس نوع لحخمة بمعنى ان فيه بفتيك كندوذ و فيه بفتك بتلو و بيبقى شطلة شرايح كبيرة من غير عظم و اللى بتعمل منها الأسكالوب و الكباب الحلة برده طريقة تقطيع اللى بيكون قطع مكعبات تنفع تتعمل لحمة بالبصل او فى الخضار و فيه منها بتلو و فيه منها كندوز و ده الأكتر طبعا ثالثا العرق التربيانكو ... اللى بيبقى مربوط بحبال كده و بيتوشح فى لتوم و بيتعل لحمة برده ده كنوز بس بيكون من حتت معينة بتتطلع شكلها زى الأسطوانة كده و غالبا بتكون من الفخدة بتاعت العجل و فيه الريش ............ اللى بتتشوى برده بتبقى ريش بتلو و ريش كندوز و فيه حاجة اسمها انتركوت ................. ديه بتبقى شرايح سمكية شوية زى البفتيك بس سميكة و بيبقى حوليها دهن ابيض بس مش كتير كانة برواز لحتة اللحمة و ده بيتعمل كده فى الطاسة مع زبدة و و يتزود ميه و بتبقى حلوة اوى و فيه لحمة اسمها موزة ديه بتبقى شكلها زى الموزة الصغيرة و لحمتها ناعمة كده و بتتعمل فى الزبدة و بصوص توم و بكده طعمها تحفة جدا لنها بتبقى لحمة ناعمة جدا كأنها وراك فراخ من نعومتها و فيه حاجة اسمها عرق فلتو بتبقى زى العرق التتربيانكو بس انعم و لحمة اخف و اسرع جدا فى السوا مش بتاخد وقت خالص و تعتبر من اغلى انواع اللحوم و عموما لما تحبى تشترى لحمة امن الجزار قوليلة انا عايزة وش فخدة ديه احسن حاجة لأنها اكترها بيتقطع بفتيك و ممكن يطلع منها كباب حلة او مفروم بس عموما ميزة الوش فخدة انها بتكون لحمة مش كبيرة اوى و حمرا مفيهاش دهون كتير و مش بتاخد سوا جامد و طبعا فيه اللحمة الضانى اللى فيى منها الضلع و الفخدة و الرقبة و الريش و ديه طبعا لحمة الخروف و فيه لحمة الجمل و ديه غالبا بتتعمل بيها كفتة الرز بيبقى طعمها مميز بيها جدا و حسن من اللحم الكندوز و المفروم طبعا بيكون لحمة كندوز و ممكن تكون حمرا او فيها نسبة دهون حسب اختيارك و يارب اكون افدتك و كل سنة و انتم كلكم بصحة و خير و الى الله اقرب تجربة صغيرة بقى حبيت اقولهالكم من يومين شفت الشيف حسن من برنامج من كل بلد اكله عمل كنافة و جربتها طلعت من فضل الله ما شاء الله لا قوة الا بالله تحفة بجد كنافة عادة بقطعيها صغير و تحطلها سمنة و تكون جايبة الصينية و تقطعى فيها مكسرات فى القاع بتاعها و ترشيها و بعدين تحطى عليها الكنافة و تطغطى عليها كويس و بعدين تدخليها الفرن تتحمر و لما القاع بتاعها يحمر تشيليها و تكونى مجهزة كريم شانتية مضروب و او كريمة لبانى مضروبة مع سكر بودرة و معاهم جنبة كيرى او اى نوع و تحطيهم فى التلاجة يجمدوا و لما تطلع الكنافة تسقيها عسل و تسبيها تبرد و بعدين تحطى عليها الكريمة و هى لسة فى الصينية و بعدين تدخليها التلاجة تانى تبرد شوية و بعدين تقلبيها فى طبق تقديم و ممكن تزودى على وشها شوية عسل تانى هتبقى حلوة اوى الوش مليان مكسرات و بعدين الكنافة و من تحت الكريمة جربوها و بالهنا و الشفا مقدما و فكرة للأضافة احنا كلناها بعد الفطار عادى كده لكن فى السحور زودنا عليها قطع مانجة بجد تحفةةةةةةةةةةةة و للعمل سهلة جدا فى العمايل بس انا اللى شرحى طويل حبيتين استحملونى :)

بصى يا جميل اولا كل انواع اللحمة اللى بناكلها فى مصر من الجزار ديه لحمة جاموسى و ليس بقرى...

Amml N :

شكرا لك على الافاده الجميله لانواع اللحوم جزاك الله كل الخير ممكن مقادير الكنافه المذكوره من فضلك

شكرا لك على الافاده الجميله لانواع اللحوم جزاك الله كل الخير ممكن مقادير الكنافه المذكوره من...

don :

ازيك انتى يا سلفانا كل سنة وانتى طيبة هى دى الجبنة اللى على وش البيتسا يا ام كريم ؟؟ طب انتى ليه نخلياها تاخد لون كدة ؟؟؟ ابقى طلعيها لما تسيح بس ومتاخدش لون احمرار خالص حتلاقى طعمها احلى وبتمط اكتر وانتى بتاكليها عموما تسلم الايادى ربنا يخليكى يا ام الزوق كله ....وبالنسبة للصور اول ماتوصلنى حنزلهالكم لانى اتكسفت بصراحه اصورها انا بنفسى وفضلت ازغد فى ميرو وابسبسلها كل شوية عشان تصورهالكم بس الحمد لله لقينا اللى قام بالمهمة دى طيب علشان خاطرك بس وعلشان خاطر رمضان بس مش علشان خاطر الازواج والا مش حقول :mad: اول حرف منها ميم م

ازيك انتى يا سلفانا كل سنة وانتى طيبة هى دى الجبنة اللى على وش البيتسا يا ام كريم ؟؟ طب...