مشكوره الله يعطيك العافيه

يعنى ينفع كده ؟ ريحه الأكل جايبه آخر المنتدى ممبار و فته و روستو و ريش ده كلام برضه فى الصيام؟

لا النهارده قررت نروح نفطر بره أصل بعيد عنك صاحيه للصبح مع البنت و مش قادره أتحرك و العزومه إتأجلت للأسبوع الجاى الحمد لله

أصل أنا العيال عاملين عليه ورديات يا دوب أنيم الولد هى تصحى و تديها للصبح يعنى النهارده هى صاحيه لحد الساعه 9 و ربع الصبح بعدها نمت شويه و قمت روقت شويه و خلاااااص مش قادره أكتر من كده ده غير إن عندى دور برد محترم مخلينى فى التراوه

والله ما فيه سبب بعينه مخلينى اتاخر عليكم بي زى ماقلتلكم رمضان السنة دى صعب قوى عليا مش عارفه ليه عندى هبوط طول اليوم احتمال والله اعلم بيبقى بسبب هبوط جامد فى السكر المهم
بالنسبة لصور العزومة والله لسة جيباهم امبارح بليل بس حستنى لما حد من الولاد ييجى يشيل الناس اللى طالعين على السفرة وانزلهالكم ان شاءالله



مش لازم شواية بعينها لو عندك مقلاية او صينية مش عيزاها او قدمت اعمليها شواية هاتى اى شبكة عندك من الفرن الكهرباء او التوستر او البوتجاز وحطى عليها اللحمة وفى الصينية الفحم وحتوءدى نفس الغرض جربى كده اما لو فشلت اعمليها فى الصينية بالبصل زى ما البنات قالولك


اذا ممسكتش النهاردة بالراحه حطيها تانى على النار فى الحلة ودوبى نشا فى شوية ماء مش كتير فى كوباية وبالراحه خالص امسكى الكوب فى ايد والمعلقة فى الايد التانية ونزلى سرسوب من الكوب على القمر الدين اللى فى الحلة مع التقليب لحد ماتلاقيها ابتديت تمسك معاكى واتظبط تروحى مقلباها يادوب تقليبة واطفى واغرفيها بالهنا والشفا


والله هى دينا فعلا اللى فتحاه بس دة كان لحد مارمضان ابتدى لكن اول ما رمضان جه مبقتش دينا لكن يا ستى ولا يهمك قوليلى الاسئلة من كام صفحة فاتت تقريبا وانا اطلعهم وارد عليهم كلهم ان شاءالله

على فكرة البنات اللى بتسال على العزومة بلاحظ انكم بتحطوا الاكل وانتوا بتسالوا بصورة تصعب عليكى فى التفكير يعنى مثلا مثلا بتقولوا انا اعمل اية جنب كزا وكزا وكزا :mad:لأ كدة مينفعش انتى المفروض تفكرى بنظام شوية كدة
تقولى انا حعمل فى اللحوم كزا وفى السلطات كزا وفى النشويات كزا واعمل طبق او اتنين جانبى يكونوا كزا يعنى وانتى بتفكرى قسمى السفرة على لحوم وسلطة ونشويات وشوربة لكن مدخليش الاكل عموما فى بعضه كدة حيبقى اسهلك وتعرفى توفقى اية مع اية

وبعدين كفاية عليكم كدة سفرات ابتدوا بقى اعملوا فى الكحك والذى منه

سامعه يا شيمو (الصبر يارب ) يى ابتدى اعملى فى حاجات العيد وعايزين من ايديكى تصنيف شديد وانسى الحمام والكرنب خاااااااالص وابتدى صفحة جديدة مع كحك العيد