ايه الجمال ده يا ام كريم

ماشاء الله يأم كريم فنانه عاشت ايديكي

ما شاء الله عليكم اساتذة و رؤساء أقسام يا حلوين تسلم ايديكي يا إيمان على الحاجة اللي بتنزليها واللهِ بدعيلك على اللي بتعلمه منك
وحلوة اوييييي فكرة البيتزا
كنتي قلتي إنك بتعملي البسكويت بتاع التشيز كيك ممكن تكتبي الطريقة؟؟

أم كريم
حلوة اوي الشكل بتاع المعجنات ده تسلم ايديكي و بالنسبة لكويرات الكاستر مكتوب مقادير العجينة بس مش مكتوب مقادير الكاستر هل يقصد الكاستر العلب الجاهز ؟؟؟

على فكرة النهاردة كنت أول مرة أعمل بيتي فور عملت طريقة كهرمانة جزاكي الله خيرا طلع تحفةةة ما شاء الله بس فعلا السكر محتاج يزيد شوية بس الطعم روعة

كمان عملت أنا و صاحبتي الحواوشي حلو اوي والله و أحسن من بتاع بره بكتير

بقولكم يا بنات من فضلكم محتاجة ضروري طريقة بودينج الشيكولاتة بس مجربة

على فكرة ياأم كريم
أنا قلت ضيفي زبدة صفرا مش سمنة خااالص أصلا السمنة البلدي بيبقى طعمها فااااااااااااااااااقع أوي وطبيعي هتظهر أوي وهيبقى الطعم سمنة مش جبنة خااالص
كمان ريحة السمنة البلدي ده إنتى جربتيها
أنا جبتها مرة بس كانت ريحتها وحشة جدا مش عارفة بقى كانت قديمة ولا إيه بس عموما يفضل إنك تبعدي عن الحاجات ده الله أعلم هي إيه بالضبط إحنا بنعمل في البيت عشان نضمن حاجة صحية مش حاجة مجهولة المصدر