omyosef :

السلام عليكم ورحمة الله وبركاته معلش ياجماعة الخير هستئذنكم بس اقول للبنات بتوع سرب الحمامات اننا هنا مؤقتا http://forum.hawaaworld.com/showthread.php?t=1986681

السلام عليكم ورحمة الله وبركاته معلش ياجماعة الخير هستئذنكم بس اقول للبنات بتوع سرب الحمامات اننا...

don :

مساء الخيرات يا شيفات بشكركم جميعا للسؤال عنى ربنا يكرمكم يارب بصوا بدون ذكر اسامى علشان مش فاكرة والله مين طلبت اية ومين طلبت اية انا حرد وكل واحدة تطلع حاجتها اولا بالنسبة للبسكوت باليانسون انا شفت الصورة تسلم ايد اللى عملته بس خلى بالك هو مبيكنش شكله زى الكيكة ....هو بيبقى ناشف شوية وشكله بسكوت ومحمر شوية دة بيحصل بعد ما بتعمليه زى الارغفه الفينو وتقطعيه صوابع وتدخليه تانى الفرن فى المرحله دى هو بينشف اكتر من الكيك ودى صورة بالتقريب لشكلة وبالنسبة لماكينة بسكويت النشادر هى دى وتلاقيها بتتباع فى السعودية منها الحجم الكبير والحجم الصغير عند بتوع الادوات المنزلية اية تانى ؟؟؟ اية تانى ؟؟؟ دى كل الطرق اللى سبق ونزلناها وموجودة فى التلخيص الجلاش بالجبنه المقادير: لفة جلاش ،الحشو:2طماطم مقطعه مكعبات صغيره +2 فلفل رومي مقطع صغير+1 فلفل حامي (اختياري)+جبنه رومي مبشوره+بسطرمه أو سوسيس أو مشروم ( بالبسطرمه بتكون أحلى) مقطعه صغير+3 معالق سمنه سيحه او ممكن زيت+للتغطيه بيضه +(ملح +فلفل) (بسيط لان الحشوه فيها جبنه رومي)+كوب لبن+جبنه موتزريللا الطريقه هانجيب الصينيه ونفرد الجلاش ورقه ورقه في الصينيه وبين كل ورقتين نمسح شوية سمنه بعد مانخلص 4 ورقات جلاش او 5 بالكتير نحط الحشو كله خلي بالك احنا ماقسمناش لفة الجلاش بالنص لانه بيطلع طعمها احلى لو هيه رفيعه مش جلاشها كتير يعني فاممكن اللفه تعمل صنيتين بعد مانحط الحشو نحط كمان 4 ورقات جلاش وبينهم برضه سمنه او زيت وبعدين نقطعها مربعات او مستطيلات زي ماهانكلها يعني ندخلها الفرن 5 دقايق اما نلاقيها هاتنشف نسقيها بنص مقدار اللبن والبيضه وندخلها تاني وقبل ماتستوي ب 5دقايق نطلها ونحط على وشها الموتزريلا وندخلها تسيح بس (فيه كمان جلاش بالافاش كيرى حلو قوى حتلاقيه فى توقيع مسلمة تسلم ايديها ) الكيك المقادير لعمل 3قوالب كيك طويلة: 1/2 كيلو ذبدة _ 1/2 كيلو بيض _1/2 كيلو سكر _1/2 كيلو دقيق 2ملعقة صغيرة فانيليا _او 2كيس .كيس بيكنج بودر الطريقة: فى الخلاط اضربى الذبدة كويس قوى حوالى 5 دقائق ضعى السكر على الذبدة و اضربى لحد ماتلاقيها بقيت خفيفة و هشة ضعى عليهم البيض واحدة لحد ماتختفى و بعدين نضع التانية وهذا لحد اخر بيضة نضع معاها الفانيليا لحد ما تلاقى العجينة ما شاءالله تخنت و زادت اطفى الخلاط ضعى البيكنج بودر على الدقيق و حطية شوية شوية على العجينة و يكون الخلط بالراحة قوى و فى اتجاة واحد فقط صبى العجينة فى القالب المدهون الى 3/4 القالب وتكونى مولعة الفرن قبلها ب5 دقائق تضعى القوالب ولاتفتحى عليها قبل 10 دقائق على حرارة متوسطة لحد ماتلاقيها عليت و مسكت و استوت طبعا بطرف السكينة خرجيها و اقلبيها على منخل سلك و سيبى القالب فوقها لحد ماتبرد طريقة حفظ الكيكة ؛ قطعى قالب للاستخدام فى علبة بلاستيك باقى القوالب لفى كل قالب لوحدة بالفويل و ضعية فى الفريزر و عند الطلب علية خرجية من الفريزر قبلها بساعتين حيكون كأنك لسة عملاة

مساء الخيرات يا شيفات بشكركم جميعا للسؤال عنى ربنا يكرمكم يارب بصوا بدون ذكر اسامى علشان مش...