http://www.lakii.com/vb/showthread.php?t=591475

مساء الخير

دي بقى الأسئلة السخيفة اللي على آخر الليل أقصد أسئلتي طبعا

انا عملت مهلبية قمر الدين اللي بالنشا ومش راضية تجمد زهقتني زدت عليها نشا 3 مرات وبرضو مش راضية تتقل :(

أعمل ايه هيا كدا خربت ولا ايه أنقذوني :(

السلام عليكم
بيتهيالي ان الملف ده فتحاه ابله دينا
ممكن اعرف بتروح فين انا سالتها 50 سؤال ومرادتش عليه اهئئئئئئئئئئئئئئئئئئئئئ
هاتقوليلي عديهم تاني هاقولك مش فكراهم للاسف
بس ياريت حسك معانا
وصور العزومه

مروة الشوربات مثلا اعملى شوربة لسان عصفور لو حماتك تقليدية او شوربة فراخ بالكريمة وحطى فيها قطع فراخ مسلوقة ومشروم ومكعبات بطاطس صغيرة ده لو حماتك مش تقليدية
المقبلات هديكى خيارات اختارى منهم صنفين سمبوسة وبطاطس محمرة وعيش بالثوم زى بتاع بيتزا وكبيبة هاتيها مجمدة جاهزة وخمريها بس
السلطات فتوش وهو عبارة عن طماطم وخيار وخس وفى ناس بتحط بصل ولمون وزيت زتون وعليه عيش محمص
وممكن جنبها سلطة بطاطس زى بتاعة كنتاكى او سلطة الفتة الشامية او سلطة مقالى او سلطة برجر
الاطباق الجانبية انا بحب دايما اعمل بطاطس فورد وهى بطاطس مسلوقة ومهروسة مع قشطة او لبن او كريمة لبانى وملح وكمون وعلى الوش مشروم وفلفل رومى وبصل وجبنة مبشورة وبتدخل الفرن 10 دقايق وتعملى جلاش باللحمة المفرومة او تحشيه بحشوة البيتزا او حشوة فراخ بالخضار والبشامل او تعمليه مطبق او خرشوف باللحمة المفرومة او قوارب الكوسة باللحمة المفرومة او محشى بطاطس باللحمة المفرومة
اللحمة والفراخ ممكن تعملى بيكاتا او لحمة بارده او فراخ محشية او رولات فراخ محشية بحشوة الكوردن بلو او ورقة اللحمة
الرز اعملى رز بنى او الرز اللى انا كتبته فوق او رز صيني

كتكوتة السكر مبيعملش كريستالات فى شربات البسبوسة وانا بعملها بنص المقدار وبتطلع كتيرة برضه فانتى جربيها بنص المقدار كفاية وهتعجبك

حبيبة ابراهيم لو ممسكتش يبقى قلبيها كويس عشان تروح اى كلاكيك اتماسكت فيها وحطى فيها كمبوت من غير ميته او فواكه مجففة بتاعة الخشاف وتتاكل بالمعلقة هتبقى حلوة برضه متقلقيش