تادوه
جزاك الله خيرًا عملت الكفتة بطريقتك وطلعت جميلة اوي كمان كنتي قلتي على عجينة منال العالم جربت الوصفة دي حلوة وهشة جدا


بس أنا عملت منها كذا حاجة عشان اجرب العجينة فعملت زي ماهي عملت بس سويتهم جنب بعض عادي وسينابون و صفايح لحم بـدبس الرمان و اخدت صابع كفتة وجربت طريقتك يا اماني إني احطه جوه حتة من العجين ويبقى زي الفينو كده

لعشاق المولتن الطريقة دي زي الأصلي تمام
http://forum.hawaaworld.com/showthread.php?t=1953282

كتكوتة .. انا كمان بعمل دلوقتي الكفتة بطريقة مها .. بس لسة مدقتهاش
معلش اتأخرت عليكي في طريقة الكبسة .. الكمية تكفي 8 افراد
بصي يا جميل هتجيب مثلا 4 كوب ازر بسمتي مغسول فقط (انا بستعمل دريا ) - كيلو لحمة بتلو (سن-دووش) دول احلي نوعين مع الكبسة - 2 بصلة وسط- معلقة ثوم صغيرة- 3فلفل الوان-جزرة مبشورة-وطبعا زيت -ملح-فلفل-كركم-قرفة-حبهان-ولورا-ممكن ريحان-اي توابل بتحبيها تانية
الطريقة : تجيبي حلة كبيرة وتحمري فيها البصل واول متدخل في التحمير تروحي حاطة الثوم و تقلبي لغاية ما يصفر كدة تحطي اللحمة و تشوحيها شوية كدة معاهم وبعدين الملح و الفلفل والحبهان و اللورا وبعدين تزودي ماية بس مش كتير لأنها مش بتاخد سوي لغاية لما تستوي (ممكن تزودي ماية شوية بشوية علي اللحمة لغاية لما تستوي) ويعدين تروحي حاطة 6 اكواب ماية علي اللحمة وتحطي الجزر المبشور و الفلفل الألوان اصفر واخضر واحمر (مقطع شرايح طولية) لغاية لما الماية تغلي تروحي حاطة الرز والكركم و القرفة و الريحان وتظبطي بقي طعم البهارات وتقلبي وتروحي بقي مغاطية علي الحلة لغاية لما الرز يتشرب الماية و تقلبية بالشوكة وبعدين توطي علية النارلغاية لما يستوي وتقدمية ... بالهنا و الشفا ..
جربية و الله مضمون انا كنت اول مرة اعملة كان عندي عزومة ومقولكيش الكل كان مبسوط منة اوي حتي حماتي مشيت واخدت مني الطريقة:p

السلام عليكم ورحمه الله وبركاته عليكم جميعا الف مبروك التجمع الجديد
يارب يجعله في مرضات الله ويحفظكم جميعا اخواتي الغاليات بحبكم جميعا
في الله اخواتي الحبيبات الان الشيخ محمود المصري علي قناة الناس مشاهده طيبة