صباح الخير على احلى بنات
ربنا يكرمكم على الردود الحلوه يا بنات ما تحرمشى منكم ابدا
بالنسبه للنوع التورته الجاهز اللى جربته هو سايب بيتباع بالكيلو ونوعه دريم علشان تعرفوه وما تتخموش فيه زيى على فكره انا حاولت مش ارميها لا استفدت برضه منها مش كفايه محطوط فيها 7 بيضات المهم ضربتها فى الكبه لحد ما بقت ناعمه اوى وحطيت عليها صوص شكولا بالطريقه اللى كنت قلتها قبل كده ولفتها فى ورق نايلون على شكل اسطوانه وعلى الفريزر لحد ما جمدت قطعتها تر****ت رفيعه مالها زى الفل وزى ما بسومه قاالت محدش يجيب سيره هيكلوها يعنى هايكلوها وبعدين ماعنديش عمى عطا يارشا كنت اتصرفت
لملومه انتى كمان وحشانى اوى ووحشتنى ايام التسميع مع اسماء ربنا يجمعنا على خير دايما يارب
مصريه ماتفكرنيش يوميها الكل كان بيتخانق على الشيكولاته وكانت غلطة عمرى انى زوقتها بنوعين الكل عايز شيكولاته وادبست انا وماما وبابا بالفاكهه لأ بس بجد الاتنين احلى من بعض والتورته كلها يا بسكوته مش حته منها مش تغلى عليكى
حنوووووووووون حبيبة قلبى الشكولاته دى عملتها بمقشرة البطاطس جبت قالب الشكولاته وكنت جايبه النوع اللى قالت عليه رشا كورونا
وانا سيباها بره التلاجه يعنى شيلاها فى دولاب المطبخ وومسكت القالب بالطول كله على بعضه وبالمقشره بقيت اخد منه بالطول طلعتلى قطع جميله ملفوفه على بعضها كنت شفت مره جيادا فى فتافيت بتعملها فعلا بتدى ديكور جميل للتزويق التورت والحلويات عامةوبالنسبه للجيلى انا جربت مره وحطيت على الكريم شانتيه بعد ما ضربته جيلى فراوله بودر وحركت الخليط بقى لونه روز جميل زوقت بيه التورته جربيها لو حبيتى بتغنى عن الالوان وبتأدى نفس الغرض
ايمى انتى بتهرجى انا اجى جمبك ايه يا جميل دا انا بتعلم منك يا استاذه لأ يا فنانه بجدانتى بس اللى ذوووووووووووق والله
سندريلاااااااااااااااااااا طبعا دكتوره واستاذ دكتور كمان عندك شك يا بنتى كفايه انك بقيتى خبره وبعدين المعلومات دى اللى كتبتيها هاتعجب اى حد بيعمل رجيم وهايشكرك عليها اسالى حتى دندون دا انا مستنيه تعليقها الجميل على المعلومات دى هههههههه لا بجد
واضح ان دكتورك ابن حلال وعسوووول انتى عارفه نفسى تفتحى ملف مخصوص بتجربتك دى عن الرجيم وتردى على اسالتنا وتفيدينا بنصايحك الجميله دى وهاتلاقينا كلنا معاكى دوشينك على طول ربنا يكرمك يا اسماء ويباركلك فى جوجو السكره
شهيره جزاكى الله كل خير على الحاجات الجامده اللى حطاهلنا بس صحيح اخبار الرجيم معاكى ايه وايه حكاية البسكوت المالح ؟؟؟ اصلى انا كمان بموت فيه بس الرجيم انتى عارفه ههههههه وانا برشحلك تروحى مركاتو بجد تحفه يا شوشو انا عن نفسى عجبتنى حاجات المطبخ اللى هناك وناويه اروح تانى وتالت والله كل زياره ابقى اعدى عليه لازم دا طبعا بالاضافه لدرب البرابره والقصواء
رشرووووووش اللى مدوخانى وراااااهاهيا ايه حكاية التورلى ؟؟؟؟؟؟؟؟والرجيم بيسلم عليكى تعرفى امبارح كنت فى زياره لناس قرايبى فضحونى انتى كده كفاياكى هاتنتحرى ولا ايه ؟؟؟؟ مش عارفه هما مالهم ما سيبو كل واحد براحته وكل واحد ادرى بنفسه ماعلينا المهم
التورتايه عملتها بنى بشيكولاته يعنى شيلت معلقتين كبار من مقدار لدقيق وحطيت بدلهم كاكاو دارك وزوقتها بالكريم شانتيه وكمبوت خوخ وطبعا شكولاته وعلى فكره مش عارفه ليه مستغربه طعم الكورونا دى مع ان قوامها جميل بس الشكولاته اللى قولتلك عليها احلى وبالنسبه للكراميل انتى بتعملى كراميل عادى سكر فى طاسه يتعمل كراميل وممكن تحطى مع السكر كام نقطة ميه زى م قالت فراشه علشان يسهل عليكى الموضوع وبعد ما يتعمل الكرميل وتوصلى للون المطلوب تحطى السودانى المتحمص وبعد كده تحركى وتطفى على طول وتصبيه على ورقة فويل ممسوحه بزيت وتفردى الكرميل عليه وتسيبيه يبرد بعد كده تكسريه وتضربيه فى الكبه لحدما ينعم اوى او يبقى شويه خشن زى ما تحبى وتزوقى بيه اللى انتى عيزاه وحوريه كانت كمان بتحطه جوه الكيكه بس انا مجربتش الموضوع ده
ياسمين بالنسبه لبنتى فى تانيه اعدادى عقبال ما تشوفى ولادك كده وتفرحى بيهم
جزاكى الله كل خير يا رشا على المجله لسه كنت هاسال عليها فعلا جت فى وقتها
سما ازيك فينك من زمان وحشانا والله خليكى معانا دايما بجد انتى وسموحه مش تغيبو عنا وشاركو معانا على طول

أمانى ياقمر ربنات يخليكي وكلك زوق يا حبيبه قلبي وتعرفي لو انا عندك مكنتش فعلا هاكل الا من اللى بشيكولاته ههههههههه انا كده لما أحب أتخن يبقى على حاجه تستاهل

صباح الخير علي الجميع شوفتو عملت ايه

قدره قادر

ايه رايكم

خلاص شفتها ياأحلي طريق....
جمييييييييييييلة ماشاءالله بجد واحلي مافيها ان طبقة الكريم كراميل عالية ودة الصح انا فاشلة فيها بصراحة عملتها كتير باظت مني
تسلم ايدك بس قوليلنا الطريقة والمقادير لعل وعسي
معلشي فكريني باسمك تاني