شوفتها يا قمر معلش نسيت اشكرك سامحينى السن و النظر و العوامل البيئية و العوامل الخارجية السبب ههههههههههههههههههه

ام مرام ممكن تعملى صينيه بطاطس محشيه اللحمه المفروه انا لسه عاملاها امبارح جنب رز بشعريه ..
تعصجى اللحمه بالبصله عادى وبعد كده تحطيلها صلصله مسبكه وتكونى حاطه الملح والتوابل عادى
وتنقى البطاطس الصغيره تقشريها وتقوريها (بس احتفظى بالقلب اللى تطلعيه ) وبعدين تحمريه فى سمن حتى يصبح لونها ذهبى وبعدين تحشيها باللحمه المفرومه
تجيبى الصينيه وتفرشيها بقلب البطاطس اللى شيلتيه وترصى البطاطس وبعدين لو الصلصه متسبكه تدوبيها فى ميه وتحطى الملح والفلفل الاسود عادى وتغطى بيها البطاطس ... ممكن تدخليها الفرن تستوى بس انا سويتها على البوتاجاز من فوق لان البطاطس محمره وشكلها حلو مش محتاجه حتى تحمرى وشها تحت الشوايه
وبالف هنا وشفا

سيلفانا معقول قصة البنت دة قصة حقيقية انا مش قادرة اصدق الي بقراة دة معقول وصلت بينا الحال لدرجة دة
معقول اب يعمل مع بنتة كدة
معقول

يا أم كريم والهي انا حاولت اعمل زيي ما بتقولي
وجبت العجينه وقعدت في الارض بعد ما ابني نام و جوزي كان في الشغل والهجينة حالفه انها ما تسيب ايدي ابدا
بس انتي طمنتيني انها بتعمل معاكم كده يعني ديه مرحله طبيعبة في العجن ان شاء الله مسيرها تظبط معايا
اذا جوزي سافر الاسبوع ده هقعد العب شوية ويامسهل يارب:cook:

تفتكري يا زوزا اني كده افقد الامل يعني وخصوصا انه لسي جايبلي موبيل جديد فمش قادرة اتكلم :44:

ام مرام اعملى صينية بطاطس باللحمة المفرومة اسلقى بطاطس واهرسيها مع ملح وفصين ثوم مدقوق وفلفل وبهار وكمون وشوية قشطة او كريمة او جبن مبشور اللى عندك ورصيها فى صينية طبقة سميكة شوية وعليها طبقة لحمة معصجة ومتبهرة بملح وفلفل وبصلة ومعلقة صلصة صغيرة او طماطماية صغيرة متقطعة مكعبات ومشروم وعليها طبقة تاني بطاطس زى اللى تحت ورشى على الوش جبنة مبشورة كتير ورشة بقسماط ودخليها الفرن يتحمر وشها
او اعملى البطاطس الفورد اللى هى تسلقة البطاطس وتهرسيها مع ملح وفلفل وكمون وثوم مفروم وجبنة مبشورة وتحطيها فى صينية فرن وعلى الوش تكونى مجهزة بصل متقطع مكعبات وفلفل رومى ومشروم ولو حابة حتت سوسيس كمان حطى وتكونى مقلبة كله تقلبيتين على النار وتحطيها على وش البطاطس وعليها رشة جبنة مبشورة وعلى الشواية فى الفرن برضه
وفى كمان نفس فكرة المكرونة بالبشامل بس الطبقة البشامل اللى فوق بدليها ببطاطس مسلوقة تضربيها فى الخلاط مع لبن حليب وفص ثوم واقعدى زودة مية وحليب لغاية ما تبقى خفيفة شوية انها تقدر تلف فى الخلاط يعنى هتبقى بسمك البشامل مش خفيفة قوى خلى بالك وصبيها على وش المكرونة ورشة جبنة وعلى الفرن برضه
ممكن تعملى بطاطس مشوية بانك تلفى كل واحدة بورق المونيوم فويل وتدخليها الفرن لحد ما تتشوى زى البطاطا او حتى من غير فويل بس قلبيها كل وشية على ما تتلسعش وبعدين قشريها وشقيها بالطول وفرغى شوية من محتواها كانك بتعملى جيب فيها وتكونى مجهزة خلطة مايونيز ومسطردة وجبنة مبشورة على جبنة كاسات يعنى انواع الجبن اللى عندك اللى ممكن تسيح وتحشيها بيها وتتاكل وهى سخنة
وممكن تحمرى كمية منها بس شيليها من التحمير قبل ما تستوى يعنى خليها نص سوا وشيليها فى اكياس فى الفريزر وكل ما تحبى تعملى بطاطس محمرة طلعيلك كيس وعلى الزيت السخن على طول