la rosa :

كتكوتة انا امبارح عملت بريانى وانهارده ان شاء الله هعمل مسخن الكبسة يا ام كريم بسلق اللحمة وبعدين احمرها شويه او اشوحها فى شويه زيت وبعدين اقطع بصلة كبيرة او افرمها فى الكبة احسن واشوحها شويه وعليها كمون وكركم وطماطماية كبيرة مبشورة او متقطعة ومهروسة بالشوكة ومعلقة زبادى واحط اللحمة ومعلقة كبيرة صلصة واسيب الحاجه تتسبك شويه وبعدين زودى مية على قد الرز وحطى معاها بهارات حب يعنى قرنفل وحبهان وقرفة ومستكة كله صحيح و لو عندك خلطة الكبسة الجاهزة حطى منها كمان بخلى الطعم احلى واحلى ولو معندكيش خلاص كده اوك ولما تغلى تكونى غاسلة الرز البسمتى تحطيه فى المية المغلية مع زبيب وتقلبى تقليبتين عشان يختلط الرز باللحمة والزبيب وخليه يستوى عادى وتكونى محمصة شويه مكسرات ويستحسن تحمصيها فى الفرن عشان تبقى خفيفة ولما تغرفى الرز حطى المكسرات على الوش و بالهنا والشفا الثوم البودرة بيتكتل عشان بيدخله رطوبة كل مرة بتفتحى البرطمان وتقفليه لكن انك متخليهوش يتكتل ازاى بصراحة معرفش احسنلك بدل ما تستعملى ثوم بدرة افرميلك كمية واخلطيها مع زيت زيتون وبططيها فى كيس نايلون فى الفريزر وكل ما تحتاجى اكسرى حته منها وحطيها على النار على طول بالنسبة للتشيز كيك انا مبحبش اعملها بالبسكوت عشان بتبقى بتبقى دسمة قوى وبتنشف وبتفصل على طبقة التشيز نفسها فبحط طبقة كيكة اسفنجية جاهزة زى امريكانا والحاجات دى والتشيز كيك بتبقى جبن كيرى وجبن فلادلفيا وعلبة قشطة وكريم شانتى او كريمة لبانى مضروبة وسكر ولما تجمد ممكن تعملى زيها بس بالشيكولاته وتبشرى على الوش شيكولاته او تزوقيها بالكريم شانتيه والكريز المعلب او الكمبوت او تعملى اكتر من لون جيلى وتجمدى كل لون لوحده فى صينية مسطحة مستطيلة وبعدين تقطعيه مكعبات وتحطيها على وش التشيز كيك او تحطى حاجه اسمها باى فيلنك هتلاقيها فى السوبرماركتات الكبيرة شويه عند الكمبوت والحاجات دى بتكون بالتفاح وفى بالاناناس وبالفراولة وبالكريز حبيبة ابراهيم فى البسبوسة اللبن بيكون حليب سائل اه او مية ودوبى فيها نيدو بس متخليهوش خفيف يعنى حطى بودرة نيدو كمية كفاية والنص كيلو سميد يعنى كوبايتين ونص من كوبايات الوسط وممكن نستبدلى الزبدة او السمنة بزيت او زيت وزبده نص كده ونص كده وهتطلع برضه حلوة واخف

كتكوتة انا امبارح عملت بريانى وانهارده ان شاء الله هعمل مسخن الكبسة يا ام كريم بسلق اللحمة وبعدين...