كتكوته اخبار عزومة المشاوى ؟؟؟ وبالنسبه للايس كريم اعتقد دندون قصدها تحطى بمعلقه الايس كريم وتزوقى من فوق اطباق الجيلى او فروت سلات

بنات....عاوزه طريقة عمل عيش الشاورما بس بالفرن مش علي الصاج القي حد يفيدني

ازيك يا سلفانا كل سنه وانتى طيبه حبيبتى وبالنسبه للعيش انا لسه عامله العيش امبارح بس عملت كفته مش شورما والعجينه كانت عجينة العشر دقائق بجد يا بنات العجينه تحفه على قد ما جربت انواع عجاين ما فيش انجح ولا اروع من العجينه دى وهافضل اقول فيها قصايد شعر والجميل انه تقدرى تعملى وتشكلى بيها انواع عديده واصناف كتيره بنفس العجينه بصو انا امبارح شويت كفته على الجريل على البتوجاز وبعدين حطيت فحمه مولع علشان تدى ريحة الشوى الجميله بعد كده عجنت العجينه وخلطت 2 كوب اسمر على 3 ابيض وطلعت روعه ومعلومه لشيمووووووووووووووووووووووو العجينه لما خلطنها بدقيق اسمر مش بتلزق خااااالص علشان انتى كنتى مره متضايقه من الموضوع ده المهم عملت من العجينه دى عيش فينو صغير وحطيت فى كل رغيف وانا بشكله خلطة بصل و طماطم عليها صباع كفته ولفيت العجينه على شكل رغيف فينو ودهنته من فوق بشوية لبن بودره بميه وكانت النتيجه رووووووعه والله العيال حبوها خالص واتبسطو اوى وكمان عملت بنفس العجينه بيتزا بالمشروم اول مره اجربها وعجبت جوزى خالص وكمان عملت خبز الصاج بيها جبت صينيه عاديه بعمل فيها كنافه والحلويات وسخنتها على عين البتوجاز ووطيت النار وفردت العجينه خاص وحطيتها فى الصينيه وفضلت اقلبها كل ما تتنفخ لحد ما استوت وحطيت العيش فى كيس نايلون علشان يفضل طرى وطلع تحفه ده بقى حشيته بالطحينه وكفته يعنى نوعت للى يحب عيش فينو او عيش الشورما للاسف كان نفسى اصورلكم الحاجات دى بس ما لحقتش اتنسفت بسرعه يعنى ممكن يا سلفانا تستخدمى نفس العجينه ولو عايزه تحطيها فى الفرن بس افرديها كويس وممكن اسهل على عين البتوجاز على طول وانتى واقفه يتبعيها وبتخلصى بسرعه وزى ما تحبى يارب اكون افدتك وياريت يا بنات تجربوها وتعملو للولادكو بيها حاجات كتير بيحبوها مش عارفه يمكن انا علشان بحب المعجنات وشغلها وبتفنن فى بس بجد حاجه جميله اوى خصوصا لما تشوفو ولادكم مقيلين عليها وحبوها وبتنفع كمان للى عندهم عيال فى حضانات وبسألو يعملولهم اكل ايه ياخدو معاهم يعنى ممكن يعملو بالعجينه دى ىتشكيلة سندويتشات او بيتزا او حتى حلويات وممكن كمان تتفرز وتلقوها عندكو وقت الزنقات

امني....كل سنه وانتي طيبه يارب وبخير وصحه وهنا وعافيه

جزاكي الله خيرا علي الافاده الجميله

تسلمي على السؤال يا اماني والله اتلغت جوزي تعب جامد امبارح ولسة الدور مكمل معاه ربنا يستر اتصلنا بالناس اعتذرنا متعوضة إن شاء الله و هجرب الاول موضوع الايس كريم عشان مجربتوش قبل كده
وتسلم ايدك على الحجة الحلوة هتخليني اجرب العجينة دي إن شاء الله وعندي دقيق بالردة ينفع؟