ام مرام صاحبتك اللى عايزة تحمل خليها تجرب موضوع الحقن اولا نتايجه بتكون معقولة وغير كده مش مكلف قوى زى اطفال الانابيب يعنى ممكن تعيد المحاولة اكتر من مرة لغاية ما ربنا يرزقها
والحل مش فى الطلاق ماكل واحد فيهم ممكن انه يتجوز حد تانى ويخلف بس هل كده ضمن انه يعيش مرتاح مع شريك حياته الجديد؟
طالما هما كويسين مع بعض ومرتاحين مع بعض يبقى يفضلوا يحاولو لغاية ما ربنا يرزقهم ويتصدقو باستمرار بغرض انه ربنا يرزقهم ويوميا يقرو سورة يس وان شاء الله ربنا هيكرمها

في غياب الوعي الديني والعادت والتقاليد المصريه الجميله اللي احنا اتربينا عليها ممكن يحصل اكتر من كده

بجد ربنا يسترها

شيري حلو قوي طريقه البطاطس اللى بالمشروم دي بس شكل مكونتها كتير مش عارفه أتخيل طعمها بس شكلها جبارة

لاروزا حلوه أفكار البطاطس اللى كتبتيها بس صينية البطاطس اللى باللحمه المفرومه انا كنت فاكره ان البطاطس البيورية مش بيتحط فيها ثوم الا لو هتتاكل كسلطه صح ولا انا غلطانه ؟

ام مرام
دة رابط المضيفة
http://forum.hawaaworld.com/showthread.php?t=2127628

أم مرام في أكله جوزي بيحبها قوي أصلا انا متعلماها من حماتي الله يرحمها عن طريق بنتها بس واضح انها كانت ست فنانة الله يرحمها بصي ياستى

بوفتيك البطاطس
نصف كيلو بفتيك – نصف كيلو بطاطس – ا كوب لبن – 6 ملاعق كبيره دقيق – 4 ملاعق كبيره سمن – 6 بيضات – بصله كبيره – ملح – فلفل – 2 كوب بقسماط .
الطريقه :
اولا البفتيك : تبشر البصله ثم يتبل البصلة ثم يتبل اللحم في البصل والفلفل والملح ثم ترتب في صينيه ويوضع عليها ملعقه سمن وتوضع على نار متوسطه حتى تستوي ثم تنشل من البصل وتوضع في طبق
ثانيا البطاطس : تقشر وتغسل وتقطه وتسلق في كوب ماء واحد مع بعض الملح الخفيف وبعد الاستواء تهرس جيدا وتوضع في سرفيس حتى تبرد
ثم نحضر حله ونوضع بها ملعقه سمن كبيره و4 ملاعق دقيق ويقلب جيدا على نار هادئه وبعد 3 دقائق يوضع اللبن وتقلب مع كسر 2 بيضه جيدا بسرعة ويوضع الملح والفلفل حتى تمام الاندماج دون وجود اى رواسب في الحله.
ناخذ قطعه من هذه العجينه ونبطط بداخلها البفتيك حنغطيه بها تماما من فوق وتحت حتى يصبح قطعه بيضاويه واحده ( حسب شكل البفتيك ) حتى تنتهى الكميه
يوضع الدقيق يوضع في طبق وطبق اخر يوضع فيه 2 بيضه مضروبين وعليهم ملح وفلفل خفيف وطبق اخر بقسماط
اولا توضع اللحمه بعد ان تبطط بالعجينه وش وظهر في الدقيق
ثم وش وظهر في البيض
ثم وش وظهر في البقسماط
ثم تقلي في كوب زيت مع ملعقه سمن حتى تصل للون الذهبي وتقدم ساخنه وبالهنا والشفا