حبيبة ابراهيم البفتيك بيتبل بملح وفلفل ومية بصل وطماطماية مبشورة وخل وزيت زيتون عشان الطبقة متفكش زى ما البنات قالو ويتحط فى التلاجة لتانى يوم وبعدين تنفضيه من التتبيلة وتحطيه فى دقيق وبعدين بيض وبعدين بقسماط وتربتى عليه كويس وتخليه فى التلاجة ساعة عشان البقسماط يمسك وتقليه فى زيت ساخن وميكونش غزير خدى بالك عشان الزيت ميوصلش للطبقى اللى فوق وتفك وتقلبيه مرتين بالكتير مبياخدش سوا كتير لان اللحمة مهرية من التتبيلة

مرسي يا كتكوتة على ردك :26:




نورا ربنا يسعدك والله حجربه وان شاء الله يزبط انا تعقدت منه :(

مادو معليش انا لسه داخله وشفت سؤالك بس اعتقد ان مدام شيرين قامت بالواجب حبيت الفت انتباهك اانا قلت ان العجينه هتلزق وعلشان تتفادى ده تخلطى نص الكميه دقيق اسمر مش بعد ما تعجنيها لأ فى مكونات العجينه نفسها عن تجربه انا خلطت دقيق اسمر مع الابيض وكانت النتيجه روعه وكمان فرصه ندخل الدقيق الاسمر فى معجناتنا افيد واصح لينا ولولادنا
كتكوته تسلم ايدك على البسبوسه وباقى الاطباق الجميله ماشاء الله عليكى
نورااااااا اعمل فيكى ايه بسسسس؟؟بصى ياستى الفرن انتى الاول تسخنى الفرن كويس وتولعيه من تحت بس وتحطى الصينيه بتاعتك وتابعيها اول ما الحاجه تنفش وتحمر من تحت او من الجناب تطفى من تحت وتولعى الشوايه علشان الوش يتحمر وتكونى عندها وتاخدى بالك منها يعنى مش تولعى الشوايه وتروحى تشغلى (الغسااااااااااله) وتنسى الصنيه وتتحرق ها ها انتى فهمانى اكيييد ماشى يا جميل!!!!
ام علاء فعلا اطباق منال روعه خصوصا المعجنات بتاعتها وهيا قالت ان سر نجاح العجينه انها تكون لينه وانك تديها وقتها فى العجن كويس كل ما عجنتيها اكتر كل ما كانت النتيجه احسن بس حلاوة عجينة الكنز انها مش بتاخد وقت فى التخمير وانها بعجينه واحده تقدرى تشكلى انواع كتيره من المعجنات والنتيجه مضمونه وعارفين مين كمان اللى اطباقها تحفه حورية المطبخ الست دى انا بموت فيها واتعلمت منها حاجات كتيره خصوصا طريقتها فى العجن وتشكيل المعجنات وطريقة طبخها بجد بتقول كل حاجه بأدق التفاصيل يعنى مثلا ها قولكم على حاجه جميله اوى اتعلمتها منها بالنسبه للمشروم هيا لما بتحب تضيفه لاى اكله الاول بتشوحه فى شوية زيت زتون وزبده وفلفل اسود لحد ما يبقى لونه دهبى شويه وبعدين تطفى النار و بعد كده تضيقله الملح ( هيا بتأكد ان الملح ممكن نضيفه مع البصل اثناء التشويح على النار علشان ما يتحرقش وينزل ميته لكن المشروم لأ علشان ما يجلدش ويبقى زى البلاستيك بالذات لما يكون المشروم معلب ) و بعد الملح بتضيف عصير لمون وشوية بقدونس مفروم وتخليه على جنب وبعد كده تضيفه على اى حاجه هيا بتعملها يعنى انا جربت الخلطه دى وحطيتها على البيتزا فوق الصلصه كانت تحفه وطعمها جميل جدا
ده اللى جه فى بالى دلوقتى وكل ما افتكر او تعجبنى معلومه هابقى اقولكم عليها
بنات حد يعرف الشوكلت الخام اللى بتستخدمها نرمين فى برنامج ولا بالاحلام بتتباع فين فى مصر؟؟؟؟؟

مستنين البشاير عن البفتيك إن شاء الله
على فكرة أنا جربت تتبيلتك في صدور الفراخ عملتها زي الشيش البانيه بس عملتها صدور عادية وباسل فالتتبلى طلعت أحلى بصراحة جزاكي الله خيرا

أبلة دون وحشتيناااااااااااااااااااااااا اااااااااااااااااااااااااااااا اااااااااااااااااااااااااااااا