من لا يشكر الناس لا يشكر الله


بجد جزاكم الله كل خير والله انا مش بشترك كتير بس متبعاكم لاني في الشغل وجربت البسبوسه طلعت تجنن مع انها مكنتش بتظبط معايا
وجوزي بيزلني لانه بيعملها هوه احلي بس المره دي لا اناغير بجد شكرا ليكم مش عارفه اشكر مين لاني حافظه الملف من رمضان بس بجد بحبكم في الله

شكرا يا نورا علي طريقة البطاطا
انا انهردة عملت المشوية في الفرن و طلعت حلوة قوي
لو عملت حاجة تنية حقولكم

الغاليه ام على والغاليه ام ادهم جزاكم الله كل الخير وجارى التطبيق

في طريقة الكيك بتاعتي (1-2-3-4)
حلوة اوي الحمد لله وفي السريع
المقادير:
1زيت +1 لبن
2 سكر
3 دقيق
4 بيضات
بيكنج بودر+فانيليا

الطريقة:
في الخلاط الكهربائي بحط 4 بيضات من التلاجة عادي واضربهم مع فانيليا وبعدين 1 كباية زيت و1كباية لبن و2 سكر وبعدين بقلبهم في بولة كده فيها 3 كوبايات دقيق وبيكنج بودر وبقلبهم بمضرب البيض اليدوي وبعدين بصبها في صينيه كبيرة مستطيلة اكون فارشاها بورق زبدة
وعلى الفرن حرارة 190 لمدة ساعة الا ربع في رف فوق الصاجة علطوول وبس

ممكن اضيف شوية كاكاو لجزء من العجينة وارشه بشكل عشوائي بتطلع حلوة ومجزعة بالشيكولاته كده
او اضيف روح البرتقال بتبقى حلوة برضه
او بضيف جوز هند

يا بنات فين مى ناصر ولوزه لوزه بجد وحشونى حد يعرف هما فين يارب يكونو بخير
اين انتى يا دندوووووووووووووون واين الكنننننننننننننننننز اللى قولتى عليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟