طريقه كيكه ام عزيزان

بس انا باحط السكر كوب وربع بس وباحط سمن بدل الزيت
البيكنج بودر ملعق كبيره والفانيليا ربع ملعقه صغيره والكوب اعاير بمج الشاى الزجاج الشفاف والسائل حوالى نص كوب حليب او عصير بؤتقال او حسب ما تحبى
الرابط هو
http://forum.hawaaworld.com/showthread.php?t=213349

انا باحط كوب وربع سكر +تلت كوب سمن "حوالى 5 ملاعق"+ البيض 5 وساعات باجط اربعه بس+ الفانيليا ربع ملعقه صغير قوى علشان ما تمررش ولو حتعمليها بالبرتقال حطى بشر البرتقاله+ الحليب نص كوب فى الخلاط واضربهم حلو

واكون خالطه الكوب ونص دقيق + ملعقه كبيره بيكنج بودر فى طبق

واحضر اناء اصب فيه محتويات الخلاط وانزل شويه شويه بالدقيق المخلوط بالبيكنج وانا بانخله بمصفاه صغيره واضرب بالمضرب الكهربائى علشان اخلط كويس القيق مع باقى المكونات ي
ولما اخاص الدقيق اكون ملوعه الفرن من قبل كده ومجهزه الصينيه المدهونه سمن ودقيق وتاخذ 35 دقيق تقريبا على نار متوسطه

اى سؤال اتفضلى
انا كنت غلطت ولخبطت درجه الفرن والبنات ودينا جزاهم الله خيرا فهمونى ان الحراره ثابته متوسطه من البايه للنهايه

دون انت فين قولى بقى طريقة الرموش نفسى فيها
كمان يابنات كنت جايبة زبدة ماما كانت مخزناها وسيحتها وحطيتها فى برطمان وبعد ما عملت منها الاكل حسيت طعمها مر وريحتها مش قد كده قلت تهيؤات من الحمل بس جت صاحبتى وداقت البيض المقلى بيها وقالت لى طعم السمنة غريب اعمل ايه عندى كتير ومش لاقيه له صرفة

اقولكو على طريقة بطاطا حلوة ومعروفة بتسلقى البطاطا كويس يعنى تبقى مستوية كويس قوى وتقشريها وتهرسيها وهى سخنة عشان تبقى سهلة الهرس مع شويه سكر وحطيلها المكسرات اللى انتى عايزاها وبطنى بيها طبق بيركس بطبقة سمك عقلتين صباع مثلا
اعملى زى البشامل بس على حلو مش حادق يعنى انا بعملها بلبن مدوب فيه حتة زبدة وسكر ولما يغلى احطله نشا مدوباه فى كوباية مية واقلب لغاية ما يتخن
صبى البشامل او المهلبية دى على وش البطاطا بحيث تعمل طبقة قد طبقة البطاطا او اسمك ودخليها الفرن على الشواية يتحمر وشها بس وبعدين طلعيها و رشى على الوش شوية سكر وجوز هند ورشة قرفة خفيفة وحطيها فى التلاجة
فى ناس بتاكلها دافية وناس بتحبها ساقعة

شيمو الفجيرة انا بروحها زيارات يعنى يوم جمعة بنروح نلف فيها شوية ونرجع اخر النهار انتى مالك قلقانة عليه كده
هى امارة نضيفة بس زى ما قلتلك هادية فهو ممكن يزهق من الهدوء بس

الرابط دة فية اكلات حلوة لأبلة دون
http://forum.hawaaworld.com/showthread.php?t=1014385&page=4

ازيك يا أماني يا جميله ربنا يعينك علي الشغل و البيت
بصي بالنسبة للبسبوسه انا عملتها زيي ما انتي ونورا كنتوا كاتبينها بالظبط اللي هي طريقة ابله دينا انا اعتقد انها مش ظبطت معايا لان الصينية كانت صغيرة و الكمية كانت كتيره عليها
بس عامة انا مش بحاول اتقن الحلويات او اعملها كتير عشان انا اللي بأكلها جوزي مش بيحب الحلويات بيحب الفاكهه أكتر
وكمان عايزة عمر يكون كده برضه واهي الفايده في الفاكهه اكتر واحسن



خدي يا مشموشه طريقة رموش الست لغاية ما تيجي ابله دندونه
منقوله من منتدي تاني طبعا ومش جربتها

رموش الست ....... بالخطوات المصورة



المقادير:

1 ك سكر بودرة
3/1 ك دقيق سميد حوالي 6 ملاعق كبيرة
1 ك + 1 م/ك زبدة
½ ك جوز هند ناعم
3 بيض + فانيليا
½ 3 ك دقيق
½ م/ك باكينع باودر
قطر(شربات)


الطريقة:

* اول شئ نضرب بالخلاط الكهربائي الزبد السكر البودر



* ثم نضيف البيض والفانيليا ونخلطهم جيدا




* نضيف دقيق السميط ونقلبه جيداً



* ثم جوز الهند ونقلبه جيداً



* نضيف الباكينج باودر على الدقيق ونضيف بالتدريج الدقيق للخليط السابق
ونعجن الى ان نحصل على عجينة متماسكة كما موضح بالصورة



* ادهني صينية فرن بالسمن وكوري العجينة واضغطي في وسطها
ضغطة خفيفة وخليها متباعدة عن بعضها كما بالصورة




* ضعيها في فرن متوسط الحرارة الى ان يتغير لونها
وفور خروجها من الفرن صبي عليها الشيرة ( القطر)
وعند التقديم رشيها بقليل من جوز الهند




والف هنا .....................

مدام شيرين أم ادهم --- عجبتي اوي طريقة البطاطا اللي بالعسل ديه مع اني حاسه انه صعب اني ممكن اعملها لاني مستغرباها الواحد متعود علي البطاطا التقليديه اللي بتتشوي او تتسلق

نورا --- اه يا جميل انا قلقانه علي اخويا والقلق ده احساس طبيعي و هو وحشني جدا يارب يوفقه و يرزقه بالخير دايما يارب وهو صراحة يستاهل كل خير
وانا بسألك وعايزة اعرف الدنيا حواليه عامله ازاي لان طبيعة اخويا انه قليل الكلام جدا و احنا مهما نسأله الدنيا عامله معاك ايه وبتأكل ازاي وكده بيرد علينا كلام مختصر جدااااااااا